ហ៊ុន សែន ថាអាចធ្វើកិច្ចព្រមព្រៀងជាមួយ ម៉ម សូណង់ដូ បាន
លោក ម៉ម សូណង់ដូ ប្រធានគណបក្សសំបុកឃ្មុំ សង្គមប្រជាធិបតេយ្យ ត្រូវបានលោក ហ៊ុន សែន ជ្រើសរើស យកមកថ្លែងជាសាធារណៈ ក្នុងថ្ងៃនេះ តាមរយៈឧទាហរណ៍មួយ ដែលបុរសខ្លាំងកម្ពុជា អះអាងថា អាចនឹងមានកិច្ចព្រមព្រៀងនយោបាយ ជាយថាហេតុណាមួយ នៅក្នុងពេលខាងមុខ។ ការថ្លែងរបស់នាយករដ្ឋមន្ត្រីកម្ពុជា ចង់បញ្ជាក់ថា ការចុះហត្ថលេខារវាងលោក សម រង្ស៊ី មេដឹកនាំប្រឆាំង និងលោក កុក ស មេដឹកនាំចលនាជនជាតិភាគតិច ម៉ុងតាញ៉ា មិនមានភាពចាំបាច់ទេ ប្រសិនជាលោក កុក ស ជាជនជាតិខ្មែរនោះ។
ថ្លែងនៅក្នុងពិធីសម្ពោធស្ពាន ឆ្លងទន្លេពីក្រុងកំពង់ចាម ទៅកាន់កោះប៉ែន នៅព្រឹកថ្ងៃពុធ ទី១៤ ខែមីនានេះ លោកនាយករដ្ឋមន្ត្រី ហ៊ុន សែន បានចោទជាសំនួរឡើងថា៖ «បើទោះជាអ្នកឯងជាខ្មែរ ខ្មែរនិងខ្មែរ ម៉េចបានអ្នកឯង ចាំបាច់ចុះហត្ថលេខា?»។ បន្ទាប់មក បុរសខ្លាំងកម្ពុជា [...]
