ប្រធានក្លឹបបាល់ទាត់ម៉ូណាកូ ប្រកាសជាផ្លូវការថា ទិញ«ហ្វាលខាវ»បានហើយ
ម្ចាស់ក្លឹបបាល់ទាត់ម៉ូណាកូ (Monaco) លោកមហាសេដ្ឋីរុស្ស៊ី ឌីមីទ្រី រីបូឡូវឡេវ (Dmitry Rybolovlev) បានប្រកាសកាលពីថ្ងៃសុក្រម្សិលមិញថា ក្លឹបរបស់គាត់បានឈានដល់កិច្ចព្រមព្រាងទិញយកខ្សែប្រយុទ្ធកូឡុំប៊ី រ៉ាដាមែល ហ្វាលខាវ (Radamel Falcao) ពីក្រុមអាត្លិកទិកូ ម៉ាឌ្រីដ (Atletico Madrid) បានសម្រេចហើយ ដែលមានតម្លៃប្រមាណ ៦០លានអ៊ឺរ៉ូ (ប្រមាណជា៧៧លានដុល្លា)។
កីឡាករខ្សែប្រយុទ្ធកូឡុំប៊ី រ៉ាដាមែល ហ្វាលខាវ ក្នុងសន្និសិតកាសែត។
លោកឌីមីទ្រី បាននិយាយក្នុងពិធីអបអរសាទរដែលក្រុមម៉ូណាកូ ត្រូវឡើងមកលេងនៅលីកកំពូលថា «ខ្ញុំចង់ប្រកាសជាផ្លូវការថា ហ្វាលខាវបានចុះកិច្ចសន្យាជាមួយក្រុមយើងហើយ។»
ប្រធានក្លឹបរូបនេះ ពុំទាន់ផ្តល់សេចក្តីលំអិតទាក់ទងទៅនឹង ការចុះកិច្ចសន្យានោះ [...]