Posts tagged as "Hun Manit"

កូនប្រុសនាយករដ្ឋមន្ត្រី ទើបនឹងទទួលបាន ផ្កាយមួយគ្រាប់ទៀត មកពាក់នៅលើស្មារ ជាមួយនឹងផ្កាយពីរគ្រាប់មុន បន្ទាប់ពីលោកត្រូវបានតម្លើងតួនាទី ជាអគ្គនាយក នៃអគ្គនាយកដ្ឋានស្រាវជ្រាវចារកិច្ច របស់ក្រសួងការពារជាតិ កាលពីថ្ងៃទី២៣ ខែសីហា ឆ្នាំ២០១៧។ នេះ បើតាមព្រះរាជ្យក្រឹត្យ ចុះថ្ងៃទី៦ ខែតុលា ឆ្នាំ២០១៧ ដែលចុះព្រហស្ថលេខា ដោយព្រះមហាក្សត្រកម្ពុជា ព្រះបាទ សម្តេចព្រះបរមនាថ នរោត្តម សីហមុនី។

គេមិនដឹងឲ្យប្រាកដថា តើការដំឡើងឋានន្តរស័ក្ដិនេះ ធ្វើឡើងក្រោមការវាយតម្លៃការងារ និងតួនាទី តាមរបៀបណាទេ។ បើតាមព្រះរាជ្យក្រឹត្យនោះ បានបញ្ជាក់ថា ដោយ«ទ្រង់យល់សេចក្ដីក្រាបបង្គុំទូលថ្វាយ» របស់លោកនាយករដ្ឋមន្ត្រី ហ៊ុន សែន ព្រះមហាក្សត្រទ្រង់ត្រាស់បង្គាប់ តម្លើងឋានន្តរស័ក្ដិ ថ្នាក់ឧត្ដមសេនីយ៍ឯក ដល់លោកឧត្ដមសេនីយ៍ទោ ហ៊ុន ម៉ានិត ដែលជាកូនប្រុសទីពីរ របស់នាយករដ្ឋមន្ត្រី។

ការតម្លើងឋានន្តរស័ក្ដិនេះ ធ្វើឡើងស្របជាមួយ [...]

«សហគមន៍អន្តរជាតិ មិនអាចឈរមើល ហើយទុកឲ្យប្រទេសកម្ពុជា រអិលធ្លាក់ ទៅក្នុងរបបផ្ដាច់ការទាំងស្រុង ដូច្នេះឡើយ។ ម្ចាស់ជំនួយ និងដៃគូពាណិជ្ជកម្មទាំងឡាយ របស់កម្ពុជា ត្រូវប្រើឥទ្ធិពលរបស់ផងខ្លួន ដើម្បីធ្វើអន្តរាគមន៍ ក្នុងរឿងនេះ។» នេះជាការថ្លែងឡើង របស់អ្នកស្រី អេម៉ា បឺណេត (Emma Burnett) មន្ត្រី​ផ្នែក​យុទ្ធនាការ​ នៃ​អង្គការ​ឃ្លាំ​មើល​ពិភពលោក (Global Witness) នៅក្នុង​សេចក្ដីប្រកាសព័ត៌មានមួយ របស់អង្គការនេះ ដើម្បីប្រតិកម្ម ទៅនឹងបណ្ដឹងរបស់រដ្ឋាភិបាល លោក ហ៊ុន សែន ក្នុងការប្ដឹងរំលាយគណបក្សសង្គ្រោះជាតិ នៅល្ងាចថ្ងៃសុក្រ ទី៦ ខែតុលា ឆ្នាំ២០១៧នេះ។

ក្រសួងមហាផ្ទៃកម្ពុជា តាមរយៈក្រុមមេធាវី តំណាងដោយអាណត្តិរបស់ខ្លួន [...]

