ហ៊ុន សែន ថាបើ ពុង ឈីវកេក ស្នេហាជាតិ គួលះបង់«សញ្ជាតិបរទេស»
នៅថ្ងៃទី០១ ខែមេសា នេះ រលកសង្គ្រាមសំដី នៃមេដឹកនាំខ្មែរ បានបន្តផ្ទុះជាថ្មីទៀត។ លោក ហ៊ុន សែន នាយករដ្ឋមន្ត្រីបីទសវត្សន៍ របស់កម្ពុជា បានថ្លែងរះគន់អ្នកស្រី ពុង ឈីវកេក ថាគួរតែលះបង់ សញ្ជាតិបរទេស ចោលទៅ ដើម្បីមកបំរើជាតិ ប្រសិនជាអ្នកស្រី ជាអ្នកស្នេហាជាតិពិតនោះ។ នេះ ជាការថ្លែង របស់លោកនាយករដ្ឋមន្ត្រី នាព្រឹកថ្ងៃទី០១ ខែមេសា ឆ្នាំ២០១៥ ក្នុងពីធីសម្ពោធ ដាក់ឲ្យប្រើប្រាស់ ស្ពានមិត្តភាពកម្ពុជា-ចិន ក្នុងខេត្តស្ទឹងត្រែង និងខេត្តព្រះវិហារ ស្ថិតលើផ្លូវជាតិលេខ៩។
ការលើកឡើងដូច្នេះ បន្ទាប់ពីមានការរិះគន់ថា ច្បាប់គ.ជ.ប ដែលបានអនុម័តចេញ មកហើយនោះ ធ្វើឡើង ដើម្បី«ចង»មនុស្សម្នាក់ ដែលគណបក្សទាំងពីរ បានឯកភាពគ្នា ជ្រើសតាំងជាសមាជិកទី៩ របស់ គ.ជ.ប កាលពីថ្ងៃទី២៨ ខែកក្កដា ឆ្នាំ២០១៤កន្លងមក។ ការរិះគន់នោះ បានបន្តថា ច្បាប់ថ្មីនោះ ដែលបានចែង ពីសញ្ជាតិខ្មែរតែមួយ ពីកំណើត បានធ្វើឲ្យអ្នកមានសញ្ជាតិពីរ [...]
