យ៉ាងហោច មនុស្ស២៧នាក់ ត្រូវបានសម្លាប់ នៅព្រឹកថ្ងៃសុក្រនេះ នៅក្នុងការវាយប្រហារប្រដាប់អាវុធមួយ ប្រឆាំងនឹងសណ្ឋាគារមាត់សមុទ្រ ចំនួនពីរកន្លែង នៃក្រុងសូស (Sousse) ដែលល្បីថា ជាទីក្រុងទេសចរណ៍​ដ៏ល្បី របស់ប្រទេសតួនេស៊ី។ នេះបើតាមការប្រកាសឲ្យដឹង របស់ក្រសួងមហាផ្ទៃ របស់ប្រទេសនេះ។

លោក មហាមេដ អាលីអារ៉ូយ (Mohamed Ali Aroui) អ្នកនាំពាក្យរបស់ក្រសួងមហាផ្ទៃ បានបញ្ជាក់ថា៖ «ការ​វាយប្រហារ បានកើតឡើង នៅនឹងសណ្ឋាគារចំនួនពីរ។ មានមនុស្សស្លាប់ចំនួន២៧នាក់ ឬអាចច្រើន​ជាង​នេះ។ យុទ្ធនាការប្រឈមមុខគ្នា កំពុងបន្តទៅទៀត នៅឡើយ។»

ថ្លែងតាមទូរទស្សន៍ជាតិតួនេស៊ី អ្នកនាំពាក្យបានបញ្ជាក់ទៀតថា «ជាការវាយប្រហារភេវរកម្ម ប្រឆាំងនឹង​សណ្ឋាគារ ម៉ាហាបា (Marhaba) នៅក្រុង សូស។ តុល្យភាពនាពេលនេះ បានកើនឡើងបន្តិច។ (...) ជន​ប្រព្រឹត្តិ ត្រូវបានបាញ់សម្លាប់។»

កងកម្លាំងសន្តិសុខ បានអន្តរាគមន៍ នៅក្នុងសណ្ឋាគារមួយ ក្នុងចំណោមសណ្ឋាគារទាំងពី។ អ្នកនាំពាក្យ​បានបន្តទៀតថា ជនប្រព្រឹត្តិម្នាក់ ទំនងជាបានបន្លំខ្លួន ចូលទៅក្នុងសណ្ឋាគារនោះ និងត្រូវបានបាញ់សម្លាប់ ដោយកងកម្លាំងសន្ដិសុខ នៅពេលក្រោយមក៕