បាត់​យន្ដហោះ AirAsia៖ គ្រួសារ​មួយ បាន​លុប​ចោល​សំបុត្រ មួយ​ថ្ងៃ​មុន!

គ្រួសារឥណ្ដូនេស៊ី ដែលត្រូវយកជើងហោះហើរ QZ8501 ជាមុននឹងយន្ដហោះ អ៊ែរអេសៀ បាត់​ខ្លួន​ពី​ប្រព័ន្ធ​ត្រួត​ពិនិត្យ​ការ​ហោះ​ហើរ កំពុងរឹតទ្រូងអរគុណមេឃដី ដោយសារតែពួកខ្លួន បានលប់ចោលសំបុត្រយន្ដហោះនេះ តែ​មួយ​ថ្ងៃ​មុន​ប៉ុណ្ណោះ។
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី២៩ ធ្នូ ២០១៤
  • កែប្រែចុងក្រោយ: December 29, 2014
  • ប្រធានបទ: សំណាង
  • អត្ថបទ: មានបញ្ហា?
  • មតិ-យោបល់

សារព័ត៌មាន Daily Mail ដែល​ចេញ​ផ្សាយ​ក្នុង​ប្រទេស​អូស្ត្រាលី បាន​រាយ​ការណ៍​ថា ចានដ្រា ស៊ូសានតូ (Chandra Susanto) រស់​នៅ​ក្នុង​ក្រុង ស៊ូរ៉ាបាយ៉ា (Surabaya) នៃ​ប្រទេស​ឥណ្ឌូនេស៊ី បាន​កក់​សំបុត្រ​យន្ដហោះ នៃ​ជើង​ហោះ​ហើរ​នេះ សម្រាប់​រូប​លោក ប្រពន្ធ​លោក និង​កូន​របស់​លោក​បី​នាក់​ទៀត។ គ្រួសារ​ដែល​មាន​សមាជិក​ទាំង​អស់​៥​នាក់​នេះ មាន​បំណង​ចង់​ទៅ​លេង​ឪពុក​របស់​ខ្លួន ដែល​រស់​នៅ​ប្រទេស​សាំងហ្គាពួរ។

នៅក្នុង​អារម្មណ៍​ក្ដុកក្ដួល រក​ស្មាន​មិន​ត្រូវ​នៅ​ឡើយ ព្រោះ​ព្រឹត្តិការណ៍​បាត់​យន្ដហោះ ហាក់​នៅ​ថ្មីៗ​នេះ លោក ស៊ូសានតូ បាន​ថ្លែង​ឲ្យ​ដឹង​ថា៖ «យើង​បាន​គ្រោង វិស្សមកាល​របស់​យើង តាំង​ពី​ខែ​មិនា ឆ្នាំ២០១៤ ទៅ​ម៉ិញ​ម្លេះ។ ប៉ុន្តែ​យើង​ត្រូវ​លុប​ចោល​គម្រោង​នេះ​វិញ នៅ​មួយ​ថ្ងៃ​មុន ដោយ​សារ​តែ​ឪពុក​របស់​ខ្ញុំ បាន​ធ្លាក់​ខ្លួន​ឈឺ។»

លោកបញ្ជាក់ទៀតថា គ្រួសារលោក មិនចង់សម្រេចចិត្តលប់ចោលដំណើរវិស្សមកាលនេះទេ ព្រោះកូន​របស់​លោក គ្រីស្តូហ្វើរ (Christopher) ចង់ជួបជាមួយនឹងជីតារបស់ខ្លួនខ្លាំងណាស់។

នៅទីបំផុតទៅ ឈ្មោះរបស់គ្រួសារ ស៊ូសានតូ បានស្ថិតនៅក្នុងបញ្ជីមួយ ជាមួយនឹងមនុស្ស១៨នាក់ផ្សេង​ទៀត ដែលមិនបានឡើងយន្ដហោះ នៅព្រឹកថ្ងៃអាទិត្យនោះទេ។ ហើយអ្នកដែលភ័យក្នុងរឿងនេះជាងគេ គឺ​ប្អូន​ស្រី​របស់លោក។ លោកបានទទួលដំណឹងបាត់យន្ដហោះពីនាង នៅពេលដែលនាងបានទូរស័ព្ទមកលោក។ លោក​និយាយទៀតថា៖ «ប្អូនស្រីខ្ញុំភ័យជាងពួកខ្ញុំទៅទៀត ព្រោះនាងបានដឹងពីដំណឹងនេះតាមទូរទស្សន៍»។

លោកបាននិយាយហើយ និយាយទៀតថា លោកនិងក្រុមគ្រួសារពិតជាអាយុថ្លៃមែន ដែលបានគេស​ផុត​ពី​គ្រោះថ្នាក់នេះ។ ប៉ុន្តែការបន់ស្រន់នៅតែមាន នោះគឺធ្វើចំពោះអ្នកនៅលើយន្ដហោះទាំង១៦២នាក់ រួមជា​មួយ​នឹងក្រុមគ្រួសាររបស់ពួកគេ ដែលកំពុងរង់ចាំដំណឹងនោះផង។ លោក ស៊ូសានតូ បានបន្ថែមថា៖ «ខ្ញុំ​អរគុណ​ព្រះជាម្ចាស់ ដែលបានប្រោសប្រណីខ្ញុំនិងគ្រួសារ។ ប៉ុន្តែខ្ញុំក៏នៅតែមិនសប្បាយចិត្តដែរ ហើយសោកស្ដាយ​ជាពន់ពេក សម្រាប់មនុស្សទាំងអស់គ្នា ដែលនៅលើយន្ដហោះ។»៕

នេះជាសំបុត្រយន្ដហោះរបស់លោក និងក្រុមគ្រួសារ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...