ក្រុមអ្នកប្រើប្រាស់បណ្ដាញសង្គម ដែលបានបង្ហោះរូបភាពខាងលើនេះ សុទ្ធតែទទួលបានការចែករំលែក ជាច្រើនរយពាន់ដង នៅក្នុងរយៈពេល តែប៉ុន្មានម៉ោងប៉ុណ្ណោះ។

ព្រឹកថ្ងៃអង្គារទី២៧ ខែមីនានេះ ក្នុងពេល​ដែល​សាលា​ឧទ្ធរណ៍ ​បើក​សវនាការ​លើ​បណ្ដឹង​ជំទាស់ ទៅ​នឹង​សេចក្ដី​សម្រេច ​របស់​សាលា​ដំបូង​រាជ​ធានី បុរសម្នាក់ដែលគេស្គាល់ឈ្មោះ ប៉ែន ចាន់ ត្រូវ​​មេ​សន្តិសុខ​ខណ្ឌ​ដូនពេញ លោក គឹម វុត្ថា ស្ទុះមកទះមួយដៃ ចំកណ្ដាលថ្ពាល់យ៉ាងដំណំ។ ហេតុការណ៍នេះ កើតឡើង ក្រោយលោក ប៉ែន ចាន់ គូសនៅលើទ្រូងថ្នល់ នូវពាក្យ «0+0=8» ហើយលោកមិនព្រមលុបពាក្យ​នេះចេញ តាមបញ្ជា​របស់ក្រុម​កងសន្តិសុខ ទាំងនោះ។

ភ្លាម ក្រោយហេតុការណ៍នោះ វីដេអូយ៉ាងហោចចំនួនពីរ និងរូបភាពជាច្រើន ដែលថតចេញពីការទះតប់នោះ ត្រូវបានបង្ហោះព្រោងព្រាត នៅលើបណ្ដាញសង្គម រាប់ចេញពីទំព័រសារព័ត៌មាន ភ្នំពេញប៉ុស្ដ៍ និងទំព័រមេដឹកនាំប្រឆាំង លោក សម រង្ស៊ី នោះផង និងទទួលបានប្រតិកម្មមកវិញ យ៉ាងខ្លាំងក្លា ពីបណ្ដាអ្នកប្រើប្រាស់បណ្ដាញសង្គម។

ខាងក្រោមនេះ ជាការដកស្រង់ នូវប្រតិកម្មមួយចំនួន ដែលទទួលបានការចែករំលែក មិនតិចជាង​ពាន់ដង គ្រាន់តែក្នុងរយៈពេលប៉ុន្មានម៉ោង៖