ធ្លាប់ឃើញឬទេ? មនុស្សដឹកត្រីដើរលេង !
- ដោយ: ក. សោភណ្ឌ អត្ថបទ៖ ក.សោភ័ណ្ឌ( [email protected]) - ភ្នំពេញ ០២ មករា ២០១៥
- កែប្រែចុងក្រោយ: January 02, 2015
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
បុរសជាតិអង់គ្លេស លោក ម៉ៃ វ៉ារេន ម៉ាដេន (Mike Warren-Madden) អតីតកម្មករដែកបន្ទះ បានចំណាយពេលជាច្រើនម៉ោង ក្នុងការរចនាកែវបំពង់ដាក់ត្រី ដែលអាចឲ្យលោកដឹកអូសតាមផ្លូវបាន។ លោកមានគម្រោងនេះ ៧ឆ្នាំមកហើយ ដោយសារស្រលាញ់ត្រីខ្លាំងពេក និងមានបំណងចង់ឲ្យត្រី មានភាពរីករាយ ពេលឃើញពិភពលោកខាងក្រៅ ដូចគេឯងដែរ។ លើសពីនេះ លោកថែមទាំងមានបំណង ទាក់ទាញសហគ្រិន ឲ្យធ្វើការវិនិយោគ ទៅលើគំនិតឆ្នៃប្រឌិតរបស់លោកទៀតផង ទាក់ទងនឹងការរចនាឧបករណ៍ ធ្វើពីដែករបស់លោក។
បុរសវ័យ ៦០ឆ្នាំនេះ បាននិយាយថា៖ «មិនមែនរាល់ថ្ងៃ សុទ្ធតែមានគេដឹកត្រី ដើរលេងទេ។ ត្រីនៅក្នុងក្រឡ ហែលចុះហែលឡើងៗរាល់ថ្ងៃ វាប្រាកដជាធុញហើយ (…) អីចឹងហើយទើបសម្រេច រកការកម្សាន្តអោយវា ដោយដឹកដើរលេងជាមួយតាមផ្លូវ។»។
លោកបានបន្តទៀតថា៖ «គេចេះតែនិយាយមកកាន់ខ្ញុំ ត្រីមិនចេះមើលថា តើមានអីកើតឡើងទេ។ តែខ្ញុំតែងតបវិញថា ម៉េចបានអ្នកដឹង?»
លោក Mike បានបញ្ជាក់ថា ដោយសារតែលោកជាជាងដែកស្រាប់ ទើបអាចច្នៃម៉ូដបង្កើតកែវដាក់ត្រី បានដោយខ្លួនឯង និងចំណាយអស់តិច។ ប៉ុន្តែសម្រាប់អ្នកផ្សេងវិញ ប្រហែលជាត្រូវចំណាយអស់ រាប់រយដុល្លារឯណោះ ដើម្បីផលិតឧបករណ៍ដាក់ត្រូ និងអាចអូសកម្សាន្ដបានមួយនេះ៕
