Posts tagged as "Election 2013"

ភ្នំពេញ៖ ឯកភាពគោរព និងអនុវត្តដោយម៉ឹងម៉ាត់ ចំពោះព្រះរាជសាររបស់ព្រះមហាក្សត្រ កាលថ្ងៃទី១៦ ខែកញ្ញា ឆ្នាំ​២០១៣ ដើម្បីជាសវាងនូវការប្រើអំពើហិង្សារ ដែលអាចនាំឲ្យមានរបួសស្នាម ពិសេសឈានទៅដល់ការបាត់បង់ជីវិត។ ឯកភាព បង្កើតយនការ ធ្វើការកែទម្រង់ការបោះឆ្នោតនាពេលខាងមុខ។ គណបក្សទាំងពីរ នឹងបន្តរជំនួបចចារគ្នា ពេល​ក្រោយទៀតតាមគ្រប់កម្រិត ក្នុងការដោះស្រាយបញ្ហា។ ខាងលើនេះជាលទ្ធផល នៃការព្រម​ព្រៀងគ្នានៃគណបក្សទាំងពីរ ក្នុងជំនួបប្រជុំថ្នាក់កំពូលអស់ពេលជិតប្រាំម៉ោង ចាប់ពីម៉ោង៩ និង២០នាទីព្រឹក នៅមន្ទីររដ្ឋសភាជាតិនាព្រឹកថ្ងៃទី១៦ ខែកញ្ញានេះ តាមរយៈសេចក្តីប្រកាសរួមមួយ។

ជំនួបកំពូលរវាងគណបក្សសង្គ្រោះជាតិ (ខាងឆ្វេង) និងគណបក្សប្រជាជនកម្ពុជា។ (រូបថត MONOROOM.info/ O. Vary)

សមាសភាពនៃការចូលរួមប្រជុំនេះ [...]

ការប្រើប្រាស់រនាំងបន្លាលួស មកដាក់បាំងនៅតាមទ្រូងផ្លូវកណ្ដាលរាជធានី ត្រូវបានអ្នករស់នៅក្នុងរាជធានីជាទូទៅ សម្ដែង ការមិនពេញចិត្ត ហើយរហូតមានអ្នកខ្លះបានខឹងសម្បា ដោយបានអូសរនាំងបន្លាលួសទាំងនោះចេញទៀតផង។ អ្នកតាម​ដានស្ថានការណ៍នយោបាយកម្ពុជា បានវាយតម្លៃថា នោះជាមធ្យោបាយ«មិនស៊ីវីល័យ» ហើយមិនដូចទៅនឹងអ្វី ដែលមន្ត្រី​ជាន់ខ្ពស់ធ្លាប់និយាយថា ខ្លួនចង់ឲ្យកម្ពុជាក្លាយជានិតិរដ្ឋនោះ។

កងកម្លាំងនគរបាល កំពុងពន្លាបន្លាលួស ដាក់បាំងនៅចំនុចមុខវត្តឧណ្ណាលោម។ (រូបថត Thomas Cristofoletti)

រាជធានីភ្នំពេញ - រនាំងបន្លាលួសជាច្រើន ត្រូវ​បានអាជ្ញាធររដ្ឋាភិបាលត្រៀមបម្រុងទុក តាំងតែពីមានការលេចលឺ​ដំណឹង​ថា នឹងមានការតវ៉ា​ដ៏ខ្លាំងក្លាមិនដែលធ្លាប់មាន នៅក្នុងប្រវត្តិនៃការដឹកនាំរបស់ខ្លួន [...]

ព្រះមហាក្សត្រនៃប្រទេសកម្ពុជា ព្របាទសម្តេច បរមនាថ នរោត្តម សីហមុនី បានចេញព្រះរាជសារចូល រួមរំលែក​ទុក្ខ​ចំពោះក្រុមគ្រូសារនៃសពយុវជនម្នាក់ ដែលបានស្លាប់ និងអ្នករងរបួសនៅក្នុងអំឡុងពេល ការប៉ះ ទង្គិចគ្នារវាង ក្រុម​បាតុករជាមួយនឹងក្រុមសមត្ថកិច្ចនៅលើស្ពានអាកាសក្បាលថ្នល់កាលពីយប់ថ្ងៃ អាទិត្យម្សិលមិញ។ ជាមួយគ្នានេះ ព្រះមហាក្សត្រ ក៏អំពានាវឲ្យក្រុមបាតុករនិងអជ្ញាធរបញ្ឈប់ការប្រើ ហិង្សាដាក់គ្នានោះទៀត។

