កម្ពុជា៖ សហជីពសេរីកម្មករ ប្តឹងក្រុមហ៊ុនទូរសព្ទ័ចល័តអ៊ឹមហ្វូន (Mfone)
សហជីពសេរីកម្មករ បានដាក់ពាក្យបណ្តឹង ទៅនាយកដ្ឋានវិវាទការងារ ប្តឹងនាយកក្រុមហ៊ុនអ៊ឹមហ្វូន ពីបទមិន«គោរពច្បាប់ការងារ» ដោយបានព្យួរការងារបុគ្គលិកស្រ្តី ចំនួន៥០នាក់ ចាប់តាំងពីខែវិច្ឆិកា ឆ្នាំ២០១២ រហូតមកដល់បច្ចុប្បន្ននេះ ហើយសន្យាឲ្យបុគ្គលិកទាំងនោះ រងចាំដោយគ្មានកាលកំណត់ច្បាស់លាស់ និងមិនមានប្រាក់ខែ។
រូបគេហទំព័ររបស់ ប្រព័ន្ធទូរស័ព្ទចល័តអ៊ឺមហ្វូន។
លោក ម៉ាន់ សេងហាក់ អគ្គហិរញ្ញិក សហជីបសេរីកម្មករ បញ្ជាក់ថា ការដាក់ពាក្យបណ្តឹងនេះ ដោយមានការពឹងពាក់ ពីបុគ្គលិកក្រុមហ៊ុនទូរសព្ទ័ចល័តអ៊ឹមហ្វូន(Mfone) ចំនួន២៥នាក់ ។លោកបន្តថា ក្រុមហ៊ុនបានព្យួរការងារបុគ្គលិក រហូតដល់៥០នាក់ ដោយគ្មានពេលកំណត់ និងមិនមានការទទួលខុសត្រូវឡើយ។ [...]
