ពិភពលោកទទួលអំណរឆ្នាំថ្មី ប្រទេសមួយៗធ្វើពិធីរៀងៗខ្លួន (វីដេអូ)
រវាងកាំជ្រួចផ្កាភ្ញី ដែលគេបាញ់បង្ហោះឡើង ទៅលើមេឃ ការប្រគុំតន្ត្រី និងរៀបចំទទួលតាមបែបសាសនា យើងបានឃើញថាពិភពលោកទាំងមូល បានរៀបចំទទួលបុណ្យចូលឆ្នាំថ្មី ឆ្នាំសកល២០១៣ យ៉ាងសប្បាយរីករាយ ហើយពួកគេបានបំភ្លេចចោលទុកមួយអន្លឺ នូវវិបត្តិសេដ្ឋកិច្ច ឬវិបត្តិហិរញ្ញវត្ថុ ក៏ការគម្រាមកំហែងផ្សេងៗ។
ការបាញ់កាំជ្រួច នៅតាមបណ្ដោយ ឆ្នេរ«កូប៉ាកាបាណា» នៃទីក្រុងរីយ៉ូ ប្រទេសប៊្រេស៊ីល។ រូបថត RelaxNews។
នៅទីក្រុងញ៉ូយក បណ្ដាជនប្រមាណជា ១លាននាក់ បានប្រមូលគ្នានៅ ថែម៍ ស្កែរ (Times Square) ដើម្បីទទួលឆ្នាំថ្មី ជាមួយនឹងទម្លាប់នៃការទម្លាក់ចុះ នៃដុំពេជ្រចម្រុះពណ៌ ប្រមាណជា៦០វិនាទី រហូតដល់ពាក់កណ្ដាលអាធ្រាត។ ភាពសប្បាយរីករាយ បានកើតមានឡើងតាំងពីមុននេះបន្តិច [...]