អ្នកស្រី Betty Betty Thogersen នាយកប្រចាំប្រទេសកម្ពុជា នៃអង្គការ DCA/CA បានលើកឡើងថា ការ​ប្រែ​ប្រួសអាការធាតុប៉ះ ពាល់ដល់មនុស្សគ្រប់រូប នៅលើផែនដី ហើយមានលក្ខណៈកាន់តែខ្លាំង ដែល​គេ​មិន​អាច​ធ្វើការ​ព្យាករណ៍ ទុកមុនបាន ខណៈជនដែលរងផលប៉ះពាល់ច្រើនជាងគេ គឺ «ប្រជាពលរដ្ឋក្រីក្រ»។

ថ្លែងក្នុងសិក្ខាសាលាផ្សព្វផ្សាយ សេចក្តីសង្ខេបគោលនយោបាយ ស្តីពី ការចរចារអាកាសធាតុ និងការ​ត្រៀម​លក្ខណៈសម្រាប់សន្និសីទ នៃភាគីជាសមាជិកអនុសញ្ញា ក្របខណ្ឌ័សហប្រជាជាតិ ស្តីពីការប្រែប្រួល​អាកាស​ធាតុលើកទី២១ (COP21) កាលពីព្រឹកថ្ងៃទី២៥ ខែកញ្ញា ឆ្នាំ២០១៥នេះ អ្នកស្រី Betty Betty Thogersen បានឲ្យដឹងថា៖ «យើងមានការព្រួយបារម្ភ ការប្រែប្រួសអាកាសធាតុ កំពុងកើតមានឡើងហើយ។ យើង​ដឹង​ថាផលប៉ះពាល់នៃ ការប្រែប្រួលអាកាសធាតុ គឺវាធ្ងន់ធ្ងរណាស់ វាធ្វើឲ្យខូចខាតអនាគតយើង។»

សូមស្តាប់ការបកស្រាយទាំងស្រុងរបស់អ្នកស្រី Betty thØgersen ដូចខាងក្រោម៖

សិក្ខាសាលាខាងលើនេះ រៀបចំឡើងដោយ វេទិកានៃអង្គការមិនមែនរដ្ឋាភិបាល ស្តីពីកម្ពុជា (NGOF) រួមជា​មួយ និងអង្គការជំនួយ របស់វិហារដាណឺម៉ាក (DCA/CA) នៅសណ្ឋាគារ ហ៊ីម៉ាវារី ដើម្បីជម្រុញ ឲ្យអ្នកដែល​មានការងារពាក់ព័ន្ធ ក្នុងការចរចារអាកាសធាតុ និងភាគីពាក់ព័ន្ធនានាផ្សេងៗទៀត រួមមានអ្នកធ្វើ​គោល​នយោបាយ និងដៃគូអភិវឌ្ឍន៍រួមមានដូចជា គណៈប្រតិភូរដ្ឋាភិបាល រដ្ឋសភាជាតិ ព្រឹទ្ធសភា ក្រសួងបរិស្ថាន ស្ថានទូត ដៃគូរអភិវឌ្ឍ និងអង្គការ សង្គមស៊ីវិល ចូលរួមណិភាក្សាគ្នា ធ្វើការសង្ខេបគោលនយោបាយរួម មុន​នឹងចូលរួម ក្នុងសន្និសីទកំពូល នៅរដ្ឋធាំនី ប៉ារីស ប្រទេសបារាំង នាពេលខាងមុខនេះ។ នេះបើតាម​ការ​អះ​អាង របស់លោក តឹក វណ្ណារ៉ា នាយកអង្គការ វេទិកានៃអង្គការក្រៅរដ្ឋាភិបាល ដើម្បកម្ពុជា។

សូមស្តាប់ការបកស្រាយទាំងស្រុង របស់លោក តឹក វណ្ណារ៉ា ដូចខាងក្រោម៖

លោក Jean-Claude POIMBOEUF ឯកអគ្គរដ្ឋទូត ប្រទេសបារាំងប្រចាំនៅកម្ពុជា បានថ្លែងថាជាភាសាបារាំង និងត្រូវបានបកប្រែជាខ្មែរ ដែលមានន័យថា លោកគាំទ្រចំពើការរៀបចំឲ្យមានកម្មវិថីនេះឡើង ដើម្បីចូលរួម​ជាសកល ដែលផ្តោតសំខាន់ទៅលើការប្រែប្រួល នៃអាកាសធាតុពិភពលោក។ លោកបានបញ្ជាក់ថា «ឆ្នាំ​២០១៥​នេះ ជាឆ្នាំដែលក្តៅបំផុត នៅលើពីភពលោក។ (...) ប្រចាពលរដ្ឋនៃបណ្តាប្រទេសភាគច្រើន លើ​ពីភពលោក ងាយនឹងរងគ្រោះបំផុត ដូចជាប្រទេសកម្ពុជាជាដើម។»