ព្រះមហាក្សត្រព្រះបាទ នរោត្តម សីហមុន្នី ទ្រង់គ្រងរាជបល្ល័ង្គ ក្នុងរាជាណាចក្រទីពីរនៃកម្ពុជា។

ភ្លាមៗបន្ទាប់ពីមានការប៉ះទង្គិចគ្នា រវាងក្រុមបាតុករនិងអជ្ញាធរ ដែលបានបណ្តាលឲ្យមានអ្នកសា្លប់ និង មានអ្នក​រងរបួស​ផងនោះ ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជសារ ចុះថ្ងៃទី [...]

ពលរដ្ឋកម្ពុជាស្លូតត្រង់មួយរូបបានស្លាប់ ហើយជិត១០នាក់ផ្សេងទៀតបានរងរបួស នៅក្នុងអំពើហឹង្សាមួយ ដែលបានផ្ទុះ​ឡើងសារជាថ្មីទៀត នៅយប់ថ្ងៃទីអាទិត្យទី១៥ខែកញ្ញានេះ នៅចំណុចស្ពានអាកាសក្បាលថ្នល់ បន្ទាប់ពីការប៉ះទង្គិចមួយ កាលពីរសៀលថ្ងៃដដែល នៅមុខវត្តឧណ្ណាលោម ក្នុងថ្ងៃដំបូងនៃមហាបាតុកម្មរបស់គណបក្សសង្គ្រោះជាតិ ដែលត្រូវ​បាន​ប្រកាសរំសាយជាបណ្ដោះអាសន្នតាំងពីព្រលប់មកនោះ។

ជនរងគ្រោះ ដែលត្រូវបានក្រុមអ្នកជួយសង្គ្រោះសាកល្បងដាស់ឲ្យដឹងខ្លួន។ (រូបថត ហ្វេសប៊ុក)

ទីក្រុងប៉ារីស - មន្ត្រីអង្គការសង្គមស៊ីវិលដែលបានតាមដានហេតុការណ៍នេះ បាននិយាយថា យុវជនអាយុជិត៣០ឆ្នាំ ដែល​ត្រូវ​បានបាញ់ស្លាប់ ដោយគ្រាប់កាំភ្លើងពិត របស់កងកម្លាំងអាជ្ញាធរនោះ គ្រាន់តែជាអ្នក«ឈរមើល»ប៉ុណ្ណោះ។ [...]

នេះជាទំព័រផ្សាយផ្ទាល់ ពីព្រឹត្តិការណ៍ថ្ងៃទី១៥ខែកញ្ញា ឆ្នាំ២០១៣ នៃមហាបាតុកម្មប្រឆាំងលទ្ធផល នៃការបោះឆ្នោត​ជ្រើស​តាំងតំណាងរាស្ត្រអាណត្តិទីប្រាំនៅកម្ពុជា ឆ្នាំ២០១៣ រៀបចំដោយគណបក្សសង្គ្រោះជាតិ។

សូមអញ្ជើញត្រឡប់​ចូល​មកអាន នៅក្នុងទំព័រដដែលនេះវិញ ឬប្រសិនបើលោកអ្នក នៅទីនេះរួចជាស្រេចហើយ លោកអ្នក​គ្រាន់តែចុចលើប៊ូតុង «ធ្វើ​បច្ចុប្បន្នភាព (refresh/Actualiser la page)» ឬ ប៊ូតុង «F5» ដើម្បីអាននូវពត៌មាន ឬ​របាយការណ៍ ដែល​កើតឡើងជាបន្ដបន្ទាប់ភ្លាមៗ ដាក់ផ្សាយជូនពីព្រឹត្តិការណ៍នេះ។ សូមបញ្ជាក់ថា ម៉ោងដែលដាក់ផ្សាយ នៅលើទំព័រនេះ ជាម៉ោងនៅរាជធានីភ្នំពេញ បើទោះជាការផ្សាយផ្ទាល់របស់មនោរម្យព័ងអាំងហ្វូ ធ្វើចេញពីទីក្រុងប៉ារីស ប្រទេសបារាំងក៏ដោយ។
--------------------------------

• ថ្ងៃអាទិត្យ ទី១៥ខែកញ្ញា ម៉ោង០៧និង៣០នាទីយប់

ការផ្សាយផ្ទាល់របស់ទស្សនាវដ្ដីមនោរម្យព័ងអាំងហ្វូ [...]