Posts tagged as "CNRP"

«អរគុណ អ្នកចាត់ចែងឲ្យដោះលែង មន្ត្រីសិទ្ធិមនុស្សទាំងបួនរូប និងលោក នី ចរិយា» នេះ ជាឃ្លាខ្លីដំបូង ដែលលោក អេង ឆៃអ៊ាង អនុប្រធានគណបក្សសង្គ្រោះជាតិ បានបង្ហោះនៅមុននេះ ដើម្បីចូលរួមអបអរសាទរ ការនៅក្រៅឃុំ (ជាបណ្ដោះអាសន្ន) របស់មន្ត្រីទាំងបួនរូប របស់សមាគមការពារសិទ្ធិមនុស្ស អាដហុក (Adhoc) និងមន្ត្រីមួយរូបទៀត របស់គណៈកម្មាធិការជាតិ​រៀបចំ​ការបោះឆ្នោត (គ.ជ.ប) នៅយប់ថ្ងៃទី២៩ ខែមិថុនានេះ។

ការលើកឡើង របស់អនុប្រធានគណបក្សប្រឆាំង បានបង្កជាចំណោទឡើង ជុំវិញមូលហេតុ ឬអាថ៌កំបាំង ដែលឈានទៅដល់ ការដោះលែងជាបណ្ដោះ​អាសន្ន នូវមន្ត្រីទាំង៥រូប ដ៏គួរភ្ញាក់ផ្អើល និងភ្លាមៗក្នុងថ្ងៃនេះ សម្រេចដោយលោក ធាម ច័ន្ទពិសិដ្ឋ ចៅក្រមស៊ើបសួរ របស់សាលាដំបូងរាជធានី។

ទាំងក្រុមគ្រួសារ និងសាមីខ្លួន សុទ្ធតែបានអះអាងដូចគ្នាថា ពួកគេទើបតែបានដឹង ពីការសម្រេចរបស់តុលាការ នៅពេលល្ងាចថ្ងៃនេះ។ ខណៈសាមីខ្លួនទាំងប្រាំរូបវិញ [...]

លោក ហ៊ុន សែន ខឹងមួម៉ៅ​ដោយសារ«ខ្ញុំបង្ហោះសារ តាមហ្វេសប៊ុក ដែលពលរដ្ឋខ្មែររាប់លាននាក់ សុទ្ធតែបានឃើញ» នេះ ជាប្រតិកម្ម របស់លោក សម រង្ស៊ី អតីតប្រធានគណបក្ស​ប្រឆាំងធំជាងគេ​នៅកម្ពុជា តបទៅនឹងគម្រោង ចង់ធ្វើវិសោធនកម្ម ជាថ្មីទៀត ទៅលើច្បាប់ ស្ដីពីគណបក្សនយោបាយ ដែលត្រូវបានធ្វើវិសោធនកម្មម្ដងហើយ កាលពីដើមឆ្នាំ២០១៧នេះ។

ប្រតិកម្មខាងលើ បានធ្វើឡើងកាលពីម្សិលម៉ិញ នៅក្នុងសារមួយ ដែលមេដឹកនាំប្រឆាំងរូបនេះ បានផ្ញើរទៅកាន់សារព័ត៌មាន «ខេមបូឌាដេលី» ដោយបញ្ជាក់បន្ថែមថា លោកនៅតែបន្ត «លាតត្រដាងការពិត ដោយមិនខ្វល់ថា លោក ហ៊ុន សែន ខឹង ឬមិនខឹងនោះឡើយ»។

ក្នុងសារមួយផ្សេង ដែលទើបត្រូវបានបង្ហោះ ក្នុងរសៀលថ្ងៃព្រហស្បត្តិ៍ ទី២៩ ខែមិថុនានេះ នៅលើទំព័រហ្វេសប៊ុក លោក សម រង្ស៊ី បាននិយាយសំដៅ ទៅលោក ហ៊ុន សែន ថាកំពុង«ក្រពុលមុខ ហើយស្លន់ស្លោយ៉ាងខ្លាំង» នៅចំពោះលទ្ធផល នៃការស្ទង់មតិមួយ ដែលបង្ហាញថា [...]

លោក សាន្ដ ប៊ុនធឿន មានរយៈពេល១២ម៉ោង ក្នុងការបំពេញលក្ខខណ្ឌទាំងនេះ។ កញ្ញា ធី សុវណ្ណថា អ្នកគាំទ្រគណបក្សប្រជាជនកម្ពុជា បានប្រកាសថា នាងនឹងអធ្យាស្រ័យ ឲ្យអ្នកសារព័ត៌មានរូបនេះ ប្រសិនណាជាលោក «ព្រមធ្វើលិខិតទទួលស្គាល់កំហុស» ចំពោះមុខនាង។

កញ្ញា «ចៅតា» បានសរសេរដូច្នេះ នៅមុននេះបន្តិច លើទំព័រហ្វេសប៊ុករបស់នាងថា៖ «ខ្ញុំនឹងអធ្យាស្រ័យឲ្យ សាន្ត ប៉ុនធឿន បើលោកព្រមធ្វើ លិខិតទទួលស្គាល់កំហុស ចំពោះមុខខ្ញុំ»។

យុវតីអ្នកគាំទ្រគណបក្សកាន់អំណាច បានពន្យល់ថា ក្នុងលិខិតនោះ ត្រូវលោក សាន្ដ ប៊ុនធឿន ទទួលស្គាល់ដូចតទៅ៖ «១- លោកបានជេរប្រមាថ មើលងាយខ្ញុំ និងគ្រួសារខ្ញុំ។ ២- លោកបានបរិហាកេរ្តិ៍ខ្ញុំ ចូល CPP បានលុយ ឡាន វីឡា។ ៣- លោកបានជ្រុលនិយាយ ឲ្យព័ទ្ធឡានខ្ញុំ ឲ្យចាត់ការខ្ញុំ។»។

កញ្ញា ធី សុវណ្ណថា បានបញ្ជាក់ទៀតថា នាងមិនត្រូវការ ឲ្យអ្នកសារព័ត៌មានរូបនេះ សុំទោសនាងនោះទេ តែកញ្ញា [...]