Posts tagged as "Phnom Penh"

ស្រ្តីជាប្រពន្ធ ឈ្មោះ ខាន់ យឿ បានប្រាប់ទស្សនាវដ្តីមនោរម្យ.អាំងហ្វូ នៅព្រឹកថ្ងៃទី១១ ខែសីហា នេះថា ដំបូង​ឡើយ អ្នកស្រីមិនបានឃើញទេ គ្រាន់តែលឺសម្លេងហាក់ចម្លែក ទើបចេញមកបើកទ្វារផ្ទះមើល ក៏ប្រទះឃើញ​មនុស្ស កំពុងធាក់បញ្ឆេះម៉ូតូអ្នកស្រី តែមិនទាន់ឆេះ។ ភ្លាមនោះ អ្នកស្រីបានដាស់ស្វាមី រួចឆោឡោស្រែក​ឲ្យ​អ្នកជិតខាង ជួយដេញជនសង្ស័យខាងលើ។ ហេតុការណ៍បង្កការភ្ញាក់ផ្អើល ដល់អ្នកជិតខាងនេះ កាលពី​វេលា​ម៉ោង១ និង៣០នាទីយប់ ថ្ងៃទី១០ ចូលមកថ្ងៃទី១១ ខែសីហា ឆ្នាំ២០១៥។

លោក ស៊ឹម ឆាត វ័យ ៣៥ឆ្នាំ ជាស្វាមីបានឲ្យដឹងដែរថា លោកបច្ចុប្បន្ន ជាអ្នករត់ម៉ូតូកង់បី រស់នៅភ្នំពេញជា​មួយ​ប្រពន្ធ នៅថ្ងៃយប់កើតហេតុ ម៉ូតូរបស់លោក ចតទុកនៅមុខផ្ទះ ដូចរាល់ដង តែថ្ងៃនេះ លោកមិនបានចាក់សោរ​ទេ។ លោកបន្ថែមទៀតថា អ្នកចូលដោះម៉ូតូលោក មិនបានសម្រេចទេ ហើយចូលលួចដោះម៉ូតូ តែម្នាក់ឯង​ប៉ុណ្ណោះ ដែលលោកមិនអាចចំណាំភិនភាគបាន ព្រោះមេឃងងិតពេក។ [...]

ហេតុការណ៍ដួលរលំដើមអម្ពិល ដ៏សម្បើមនេះ កើតឡើងនៅម៉ោង ប្រមាណជាង ៩ព្រឹក ថ្ងៃទី១០ ខែសីហា ឆ្នាំ​២០១៥ ស្ថិតនៅតាមបណ្ដោយផ្លូវ ជាប់ខាងកើតអគារកាណាឌីយ៉ា ដែលមានទីតាំង នៅក្នុងសង្កាត់វត្ដភ្នំ ខណ្ឌ​ដូនពេញ រាជធានីភ្នំពេញ បណ្តាលឲ្យខូចខាតម៉ូតូ របស់បុគ្គលិកដែលធ្វើការនៅទីនោះ (អាគារ កាណាឌីយ៉ា) អស់ចំនួន ១០ គ្រឿង។

ដើមអម្ពិលនេះ បានដួលរលំដោយឯកឯង ដោយគ្មានអ្វី មកប៉ះទង្គិចឡើយ សូម្បីតែភ្លៀង ឬខ្យល់បន្តិច ក៏​មិន​មានដែរ។ នេះដោយសារតែអាយុកាល របស់ដើមអម្ពិលដែលចាស់ ហើយក៏ដល់ពេល ត្រូវផុតជីវិត​ពីផែនដី​នេះ។ នេះបើតាមការអះអាង របស់សមត្ថកិច្ចសង្កាត់វត្តភ្នំ នៅការកើតហេតុ។

ភ្នាក់ងារ របស់ក្រុមសមត្ថកិច្ច បានប្រាប់ទស្សនាវដ្តីមនោរម្យ.អាំងហ្វូ ថា ដើមអម្ពិលនេះ មានអាយុកាលចាស់​ណាស់ហើយ ទើបបានជាមានការដាច់ឬស គល់ និងដួលរលំដូច្នេះ។ ភ្នាក់ងាររូបនោះ បានបន្ថែមទៀតថា នេះ​សំណាងហើយ​ ដែលមិនបណ្តាលឲ្យប៉ះពាល់ ដល់មនុស្ស [...]

យ៉ាងហោចណាស់ រថភ្លើងអាកាសចំនួនបីខ្សែរ កំពុងត្រូវបានសាលារាជធានី រួមជាមួយក្រសួងសាធារណការ និងដឹកជញ្ជូន ដោយមានកិច្ចសហការ ពីក្រសួងរៀបចំដែនដី និងដឹកជញ្ជូន ជប៉ុន និងអង្គការ JICA ធ្វើការ​សិក្សា ដើម្បីរិះរកលទ្ធភាព ដាក់ឲ្យមានដំណើរការ ក្នុងមូលហេតុជួយបញ្ជៀស ការកកស្ទះចរាចរណ៍ នៅក្នុង​រាជធានីផ្នំពេញ។ ប៉ុន្តែគម្រោងនេះ មិនអាចមានរូបរាង​ នៅមុនឆ្នាំ២០៣៥នោះឡើយ។ នេះបើតាមការថ្លែង​ឲ្យ ដឹងរបស់លោក ឡុង ឌីម៉ង់ មន្ត្រីអ្នកនាំពាក្យ​សាលសារាជធានី នៅក្នុងកិច្ចសម្ផាសមួយ ជាមួយទស្សនាវដ្ដី​មនោរម្យ.អាំងហ្វូ។