សូមស្តាប់ការបកស្រាយទាំងស្រុងរបស់ Jean-Claude POIMBOEUF ដូចខាងក្រោម៖

សម្រាប់លោក ទិន ពន្លក អគ្គលេខា នៃអគ្គលេខាធិការដ្ឋាន ក្រុមប្រឹក្សាជាតិអភិវឌ្ឍន៍ របស់ក្រសួងបរិស្ថាន បានបង្ហាញចំណាប់អារម្មណ៍ថា ការប្រែប្រួលអាកាសធាតុ នាំមកនូវគ្រោះថ្នាក់បំផុតដល់សង្គម។ លោកថា​ការប្រែប្រួលអាកាសធាតុ នាំឲ្យប៉ះពាល់ដល់សេដ្ឋកិច្ចជាតិ ជាពិសេស។ លោកបានបន្ថែមថា ជាមួយ​គ្នា​នេះ រដ្ឋាភិបាលសព្វថ្ងៃ កំពុងយកចិត្តទុកដាក់ ដើម្បីចូលរួមទប់ស្កាត់ នូវបញ្ហានៃការប្រែប្រួលអាកាសជាតុ​នេះ ប្រកប​ដោយចេរភាព។ លោក ពន្លក បានថ្លែងឲ្យដឹងថា៖ «រាជរដ្ឋាភិបាលកម្ពុជាបានយកចិត្តទុកដាក់ ចំពោះ​បញ្ហាប្រែប្រួលអាកាសធាតុ នៅក្នុងរបៀបវារៈអនុវត្តសំដៅ ធានាការអនុវត្តប្រកបដោយចេរភាព បើទោះ​ជា​មានការប្រែប្រួលអាកាសធាតុក្តី។»

សូមស្តាប់ការបកស្រាយទាំងស្រុងរបស់ លោក ទិន ពន្លក ដូចខាងក្រោម៖

ចម្លើយតបអន្តរជាតិ ផ្នែកគោលនយោបាយ ចំពោះការប្រែប្រួលអាកាសធាតុ បានចាប់ផ្តើមនៅក្នុង​កិច្ច​ប្រជុំ​កំពូល នៅទីក្រុងរីយ៉ូ (Rio Earth Summit) ក្នុងឆ្នាំ១៩៩២ ដែលនៅក្នុងនោះ «អនុសញ្ញាក្រុងរីយ៉ូ» បាន​ដាក់​បញ្ចូលការអនុម័ត អនុសញ្ញាក្របខ័ណ្ឌសហប្រជាជាតិ ស្តីពីការប្រែប្រួលអាកាសធាតុ (UNFCCC)។ អនុសញ្ញានេះ កំណត់ក្របខណ្ឌមួយ សម្រាប់សកម្មភាពសំដៅ ធ្វើឲ្យកំហាប់បរិយាកាស នៃឧស្ម័នផ្ទះ​កញ្ចក់ មានស្ថេរភាព ដើម្បីជៀសវាង «ការជ្រៀតជ្រែក ប្រកបដោយគ្រោះថ្នាក់ នៃសកម្មភាពមនុស្ស ចំពោះ​ប្រព័ន្ធ​អាកាសធាតុ»។

សូមបញ្ជាក់ថា អនុសញ្ញាក្របខ័ណ្ឌសហប្រជាជាតិ ស្តីពីការប្រែប្រួលអាកាសធាតុ (UNFCCC) បានចូល​ជា​ធរមាននៅថ្ងៃទី ២១ ខែ មីនា ឆ្នាំ ១៩៩៤។ នៅពេលនេះ មានភាគីជាសមាជិកដែល​មានលក្ខណៈ​ស្ទើរ​តែ​ជា​សកល ចំនួន១៩៥។ គោលបំណងចម្បង នៃសន្និសីទនៃភាគីជា សមាជិកអនុសញ្ញាក្របខណ្ឌ័​សហ​ប្រជា​ជាតិ ស្តីពីការប្រែប្រួលអាកាសធាតុ ប្រចាំឆ្នាំ (COP) គឺពិនិត្យមើលការអនុវត្តអនុសញ្ញានេះ៕