CPP និង CNRP កំពុង​ឲ្យ​សមាជិក​ថ្មី គ.ជ.ប មក​បង្ហាញ​ខ្លួន

ប្រភពបានការមួយ អះអាងថា លោក ស៊ិក ប៊ុនហុក មន្ត្រីមកពីគណបក្សប្រជាជនកម្ពុជា លោក គួយ ប៊ុនរឿន មន្ត្រី​មក​ពី​គណបក្ស​សង្គ្រោះ​ជាតិ និងលោកស្រី ពុង ឈីវកេក មន្ត្រីសង្គមស៊ីវិលពីអង្គការ លីកាដូ ជាសមាជិក របស់ គ.ជ.ប ថ្មី។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍ ៖ ស្រ៊ុន ទិត្យ - ភ្នំពេញ ថ្ងៃទី០៩ ធ្នូ ២០១៤
  • កែប្រែចុងក្រោយ: December 09, 2014
  • ប្រធានបទ: បោះឆ្នោត
  • អត្ថបទ: មានបញ្ហា?
  • មតិ-យោបល់

បន្ទាប់ពីបញ្ចប់កិច្ចពិភាក្សា​លើ​ច្បាប់ គ.ជ.ប នៃ​ក្រុម​ការងារ​បច្ចេកទេស​នេះ ប្រមុខ​គណបក្ស​ទាំង​ពីរ បាន​រៀបចំ​ឲ្យ​មាន​តំណាង​ភាគី​ទាំង​សង​ខាង ចូល​ទៅ​បង្ហាញ​ខ្លួន​នា​ពេល​ខាង​មុខ។ ការ​បង្ហាញ​ខ្លួន​នោះ បេក្ខជន​ដែល​ត្រូវ​បាន​ចាត់​តាំង ដោយ​គណបក្ស​ប្រជាជន​កម្ពុជា​ចំនួន​៤រូប គណបក្ស​សង្គ្រោះ​ជាតិ​ចំនួន​៤រូប និង​ខាង​សង្គម​ស៊ីវិល​ចំនួន​មួយ​រូប។ នេះ​បើ​តាម​ការ​បញ្ជាក់ របស់​មន្រ្តី​ជាន់​ខ្ពស់​មួយ​រូប របស់​គណបក្ស​សង្គ្រោះ​ជាតិ។

ប្រភព​ដដែល​នេះ​បាន​បន្ត​ថា ការ​បញ្ជូល​បេក្ខជន​ទាំង​ប្រាំ​បួន​រូប​នេះ ក្រោយ​ពី​ទទួល​ការ​បោះ​ឆ្នោត​គាំទ្រ ទៅ​លើ​បេក្ខភាព​ដោយ​គណបក្ស​ទាំង​ពីរ ហើយ​ក៏​ត្រូវ​ស្នើ​សុំ​ការ​ផ្តល់​សេចក្តី​ទុក​ចិត្ត​ពី​រដ្ឋសភា។

មន្ត្រីរូបនោះ មិន​បានបញ្ជាក់ពីពេលវេលា នៃការចូលបង្ហាញខ្លួនចំពោះមុខសភាទេ ប៉ុន្តែបានបញ្ជាក់ថា ក្នុង​ចំណោម​បេក្ខជន ដែលត្រូវមកឈរឈ្មោះ ជាសមាជិក គ.ជ.ប ពីគណបក្សប្រជាជនកម្ពុជានោះ រួមមានលោក ស៊ិក ប៊ុនហុង និងបេក្ខជនបីរូបផ្សេងទៀត។ ដោយឡែកខាងគណបក្សសង្គ្រោះជាតិ ក៏មានលោក គួយ ប៊ុនរឿន និងបេក្ខជនបីរូបផ្សេងទៀត។ ឯខាងសង្គមស៊ីវិល នៅរក្សាវត្តមានលោកស្រី ពុង ឈីវកេក ដដែល។

ក្រុមការងារបច្ចេកទេស របស់គណបក្សប្រជាជនកម្ពុជា និងគណបក្សសង្គ្រោះជាតិ បានបញ្ចប់​កិច្ចពិភាក្សា​របស់ខ្លួនលើច្បាប់ គ.ជ.ប រួចរាល់ហើយ កាលពីរសៀលថ្ងៃទី៨ ខែធ្នូ ឆ្នាំ២០១៤នេះ នាវិមានរដ្ឋសភា។ ការ​ឯកភាពគ្នា លើខ្លឹមសារនៃសេចក្តីព្រាងច្បាប់ ស្តីពីការប្រព្រឹត្តទៅនៃ គណៈកម្មាធិការជាតិរៀបចំការបោះឆ្នោត (គ.ជ.ប) ទំាងស្រុងនេះ បានធ្វើឡើងនៅក្រោយពីជំនួបនៃមេបក្សទាំងពីរ លោកនាយករដ្ឋមន្រ្តី ហ៊ុន សែន និងលោក សម រង្ស៊ី កាលពីថ្ងៃទី២៨ ខែវិច្ឆិការ ឆ្នាំ២០១៤មក

ទស្សនាវដ្តីមនោរម្យ.អាំងហ្វូ មិនអាចសុំការបញ្ជាក់ពីលោក ស៊ិក ប៊ុនហុក និងលោក គួយ ប៊ុនរឿន ចំពោះ​ការ​បញ្ជាក់ចំពោះការអះអាងខាងលើបាននៅឡើយ នាព្រឹកថ្ងៃទី៩ ខែធ្នូនេះ។ ប៉ុន្តែបើតាមប្រភព ពីមន្រ្តីគណបក្ស​សង្គ្រោះជាតិដដែល បានបន្ថែមថា ចំពោះវត្តមានលោកស្រីពុង ជីវកេច ត្រូវធ្វើតាមការឯកភាពរបស់​គណបក្ស​ទាំងពីរ ស្របតាមច្បាប់ គ.ជ.ប ថ្មី ដោយលាលែងសញ្ជាតិទាំងអស់ ទុកតែសញ្ជាតិ«ខ្មែរ»តែមួយ។

» សូមអានអត្ថបទពាក់ទង ដោយចុចលើទីនេះ

សូមបញ្ជាក់ថា សេចក្តីព្រាងច្បាប់ គ.ជ.ប ថ្មីនេះ រួមមាន៧ជំពូក ស្មើនឹង៦៦មាត្រា។ សេចក្តីព្រាងច្បាប់នេះ នៅ​មិនទាន់បានបញ្ជូនទៅរដ្ឋសភា ដើម្បីពិភាក្សា និង អនុម័តនៅឡើយ ដោយសារតែក្រុមបច្ចេកទេស​នៃ​គណបក្ស​ទាំងពី បានអះអាងពីពេលថ្មីៗនេះថា ត្រូវរង់ចំាការធ្វើវិសោធនកម្ម ច្បាប់បោះឆ្នោត​ជ្រើសតំាង​តំណាង​រាស្រ្ត ឲ្យបានចប់សព្វគ្រប់ជាមុន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...