ប៉ារីសឲ្យមេរៀនយ៉ាងជូរចត់ សងទៅបាសឺឡូន (ពិន្ទុ ៤-០)
សឹងជាលើកទីមួយ នៅក្នុងប្រវត្តិសាស្ត្រ នៃការប្រកួតក្របខណ្ឌ ប្រកួតជើងឯកអ៊ឺរ៉ុប «Champions League» ដែលក្រុមបាល់ទាត់មួយ បានផ្ដួលក្រុមមួយទៀត ក្នុងពិន្ទុរហូតដល់ទៅ ៤គ្រាប់។ ប៉ុន្តែគេត្រូវនិយាយថា ក្រុមបាល់ទាត់ បាសឺឡូន (FC Barcelone) បានលិចលង់ស្រងមិនកើត សឹងតែនៅគ្រប់ចំណុច នៅកណ្ដាលទីលានប្រកួតនៃកីឡាដ្ឋាន «Parc des Princes» របស់រដ្ឋធានីប៉ារីស សម្រាប់ការប្រកួត «ទៅ ឬជុំទីមួយ» យប់ថ្ងៃអង្គារទី១៤ ខែកុម្ភៈនេះ ក្នុងវគ្គ១ភាគ៨ នៃក្របខណ្ឌ។
ស្ថិតក្នុងការគ្របសង្កត់ ពីក្រុមបាល់ទាត់ ប៉ារីសស៊ាំងហ្សែរម៉ាំង (Paris Saint germain) តាំងពីនាទីដំបូង រហូតដល់ទីបញ្ចប់ នៃការប្រកួត ពិន្ទុដែលក្រុមបាសឺឡូន ទទួលបានក្នុងយប់នេះ ពិបាកនឹងសង្ឃឹមថា ក្រុមមហាអំណាចបាល់ទាត់មួយនេះ អាចរកពិន្ទុត្រឡប់មកវិញ សម្រាប់ការប្រកួត «ត្រឡប់ ឬជុំទីពីរ» នាខែមិនាខាងមុខ [...]