លួច«ចៀម ក វែង»ពីរោងសៀក បណ្ដើរឲ្យជិះ«ត្រាមវេ»ក្នុងក្រុង
ដើម្បីឲ្យមេរៀនដល់យុវជនប្រាំនាក់ ដែលបានលួចសត្វចៀមកវែងពីរោងសៀកខ្លួន លោកចាងហ្វាងក្រុមសៀកបានដាក់ពាក្យបណ្ដឹងរបស់គាត់ទៅកាន់អាជ្ញាធរ កាលពីថ្ងៃព្រហស្បត្តិ៍សប្ដាហ៍មុន។ ប៉ុន្តែរឿងដែលនិយាយពីការលួចសត្វចៀមដ៏ស្លូត ហើយបណ្ដើរវាឡើងជិះ«ត្រាមវេ»កាត់ក្រុងនោះ បានធ្វើឲ្យបណ្ដាជនដែលបានដឹង ផ្ទុះសំណើចទប់មិនបាន ហើយទីបំផុតទៅ ចាងហ្វាងក្រុមសៀក បានដកពាក្យបណ្ដឹងរបស់គាត់វិញ នៅថ្ងៃអាទិត្យទី០៣ខែវិច្ឆិកានេះ។
យុវជនទាំងប្រាំនាក់ ថតរូបអនុស្សាវរីយ៍ជាមួយសត្វចៀម កវែង នៅចំណតត្រាមវេ។ (រូបថត ទំព័រហ្វេសប៊ុក)
ចម្លែកពីនេះពីនោះ - រឿងចម្លែកៗក្នុងលោក ចេះតែកើតមាន«ហ្មង» ! ព្រោះជាទូទៅ ការដើរហើរបស់សត្វពាហនះ នៅក្នុងក្រុងទំនើបដែលមានមនុស្សកកកុញ និងចរាចរណ៍ណែនស្ទះនោះ [...]
