ហ៊ុន សែន ថានឹងបន្តរស់បានយ៉ាងហោច ៣០ឆ្នាំទៀត
«យ៉ាងហោចណាស់ ខ្ញុំរស់ យ៉ាងតិចណាស់ ខ្ញុំរស់បាន៣០ឆ្នាំទៀតដែរ» លោក ហ៊ុន សែន នាយករដ្ឋមន្ត្រី បីទសវត្សន៍ជាងរបស់កម្ពុជា បានសំដែងការជឿងជាក់ដូច្នេះ នៅក្នុងការថ្លែងមួយ ទៅកាន់ពលរដ្ឋ ឲ្យបោះឆ្នោតជូនលោក ដើម្បីលោកអាចបន្តតំណែង ជានាយករដ្ឋមន្ត្រី យ៉ាងហោច«១០ឆ្នាំ» ឬពីរអាណត្តិទៅមុខទៀត។
ការថ្លែងនោះ ធ្វើឡើងក្នុងពិធីបិទទ្វារទឹកទំនប់ វារីអគ្គិសនីសេសានក្រោម២ ស្ថិតនៅក្នុងឃុំភ្លុក ស្រុកសេសាន ខត្តស្ទឹងត្រែង នាព្រឹកថ្ងៃទី២៥ ខែកញ្ញា ឆ្នាំ២០១៧នេះ។ លោក ហ៊ុន សែន បានបញ្ជាក់ថា៖ «អញ្ចឹងការបន្តធ្វើនាយករដ្ឋមន្ត្រី ១០ឆ្នាំទៀត មិនមែនជាបញ្ហាលំបាក សម្រាប់ខ្ញុំទេ»។
លោក ហ៊ុន សែន កើតនៅឆ្នាំ១៩៥២ (ឆ្នាំកំណើតផ្លូវការ ដាក់នៅឆ្នាំ១៩៥១) ដែលធ្វើឲ្យលោកមកដល់ថ្ងៃនេះ មានអាយុ ៦៥ឆ្នាំ (ឬ៦៦ឆ្នាំ បើតាមប្រពៃណីគណនាអាយុ នៅកម្ពុជា)។ ដូច្នេះ បើលោកអាចកំណត់អាយុរបស់លោក ថានឹងអាចរស់នៅយ៉ាងហោច [...]