នៅក្នុងសិក្ខាសាលា កម្ពុជា-ជប៉ុន ស្តីពីប្រព័ន្ឋដឹកជញ្ជូនសាធារណៈ ក្នុងរាជធានីភ្នំពេញ ដែលត្រូវបាន​រៀបចំ​ឡើង ដោយក្រសួងសាធារណការ និងដឹកជញ្ជូនកម្ពុជា សាលារាជធានី ក្រសួងរៀបចំដែនដី និងដឹកជញ្ជូន ជប៉ុន និងអង្គការ JICA នៅមជ្ឈមណ្ឌលសហប្រតិបត្តិការ កម្ពុជា-ជប៉ុន (CJCC) កាលពីព្រឹកថ្ងៃទី ០៦ ខែសីហា ឆ្នាំ​២០១៥នោះ [...]

ហេតុការណ៍ប្លន់ដ៏រន្ធត់នេះ បានកើតឡើង នៅម៉ោង ២៣ និង ៥០ នាទីយប់ថ្ងៃទី ០៧ ខែ សីហា ឆ្នាំ២០១៥។ នៅតាមបណ្តោយផ្លូវ ២៧១ ដែលស្ថិតនៅម្តុំស្ថានីយ៍បូមទឹក បឹងត្របែក សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ បណ្តាលឲ្យម្ចាស់ម៉ូតូ រងរបួសចំនួន ២ កាំបិត និងរបួសទ្រូងខាងឆ្វេង។

លោក ឌុច សុគា ជាជនរងគ្រោះ មានអាយុ ២៤ ឆ្នាំ មុខរបរជាជាងជួសជុលរថយន្ត នៅម្តុំចំការមន បាន​និយាយ ទាំងមានមុខរបួសថា លោកជិះម៉ូតូ គ្លិក (click) ពណ៍ស ស្លាកលេខ ភ្នំពេញ ១AI-4241 ដើម្បីទៅទទួល​ប្អូនស្រី ចេញពីធ្វើការនៅហាងមួយ។ ស្រាប់តែពេលកំពុងរងចាំប្អូន លើម៉ូតូនោះ ស្រាប់តែមានបុរសម្នាក់ ដើរ​មក​ជិត​ហើយសុំខ្ចីទូរស័ព្ទ ពេលកំពុងនិយាយគ្នា ក៏មានបុរស ២នាក់ទៀត ដើរមកជិត បានទាញកាំបិត​មក​ចាក់​លោក ត្រង់ពោះ និងទ្រូងខាងឆ្វេង បណ្តាលឲ្យរងរបួស។

ភ្លាមៗនោះ ប្រជាជននៅម្តុំទីនោះ ដែលឃើញហេតុការនេះ បានរត់មកជួយ ធ្វើឲ្យក្រុមចោរភ័យស្លន់ស្លោរ [...]

ថ្លើមធំហ៊ានឆក់ទូរស័ព្ទដៃ ពីលោកអភិបាលរងខណ្ឌទួលគោក ពិបាកនឹងរកវាសនាបានរួចខ្លួន ពីសំណាញ់​តាមរក​ចាប់ខ្លួន យ៉ាងមានប្រសិទ្ធិភាព របស់កងកម្លាំងអាជ្ញាធរ នោះណាស់។ ដូចករណីជនពីរនាក់នេះអញ្ចឹង ដែល​ជាប់សឹង្ស័យថា បានធ្វើសកម្មភាពឆក់ទូរស័ព្ទដៃ ពីលោក ប៉ាង លីដា កាលពីសប្ដាហ៍មុន ត្រូវបានក្រុម​នគរបាល​ចាប់ខ្លួនបាន នៅថ្ងៃទី៧ ខែសីហា ឆ្នាំ២០១៥ ម្សិលម៉ិញ។

ការចាប់ខ្លួននេះ ត្រូវបានធ្វើឡើង ក្រោមការសហការ រវាងកម្លំាងនគរបាលខណ្ឌ ជាមួយកម្លំាងនគរបាល ការិយាល័យព្រហ្មទណ្ឌកំរិតធ្ងន់ ដែលបានចុះតាមដាន និងស្រាវជ្រាវ ហើយឈានដល់ការចាប់ខ្លួន និងត្រៀម​បញ្ជូន​ជនសង្ស័យទាំងពីរ ទៅសាលាដំបូងរាជធានីភ្នំពេញ។

តាមការឲ្យដឹងពីសមត្ថកិច្ចថា ជនសង្ស័យទី១ ឈ្មោះ គង់ ភារម្យ ហៅ ខ្មៅ មានអាយុ ២១ឆ្នំា ស្នាក់នៅផ្ទះលេខ ៣៧ ផ្លូវលេខ ៦០៨ សង្កាត់បឹងកក់ ២ ខណ្ឌទួលគោក និងជនសង្ស័យទី២ ឈ្មោះ ចេង គឹមឆេង ហៅ ជាំ មាន​អាយុ ១៩ឆ្នំា ស្នាក់នៅផ្ទះលេខ៨០ [...]