Posts tagged as "Frontiere"

អ៊ុំ សំអាន រង់ចាំ​ឲ្យ​គណបក្ស​សង្គ្រោះ​ជាតិ​រស់​ឡើង​វិញ

អ៊ុំ សំអាន រង់ចាំ​ឲ្យ​គណបក្ស​សង្គ្រោះ​ជាតិ​រស់​ឡើង​វិញ

នៅចំពោះការសាកសួរ របស់អ្នកសារព័ត៌មាន បន្ទាប់ពីលោក បានចេញពីពន្ធនាគារ លោក អ៊ុំ សំអាន អតីតតំណាងរាស្ត្រមណ្ឌលសៀមរាប មកពីគណបក្សសង្គ្រោះជាតិ បានថ្លែងពីជំហរនយោបាយ របស់លោកថា លោករង់ចាំគណបក្សសង្គ្រោះជាតិ រស់ឡើងវិញ នឹងអាលប្រឡូក ក្នុងជីវភាពនយោបាយវិញ ក្នុងនាមលោក ជាអ្នកនយោបាយ។

លោក អ៊ុំ សំអាន ដែលបានប្រកាសដកខ្លួន ចេញពីគណបក្សសង្គ្រោះជាតិ នៅមុនពេលធ្វើវិសោធនកម្ម ដ៏ចម្រូងចម្រាស់ នៃច្បាប់ស្ដីពីគណបក្សនយោបាយ កាលពីឆ្នាំកន្លងទៅនោះ បានថ្លែងនៅមុខអ្នកសារព័ត៌មាន នៅមុននេះថា៖

«ឥឡូវនេះ ដោយសារខ្ញុំ ជាអ្នកគាំទ្រសង្គ្រោះជាតិ មួយរូបដ៏ឆ្អិនឆ្អៅ (...) ដូច្នេះកាលណា អត់មានសង្គ្រោះជាតិ ខ្ញុំអត់ចូល​ ជាមួយគណបក្សណាផ្សេងទៀតទេ។ រហូតដល់បក្សសង្គ្រោះជាតិវិលមកវិញ ខ្ញុំនឹងចូលវិញហើយ។ ខ្ញុំជាអ្នកនយោបាយ ត្រូវតែចូលធ្វើនយោបាយ ប៉ុន្តែត្រូវតែចាំសង្គ្រោះជាតិ មកវិញសិន។»

លោក អ៊ុំ សំអាន [...]

អ៊ុំ សំអាន បាន​ចេញ​ពី​ពន្ធនាគារ​ហើយ បន្ទាប់​ពីទទួល​ការ​លើកលែង​ទោស

អ៊ុំ សំអាន បាន​ចេញ​ពី​ពន្ធនាគារ​ហើយ បន្ទាប់​ពីទទួល​ការ​លើកលែង​ទោស

ការដោះលែងអ្នកទោស ឬអ្នកជាប់ឃុំ ដោយបញ្ហានយោបាយ ឬការបញ្ចេញមតិ កំពុងកើតមាននៅកម្ពុជា។ ក្នុងល្ងាចថ្ងៃសៅរ៍នេះ លោក អ៊ុំ សំអាន មន្ត្រីជាន់ខ្ពស់ របស់គណបក្សសង្គ្រោះជាតិមួយរូបទៀត ត្រូវបានដោះលែងចេញពីពន្ធនាគារហើយ បន្ទាប់ពីលោក ត្រូវបានព្រះមហាក្សត្រ ចេញព្រះរាជក្រិត្យ លើកលែងទោស នៅថ្ងៃទី២៥ ខែសីហា ឆ្នាំ២០១៨នេះ តាមសំណើរ​របស់​នាយករដ្ឋមន្ត្រី​ចាំផ្ទះ លោក ហ៊ុន សែន។

ជាការដោះលែងនេះ ដែលធ្វើឡើង តែជាង១ខែ​ប៉ុណ្ណោះ មុនរយៈពេលផុតកំណត់ នៃការផ្ដន្ទាទោស ទៅលើរូបលោក។

