Posts tagged as "Cinema khmer"

នាង ឌុច លីដា ដែលបានឡើងកូដខ្លាំងមួយរយៈមុននោះ ស្រាប់តែបានបាត់មុខសូន្យឈឹង នៅគ្រប់វេទិកាសិល្បៈសឹងតែ​ទាំងអស់តែម្ដង។ តែនៅពេលនេះ នាងបានត្រឡប់មកវិញ និងថែមទាំងអះអាងទៀតថា នាងកំពុងតែមានវត្តមាន​ក្នុងខ្សែ​ភាពយន្ដភាគ រឿង«សន្យាស្នេហ៍»នៅប៉ុស្តិ៍ទូរទស្សន៍ស៊ីធីអិន នោះទៀតផង។

តារាសម្ដែង នាង ឌុច លីដា ពេលចូលរួមក្នុងកម្មវិធីអាណាចក្រតារា។ (រូបថត MONOROOM.info/ Samneang)

រាជធានីភ្នំពេញ - នាង ឌុចលីដា ដែលបានទៅសម្ងំរស់នៅ ក្នុងភាពស្ងប់ស្ងាត់មួយរយៈមកនេះ បានធ្វើឲ្យគេគិតថា នាង​បានបោះបង់ចោលការសម្តែងហើយ។ តែបើតាមអ្នកដែលនៅកៀកកិតរបស់នាង បានឲ្យដឹងថា នាងមិនទាន់ដើរចេញ ពី​ទីលានសិល្បៈដែលពោពេញទៅដោយ ភាពប្រកួតប្រជែងនេះនៅឡើយទេ ព្រោះនាងនៅមានអ្នកគាំទ្រជាច្រើន [...]

តារាសម្តែងជើងចាស់តែនៅមានយីអ៊ុន ព្រោះតែមានសមត្ថភាពសម្តែងពេញនិយម ពីអ្នកគាំទ្រអ្នកនាង ប៉ែន សុផានី ដ៍​ស្រស់ស្អាតតែងកាយបែបស្រគត់ស្រគំ រហូតមកទល់ពេលនេះ តាំងពីបែកខ្ញែកជាមួយតារាចម្រៀង ឆោម ប៊ុនយ៉ុង មក ពុំដែលខ្វល់ពីរឿងទទួលស្នេហា ជាមួយអ្នកណាឲ្យគេដឹងសារជាថ្មីឡើយ។ ទោះយ៉ាងណា ក៍ថ្មីៗនេះមានលេចឮនូវពាក្យអចាមរាមថា អ្នកនាង ប៉ែន សុផានី មានអ្នកតាមសុំស្រលាញ់ដែរ តែមិនព្រម​គិតពិចារណា ព្រោះតែសំអាងទៅលើភាពចាស់ទុំនៃអាយុ សុខចិត្តពិចារណាតែការសុំសំណើថតកុនប៉ុណ្ណោះ ចំពោះរឿង​ស្នេហាវិញសុំទុកមួយអន្លើសិន។

រាជធានីភ្នំពេញ - តារាថ្ពាល់ខួច ប៉ែនសុផានី បើទោះជាវ័យកាលបានបោះជំហានទៅមុខបន្តិចក្តី តែមើលទៅ​មិនជាអន់​ឡើយ គឺនៅរក្សាបាននូវទម្រង់រាយកាយស្រស់សោភា មិនចាញ់កាលពីនាងនៅវ័យក្មេងប៉ុន្មានឆ្នាំមុនឡើយ។ ជាពិសេស​ គេសង្កេតឃើញថា ការងារសម្តែងខ្សែភាពយន្តរបស់អ្នកនាង ប៉ែន សុផានី កាន់តែកាក់កបជាងមុន [...]

នៅទសវត្សឆ្នាំ៦០ វិស័យខ្សែភាពយន្តខ្មែរ បានងើបឡើងយ៉ាងខ្ពស់ត្រដែត ហើយបានធ្លាក់មកដល់​សឹងតែ​ចំណុចសូន្យ នៅក្នុងសម័យសង្គ្រាម ជាពិសេសនៅក្នុងរបបវាលពិឃាត បីឆ្នាំ ប្រាំបីខែ ម្ភៃថ្ងៃ។  វិស័យ​ភាពយន្ដ​ខ្មែរនេះ បានងើបឡើងមកវិញ នៅចុងទសវត្សឆ្នាំ ៨០ ក្រោយសង្រ្គាម ហើយបានធ្លាក់ដាំដូង​ចុះ​មក​វិញ​យ៉ាង​លឿនទៀត តែប៉ុន្មានឆ្នាំក្រោយមកប៉ុណ្ណោះ។ លោក អ៊ីវង់ ហែម ជាសមិទ្ធិករភាពយន្ដម្នាក់ ក្នុង​ចំណោម​សមិទ្ធិករភាពយន្ដដទៃទៀត ដែលបាននៅរួចរស់មាន ជីវិតពីសង្រ្គាម ហើយបានចូលរួមស្ដារ​វិស័យ​នេះ​នៅចុង​ទសវត្សទី៨០នោះ ជាមួយនឹងភាពយន្ដដំបូងមួយរបស់លោក មានចំណងជើងថា «ស្រមោល​អន្ធកាល»។

