កែម ឡី៖ បណ្ដឹងទៅ ICC «មិនបាច់»មានការយល់ព្រមពីរដ្ឋាភិបាលទេ
ប្រព័ន្ធយុត្តិធម៌ - ករណីបង្រ្កាបនៅមុខសួនកាណាឌីយ៉ា ដែលបានបណ្តាលអោយកម្មករយ៉ាងហោចណាស់៥នាក់ បានបាត់បង់ជីវិត និងមនុស្សជាច្រើននាក់ទៀត្រូវរងរបួស ដែលបញ្ហានេះត្រូវបានគណបក្សប្រឆាំង អង្គការសង្គម ស៊ីវិល និងអន្តរជាតិធ្វើការថ្កោលទោស។ ចំពោះករណីនេះដែរ គណបក្សសង្រ្គោះជាតិ និងអង្គការសង្គមស៊ីវិលមួយចំនួន បាននឹងកំពុងរៀបចំសំនុំឯកសារ និងមេធាវី ដើម្បីប្តឹងលោកហ៊ុន សែន នាយករដ្ឋមន្រ្តីនៃប្រទេសកម្ពុជា ទៅកាន់តុលាការព្រហ្មទណ្ឌអន្តរជាតិ (ICC) ។
ចំពោះបញ្ហានេះ លោក ជាម យៀប ប្រធានគណៈកម្មាការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា ធ្លាប់បានអោយទស្សនាវដ្ដីមនោរម្យព័ងអាំងហ្វូដឹងថា «តុលាការព្រហ្មទណ្ឌអន្តរជាតិ មិនមែនចេះតែប្តឹងបានតាមចិត្តនោះទេ វាមាននិតិវិធីរបស់វា។ បើអ្វីៗមិនមានការឯកភាពពីរដ្ឋាភិបាលទេនោះ តុលាការព្រហ្មទណ្ឌអាចនឹងទទួលនូវពាក្យបណ្តឹងទាំងនោះ ទុកជាឯកសារ [...]
