តឺនីស៖ ណាដាល់​បង្កើត​ប្រវត្តិសាស្រ្ត​ថ្មី​មួយ បន្ទាប់​ពី​ឈ្នះ​ហ្រ្វេនអូផិន

កីឡាករវាយតឺនីសអេស្ប៉ាញ រ៉ាហ្វាអែល ណាដាល់ (Rafael Nadal) បានក្លាយជាកីឡាករដំបូងគេបង្អស់ ដែលបានឈ្នះពានរង្វាន់ហ្រ្វេនអូផិន (French Open) ៨សម័យកាល កាលពីថ្ងៃអាទិត្យម្សិលមិញ បន្ទាប់ពីគាត់បានយកឈ្នះមិត្តរួមជាតិអេស្ប៉ាញដូចគ្នា ដេវីដ ហ្វឺរ៉ឺ (David Ferrer) ៣សិតជាប់ៗគ្នា។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 10, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករវាយតឺនីសអេស្ប៉ាញ រ៉ាហ្វាអែល ណាដាល់ (Rafael Nadal) បានក្លាយជាកីឡាករដំបូងគេបង្អស់ ដែលបានឈ្នះ​ពានរង្វាន់ហ្រ្វេនអូផិន (French Open) ៨សម័យកាល កាលពីថ្ងៃអាទិត្យម្សិលមិញ បន្ទាប់ពីគាត់បានយកឈ្នះមិត្ត​រួមជាតិ​អេស្ប៉ាញដូចគ្នា ដេវីដ ហ្វឺរ៉ឺ (David Ferrer) ៣សិតជាប់ៗគ្នា។


កីឡាករ រ៉ាហ្វាអែល ណាដាល់ ជាមួយនឹងពានរង្វាន់ថ្មីរបស់គាត់។ (រូបថត AFP KENZO TRIBOUILLARD)

ការប្រកួតនៅក្នុងតារាងហ្វីលីប ឆាទ្រីយើ (Phillipe Chatrier) ណាដាល់ បានចំណាយពេលអស់ ២ម៉ោង និង១៧នាទី ហើយ​បានយកឈ្នះហ្វឺរ៉ឺ ដោយលទ្ធផល ៦-៣, ៦-២ និង ៦-៣។

កីឡាករវ័យ ២៧ឆ្នាំ (ណាដាល់) បច្ចុប្បន្នបានឈ្នះពានរង្វាន់ហ្គែនស្លាម (grand slam) ចំនួន១២ហើយ បន្ទាប់ពីគាត់ឈ្នះ​នៅ​វីមប្លីដុន (Wimbledon) ចំនួន២លើក អូស្ត្រាលានអូផិន (Australian Open) ១លើក និងយូអេសអូផិន (US Open) ១លើក​ទៀត។

ការឈ្នះពានរង្វាន់នៅហ្រ្វេនអូផិនចំនួន៨លើកនេះ បានធ្វើឲ្យណាដាល់ មានកំណត់ត្រាថ្មីមួយ​នៅពីលើអតីតកីឡាករ​អាមេរិក ផិតេ សាមប្រាស (Pete Sampras) និងកីឡាករស្វីស រ៉ចឺ ហ្វឺដឺរ៉ឺ (Roger Federer) ដែលអ្នកទាំង២នោះ បាន​ឈ្នះ​ពានរង្វាន់វីមប្លីដុនចំនួន៧លើកដូចគ្នា។

ការប្រកួតនៅក្នុងទីក្រុងបារីស ហាក់ដូចជាមានការរំខានបន្តិច ខណៈដែលណាដាល់ត្រៀមនឹងប្រកួតសិតទី២ ដោយសារ​តែមានភ្លៀងធ្លាក់ ធ្វើឲ្យប៉ះពាល់ដល់ទីលានប្រកួតបន្តិចបន្តួច និងអ្នកទស្សនាផងដែរ។

ណាដាល បាននិយាយថា «ខ្ញុំជាបុរសដែលចូលចិត្តគិតអ្វីជាវិជ្ជមាន បើទោះបីជាមានបញ្ហាអ្វីនៅក្នុងជីវិតរបស់ខ្ញុំក៏ដោយ។ ខ្ញុំបានខិតខំយ៉ាងខ្លាំងបំផុត ដើម្បីបានឡើងមកឈរទីនេះ។ ខ្ញុំមិនមានអារម្មណ៏ថា របួសរបស់ខ្ញុំអាចមានសភាពដូចដើមទេ ហើយខ្ញុំយល់ថា វាដូចជាមានការខុសប្លែកពីលើកមុន។ ប៉ុន្តែពេលនេះ វាជារឿងធម្មតាទៅហើយ ព្រោះខ្ញុំបានហ្វឹកហាត់​ឲ្យក្លាយជាទម្លាប់ហើយ។»

ចំពោះលទ្ធផលការប្រកួតវិញ ណាដាល់បាននិយាយថា «វាពិតជាអស្ចារ្យខ្លាំងណាស់។ វាជាជ័យជំនះដ៏សំខាន់បំផុត​សម្រាប់ខ្ញុំ ហើយវាពិតជាធ្វើឲ្យខ្ញុំពេញចិត្តជាទីបំផុត ខណៈដែលមានកីឡាករល្អជាច្រើន បានមកចូលរួមប្រកួតនេះ ហើយ​ខ្ញុំក៏ស្ទើរតែមិនជឿខ្លួនឯងដែរ ថាអាចធ្វើបានល្អដូចនេះ៕»

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១០ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...