ហោ ណាំហុង៖ រវាងវប្បធម៌សន្ទនា និងបញ្ហានីតិរដ្ឋ... ខុសគ្នា!
រដ្ឋាភិបាលកម្ពុជា នៅតែរក្សាទុកវប្បធម៌សន្ទនាដដែល។ តែរវាងវប្បធម៌សន្ទនា និងបញ្ហាច្បាប់ បញ្ហាពីរហ្នឹង វាខុសគ្នា។ នេះជាអ្វី ដែលលោក ហោ ណាំហុង អតីតរដ្ឋមន្ត្រីការបរទេស តែនៅមានតំណែង ជាឧបនាយករដ្ឋមន្ត្រីទទួលបន្ទុកការបរទេស បានថ្លែងទៅកាន់ក្រុមអ្នកយកព័ត៌មាន បន្ទាប់ពីជំនួបមួយ ជាមួយលោក ហ្សាង បៃរូ (Zhang Bairu) អនុប្រធានប្រតិបត្តិគណៈកម្មាធិការអចិន្ត្រៃយ៍សភាប្រជាជនខេត្តយូណាន ប្រទេសចិន កាលពីព្រឹកថ្ងៃទី២០ ខែឧសភា ឆ្នាំ២០១៦ នៅវិមានសន្តិភាព រាជធានីភ្នំពេញ។
ការថ្លែងរបស់លោក ហោ ណាំហុង ទំនងជាប្រតិកម្ម ទៅនឹងព្រឹត្តិការណ៍នយោបាយចុងក្រោយបង្អស់ បន្ទាប់ពីគណបក្សសង្គ្រោះជាតិ បានប្រកាន់ជំហរឈប់ជជែក ជាមួយរដ្ឋាភិបាល តែបែរជាផ្ញើរលិខិតមួយ [...]