ព្រះរាជក្រឹត្យ របស់ព្រះមហាក្សត្រ ដែលចេញផ្សាយ ជាសាធារណៈ កាលពីជាងមួយម៉ោងមុន បានបង្គាប់ឲ្យលើកលែងទោស លោកឈ្មោះ អ៊ុំ សំអាន អាយុ៤០ឆ្នាំ ពីរាល់ការផ្ដន្ទាទោសទាំងឡាយ ដែលប្រកាសឡើង ដោយតុលាការកម្ពុជា​គ្រប់ជាន់ថ្នាក់ រហូតដល់តុលាការកំពូល តាមរយៈសាលដីកាលេខ ៥៤ ចុះថ្ងៃទី០៩ ខែ០២ ឆ្នាំ២០១៨។ បន្ទាប់មក អយ្យការអមសាលាដំបូងរាជធានីភ្នំពេញ បានចេញដីកាមួយទៀត [...]

បក្ស​ខ្មែរ​ក្រោក​ប្ដឹង សុខ ទូច ទៅ​តុលាការ​ពី​បទ​ចោទ​ចំនួន៣

បក្ស​ខ្មែរ​ក្រោក​ប្ដឹង សុខ ទូច ទៅ​តុលាការ​ពី​បទ​ចោទ​ចំនួន៣

បទចោទទាំងបីនោះ រួមមាន ការជ្រៀតជ្រែកដោយខុសច្បាប់ នៅក្នុងការបំពេញមុខងារសាធារណៈ ការញុះញង់ឲ្យមានការរើសអើង និងការរំលោភលើអំណាចតុលាការ។ នេះ បើតាមពាក្យបណ្ដឹង របស់គណបក្សខ្មែរក្រោក ដែលត្រូវបានចែកផ្សាយ​ជាសាធារណៈ កាលពីពេលមុននេះ ប្ដឹងលោក សុខ ទូច ប្រធានរាជបណ្ឌិត្យសភាកម្ពុជា ឡើងទៅសាលាដំបូងរាជធានី ភ្នំពេញ។

បណ្ដឹង ដែលប្ដឹងដោយអគ្គលេខាធិការរងគណបក្ស លោក ខែម ស៊ីឡេង បានសរសេរថា លោក សុខ ទូច បានផ្ដល់កិច្ចសម្ភាស ទៅឲ្យសារព័ត៌មានក្នុងស្រុកចំនួនពីរ និងបានបង្ហោះវីដេអូមួយ នៅលើគណនីរបស់លោក ដែលមានអត្ថន័យគម្រាមកំហែង និងញុះញង់ឲ្យរដ្ឋាភិបាល ចាប់ខ្លួនបញ្ចូលគុក នូវបណ្ដាអ្នកផ្ដួចផ្ដើមគំនិតធ្វើញត្តិ ទៅក្រុមប្រឹក្សាធម្មនុញ្ញ ដើម្បីពិនិត្យ និងដោះស្រាយឡើងវិញ លើសន្ធិសញ្ញាបំពេញបន្ថែម ខ្មែរ-វៀតណាម ឆ្នាំ២០០៥។ 

គណបក្សខ្មែរក្រោក បានស្នើឲ្យតុលាការ ចាត់ការលើលោក សុខ ទូច តាមច្បាប់ និងទាមទារ ឲ្យមានសំណងជំងឺចិត្ត [...]

អាជ្ញាធរ​ព្រមាន​ចាត់វិធានការ ប្រឆាំង​យុទ្ធនាការ​«ស្នាម​មេដៃ​មួយ​ដេីម្បី​កោះ​ត្រល់»

អាជ្ញាធរ​ព្រមាន​ចាត់វិធានការ ប្រឆាំង​យុទ្ធនាការ​«ស្នាម​មេដៃ​មួយ​ដេីម្បី​កោះ​ត្រល់»

