ក្រុងព្រះសីហនុ៖ ពលរដ្ឋឆ្នេរអូឈើទាល និងកំលាំងនគរបាល កំពុងប្រឈមមុខគ្នា
នៅព្រឹកថ្ងៃទី ១៨ វិច្ឆិកានេះវេលាម៉ោង ១០:០០ ប្រជាពលរដ្ឋដែលរងការបណ្តេញចេញ ពីលំនៅដ្ឋាន នៅឆ្នេរអូឈើទាល បានប៉ះទង្គិចគ្នាជាមួយកងកម្លាំងនគរបាល បន្ទាប់ពីពួកគេបានមកបោះតង់ស្នាក់នៅ នៅលើតំបន់ឆ្នេរដោយមិនមានការអនុញ្ញាតពីអាជ្ញាធរ។ ការប៉ះទង្គិចគ្នានេះ ពុំមានបង្ករជារបួសស្នាម ទៅភាគីណាមួយឡើយ។ តែបន្ទាប់ពីនោះមក អភិបាលរងក្រុងព្រះសីហនុ បានចុះមកធ្វើការសម្របសម្រួល និងឲ្យប្រជាពលរដ្ឋរើចេញពីទីនោះ ជាបណ្តោះអសន្នសិនដើម្បីរកដំណោះស្រាយ ប៉ុន្តែក្រុមពលរដ្ឋមិនបានចេញពីទីនោះទេ ពោលគឺពួកគេនៅដេកចាំនៅលើតំបន់ឆ្នេរនោះបន្តទៀត។
ចំណែកឯកងកំលាំងប្រមាណជា៣៥នាក់ ដែលត្រូវបានដាក់ពង្រាយ ក៍នៅឈរជើងនៅទីនោះដែរ មិនទាន់ចេញទៅណាដែរ ប៉ុន្តែបានធ្វើការហាមឃាត់ប្រជាពលរដ្ឋ មិនឲ្យបោះតង់បន្ថែមទៀត។
[...]