យ៉ាងហោចណាស់ មានលិខិតចំនួនពីរ ត្រូវបានប្រព័ន្ធផ្សព្វផ្សាយ ស្និតនឹងរដ្ឋាភិបាល និង​គណបក្ស​ប្រជាជន​កម្ពុជា យក​មក​ផ្សាយ ដោយសុទ្ធតែអះអាងថា លិខិតទាំងនោះ ជាលិខិតផ្ទៃក្នុង ​របស់​គណបក្ស​សង្គ្រោះ​ជាតិ ដែល​ចុះ​ហត្ថលេខា ដោយលោក សម រង្ស៊ី អតីតប្រធានគណបក្សនេះ។ បន្ទាប់ពីត្រូវបាន​​អ្នកនាំ​ពាក្យ​​គណបក្ស​ អះអាង​ជា​ផ្លូវ​ការ ថាសុទ្ធសឹង​ជាលិខិតក្លែងក្លាយរួច លិខិត​ទាំង​នោះ ក៏ត្រូវបានអតីត​ប្រធាន​គណបក្ស​សង្គ្រោះជាតិ លោក សម រង្ស៊ី ខ្លួន​លោក​ផ្ទាល់ ច្រាន​ចោល​ដូចគ្នា និងថែមទាំងបានហៅ ក្រុមអ្នក​នៅ​ពី​ក្រោយ លិខិត​ក្លែង​ក្លាយ​ទាំង​នោះ ថាជាក្រុមជន​ថោកទាប គ្មានយុទ្ធសាស្ត្រ និងមានលក្ខណៈ«យ៉ាប់ណាស់»។

លោក សម រង្ស៊ី បានប្រតិកម្មដូច្នេះ នៅក្នុងកិច្ចសម្ភាសមួយ ជាមួយវិទ្យុសម្លេងសហរដ្ឋអាមេរិក កាល​ពី​យប់​ថ្ងៃ​ទី១៣ ខែ​កុម្ភៈកន្លងមក និងបានអំពាវនាវ ទៅឲ្យកាន់ពលរដ្ឋកម្ពុជា កុំឲ្យតម្លៃមនុស្ស ដែលប្រើ​«ល្បិច​ថោក​ទាប​បែប​នេះ»។ [...]

ក្រៅពីតួនាទីជាច្រើន មិនតិចជាង ៥មុខតំណែងនោះ នៅថ្ងៃទី៩ ខែកុម្ភៈនេះ លោក ហ៊ុន ម៉ានិត អាយុ​៣៦ឆ្នាំ​ ទើប​នឹង​ទទួល​បាន​តួនាទី​«ខ្លឹម»​​មួយទៀត នៅក្នុងគណបក្សប្រជាជនកម្ពុជា ដែលមានឪពុកលោក ជា​ប្រធាន​គណ​បក្ស។ នេះ បើ​តាម​លិខិត​មួយ របស់គណបក្ស​កាន់អំណាច ដែលបានធ្លាយ មកដល់ដៃ​អ្នក​សារព័ត៌មាន​ នៅ​ព្រឹក​ថ្ងៃទី១០ ខែ​កុម្ភៈ​នេះ។

ក្នុងលិខិតនោះ ដែលចុះហត្ថលេខា ដោយលោក ហ៊ុន សែន នាយករដ្ឋមន្ត្រី និង​ជាប្រធាន​គណបក្ស​ប្រជាជន​កម្ពុជា មាន​សរសេរ​បញ្ជាក់​ថា៖ «តែងតាំង ឯកឧត្តម ហ៊ុន​ ម៉ានិត សមាជិក​គណៈកម្មាធិការ​ត្រួត​ពិនិត្យ នៃ​គណៈ​កម្មាធិការ​កណ្តាល ជាអនុប្រធាន​​គណៈកម្មាធិការ​ត្រួត​ពិនិត្យ នៃ​គណៈ​កម្មាធិការ​កណ្តាល»។​

លោក ហ៊ុន សែន ជាឪពុកបានសរសេរពន្យល់ នៅក្នុងលិខិតនោះថា ការតែងតាំង​កូនប្រុសទីពីរ របស់​លោក​នេះ ត្រូវ​បាន​ធ្វើ​ឡើង ដោយយោង​តាមសំណូមពរការងារ និងសមត្ថភាព​មន្ត្រីគណបក្ស សំណើ​របស់​គណៈ​ចាត់​តាំង [...]