ដើម្បីជាការគោរពដល់វិញ្ញាណក្ខន្ធរបស់លោក អ៊ីវង់ ហែម ដែលបានទទួលមរណៈភាព កាលពីថ្ងៃទី៨​ខែ​សីហា ឆ្នាំ២០១២​កន្លងទៅ ទស្សនាវដ្តីមនោរម្យ.អាំងហ្វូ សូមបង្ហាញជូននូវកិច្ចសំភាសមួយ ក៏ដូច​ជា​ប្រវត្តិ​សង្ខេប នៃជីវិតរបស់សមិទ្ធិកររូបនេះ [...]

ជាដំណឹងដ៏សោកសៅមួយ នៅពេលដែលយើងដឹងថា លោកអ៊ីវង់ ហែម បានលាចាកលោកយើងនេះ នៅថ្ងៃទី០៨សីហា​កន្លងទៅ ក្នុងវ័យ ៧៥ឆ្នាំ ដោយសារជំងឺគាំងបេះដូង។ ដូចនរណាៗ ក៏បានដឹង បានទស្សនាដែរថា លោកជាសមិទ្ធករ ភាពយន្ដដ៏ធំម្នាក់ ក្នុងចំណាមសមិទ្ធិករផ្សេងដទៃទៀត ដែលបានចូលរួម លើកស្ទួយយ៉ាងត្រចះត្រចង់ នូវវិស័យសិល្បៈទី៧ នៃព្រះរាជាណាចក្រកម្ពុជា ជាពិសេស​នៅក្នុងសម័យមុនសង្រ្គាម។

លោកអ៊ីវង់ ហែម។

លោកអ៊ីវង់ ហែម បានចូលប្រលូកក្នុងវិស័យភាពយន្ដ នៅឆ្នាំ១៩៦២ ដែលកាលនោះលោកជាអ្នកជំនួយការ អោយសមិទ្ធិករ ភាពយន្ដបារាំង លោក ម៉ាសែល កាមូស (Marcel Camus) នៅក្នុងការថតរឿងមួយ មានចំណងជើងថា «បក្សីនៃថានសួគ៌ (L'Oiseau de paradis)»។ រឿងនេះ មានតួអង្គសំដែងស្រីម្នាក់ជាប្អូនស្រីរបស់លោក គឺនាង អ៊ីវង់ [...]

តារា ទិត្យ វិជ្ជរ៉ាដានី ហៅថា វិជ្ជរ៉ាដានី ដែលទស្សនិកជនយើង សា្គល់តាមរយះ ភាពយន្តខែ្មរជាច្រើន នាទសវត្សរ៍ទី៦០ ដូចជា​ រឿង “​សព្វ​សិទ្ធិ​”, រឿង​“​ចំប៉ា​មាស​”, រឿង​“​ទិព្វ​សូ​ដា​ចន្ទ​”, រឿង “​ពេល​ដែល​ត្រូវ​យំ​”, រឿង​“​ត្រពាំង​ពាយ​” ​ ជាដើម។

ទិត្យ វិជ្ជរ៉ាដានី ជា​តារា​ឯកភាព​យន្ត​ដ៏​មាន​ឈ្មោះ​ល្បី​នា​អំឡុង​ចុង​ទសវត្សរ៍​ទី​៦០​និង​ ដើម​សតវត្សរ៍​ទី​៧០ នាង​វិជ្ជ​រ៉ា​ដានី ធ្វើឱ្យ​គេ​ដិត​ដក់​ក្នុង​អារម្មណ៍​ខ្លាំង​គឺ​លើ​រង្វង់​ភក្ត្រ​ដ៏​ស្រស់​ ផូរផង់ រង្វះ មាត់​ញញឹម​ដ៏​មាន​មន្ត​ស្នេហ៍ [...]