លោក ខៀវ សុភ័គ អ្នកនាំពាក្យក្រសួងមហាផ្ទៃ ត្រូវបានស្រង់សំដី មកបញ្ជាក់ថា អាជ្ញាធរនឹងចាត់វិធានការ ទៅតាមផ្លូវច្បាប់ ប្រសិនជាយុទ្ធនាការ «ស្នាមមេដៃមួយ ដើម្បីកោះត្រល់» មិនមានច្បាប់អនុញ្ញាតត្រឹមត្រូវទេនោះ។ យុទ្ធនាការនេះ បង្កើតឡើងដោយគណបក្សខ្មែរក្រោក ដែលគេស្គាល់ថា ជាគណបក្ស​ដឹកនាំ ដោយលោក សុខសុវណ្ណ វឌ្ឍនាសារប៊ុង ហៅនៅលើបណ្ដាញសង្គម «William Guang»។

ជាប្រតិកម្មតបវិញ លោក «William Guang» បានហៅការព្រមានេះ ថាជារឿងអយុត្តិធម៌ ហើយថានឹងនៅតែរក្សាជំហរ ក្នុងការធ្វើយុទ្ធនាការនេះដដែល នៅផ្ទាល់នឹងទីស្នាក់ការ​គណបក្ស។

ការចុះផ្សាយ របស់ប្រព័ន្ធផ្សព្វផ្សាយក្នុងស្រុក បានស្រង់សំដីរបស់លោក ខៀវ សុភ័គ មកបញ្ជាក់ថា «ការធ្វើកិច្ចការអ្វី​ក៏ដោយ ទាក់ទងនឹងសន្តិសុខជាតិ គឺត្រូវ​មាន​លិខិត​ ស្នើសុំទៅ​អាជ្ញាធរ​ ឲ្យបា​នត្រឹមត្រូវ​ ដោយអ​នុវត្តទៅ​តាម​ច្បាប់បាតុក​ម្ម ដោយ​សន្តិវិធី»។

[...]

សម រង្ស៊ី អះអាង​ថា ហ៊ុន សែន ជា​ស្ដេច​ជ័យជេដ្ឋា​ទី២​«ថ្មី»

សម រង្ស៊ី អះអាង​ថា ហ៊ុន សែន ជា​ស្ដេច​ជ័យជេដ្ឋា​ទី២​«ថ្មី»

«ទង្វើក្បត់ជាតិ របស់លោក ហ៊ុន សែន នៅក្នុងឆ្នាំ២០១៨នេះ មិនខុសពីទង្វើក្បត់ជាតិ របស់មហាក្សត្រខ្មែរមួយអង្គ ឈ្មោះ ជ័យជេដ្ឋាទីពីរ ដែលបានឲ្យច្បាប់ទៅជនជាតិយួន រាប់សែនរាប់លាននាក់ ចូលមករស់នៅលើទឹកដីកម្ពុជាក្រោម (...) ដែលជាដើមហេតុ ធ្វើឲ្យបាត់បង់ទឹកដីកម្ពុជាក្រោម នៅបីសតវត្សន៍ក្រោយមក» នេះ ជាការអះអាងឡើង របស់លោក សម រង្ស៊ី នៅក្នុងសេចក្ដីថ្លែងការណ៍ ជាវីដេអូមួយ ក្នុងយប់ថ្ងៃទី ១៣ ខែមិថុនា ឆ្នាំ២០១៨នេះ ជុំវិញការកែច្បាប់ថ្មី ស្ដីពីសញ្ជាតិ ដោយរដ្ឋាភិបាលលោក ហ៊ុន សែន។

បន្ទាប់ពីបានរំលឹក ពីទំព័រប្រវត្តិសាស្ត្របន្តិច ទាក់ទងនឹងអតីតព្រះមហាក្សត្រ ដែលយកមហេសីយួននោះរួច មេដឹកនាំប្រឆាំងរបស់ប្រទសកម្ពុជា បានអះអាងតាមរយៈវីដេអូ ដែលត្រូវបានបង្ហោះ ​នៅលើបណ្ដាញសង្គមថា ប្រទេសវៀតណាម បានសម្រេចតាមវិធីសាស្ត្រយ៉ាងត្រជាក់ យកទឹកដីរបស់ប្រទេសកម្ពុជា ធ្វើជាទឹកដីរបស់ខ្លួន ដោយមិនចាំបាច់ធ្វើសង្គ្រាមអ្វីឡើយ។

[...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]om.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...