តម្លៃ​អង្ករ​ក្រអូប​កម្ពុជា​ធ្លាក់​ចុះ​ខ្លាំង នៅ​ចុង​ឆ្នាំ​២០១៤

បើតាម លោកឧកញ្ញ៉ា គឹម សាវុធ ប្រធានក្រុមហ៊ុនខ្មែរហ្វូតគ្រុប បានឱ្យដឹងថា អង្ករក្រអូបកម្ពុជា ដែលនាំចេញ​ទៅ​លក់​នៅ​ទីផ្សារ​អន្តរជាតិ ចុងឆ្នាំ២០១៤ បានធ្លាក់ចុះនូវតម្លៃយ៉ាងខ្លាំង បើប្រៀបធៀបកាលពីដើមឆ្នាំ។
តម្លៃ​អង្ករ​ក្រអូប​កម្ពុជា​ធ្លាក់​ចុះ​ខ្លាំង នៅ​ចុង​ឆ្នាំ​២០១៤
ស្តង់មួយក្នុងពិធីបុណ្យអង្ករកម្ពុជា លើកទី២ ក្នុងឆ្នាំ២០១៤។ (រូបថត monoROOM.info/ Prathna)
Loading...
  • ដោយ: ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី១៨ វិច្ឆិកា ២០១៤
  • កែប្រែចុងក្រោយ: November 19, 2014
  • ប្រធានបទ: ពាណិជ្ជកម្ម
  • អត្ថបទ: មានបញ្ហា?
  • មតិ-យោបល់

ប្រធានក្រុមហ៊ុនខ្មែរហ្វូតគ្រុប លោក​ឧកញ៉ា គឹម សាវុធ បាន​ប្រាប់​ក្រុម​អ្នក​សារព័ត៌មាន នា​ថ្ងៃ​ទី១៨ ខែ​វិច្ឆិកា​នេះ ក្នុង​ឱកាស​លោក​ចូល​រួម ក្នុង​ពិធី​បុណ្យ​អង្ករ​កម្ពុជា លើក​ទី២ ក្នុង​ឆ្នាំ​២០១៤​នេះ​ថា ដើម្បី​រក្សា​ទី​ផ្សារ​អង្ករ​កម្ពុជា​នៅ​លើ​ឆាក​អន្តរជាតិ កម្ពុជា​បាន​ទម្លាក់​តម្លៃ​អង្ករ​របស់​ខ្លួន។ ការ​ទម្លាក់​នូវ​តម្លៃ​អង្ករ​នេះ ត្រូវ​បាន​ប្រធាន​ក្រុមហ៊ុន​អ្នក​នាំ​អង្ករ​ចេញ​រូប​នេះ​ពន្យល់​ថា ដោយ​សារ​តែ​តម្លៃ​អង្ករ​របស់​ប្រទេស​ថៃ ត្រូវ​បាន​ទម្លាក់​មុន ដូច្នេះ​កម្ពុជា​ក៏​ត្រូវ​ទម្លាក់​ដែរ​ដើម្បី​រក្សា​ទីផ្សារ។

លោកបន្ថែមថា៖ «អ្នក​នាំ​ចេញ​យើង​ក្នុង​ឆ្នាំ២០១៤​នេះ សឹង​តែ​រក​ប្រាក់​ចំណេញ​អត់​បាន​ទេ ដោយ​សារ​ថៃ​គាត់​ទម្លាក់ អញ្ចឹង​បើ​សិន​យើង​មិន​ទម្លាក់​តាម យើង​បាត់​ទី​ផ្សារ។ ជួន​កាល​រឿង​លុយ​ចំណេញ​ជា​រឿង​មួយ រឿង​ទី​ផ្សារ​ជា​រឿង​សំខាន់ យើង​សុខ​ចិត្ត​ទម្លាក់​តម្លៃ​បន្ថយ​លុយ​ចំណេញ រក្សាទី​ផ្សារ​យើង​ឱ្យ​បាន»។

លោកបញ្ជាក់ថា នៅចុងឆ្នាំនេះ ស្របពេលដែលប្រទេសម៉ាឡេស៊ី និងប្រទេសចិន កំពុងបញ្ជាទិញនូវ​បរិមាណ​អង្ករ ដ៏ច្រើនគួរសមដែរនោះ តម្លៃអង្ករក្រអូប ធ្លាក់នៅត្រឹមក្រោម៨០០ដុល្លា ក្នុងមួយតោន បើប្រៀបធៀបនឹង​ការលក់នៅខែមករា ដើមឆ្នាំមាន២០១៤ តម្លៃអង្ករក្រអូបលក់បាន ក្នុងតម្លៃរហូតដល់៨៨០ដុល្លា ក្នុង​មួយ​តោន។ ប៉ុន្តែលោកបញ្ជាក់ថា អង្ករស ធម្មតា មានបានរក្សានូវតម្លៃថ្លៃដដែល ដោយសារលក់អស់ ហើយវា​មាន​ចំនួនតិច។

បើតាមលោក ថោង ខុន រដ្ឋមន្រ្តីក្រសួងទេសចរណ៍ ដែលថ្លែងបើកកក្នុងពិធីបុណ្យអង្ករកម្ពុជា នៅថ្ងៃទី១៨ ខែ​វិច្ឆិកានេះ បានបញ្ជាក់ដែរថា ក្នុងរយៈពេល១០ខែដំបូង ក្នុងឆ្នាំ២០១៤នេះ កម្ពុជាបាននាំចេញអង្ករជិត​៣០ម៉ឺន​តោន។ លោកបន្តថា ក្នុងរយៈពេលប៉ុន្មានឆ្នាំមក លោកសង្កេតឃើញថា កម្ពុជាសម្រេចបាននូវ​ជោគជ័យ​យ៉ាង​ធំធេង ក្នុងការនាំចេញអង្ករទៅកាន់ទីផ្សារអន្តរជាតិ។ លោកថាកាលពីឆ្នាំ២០១៣ កម្ពុជាបាននាំអង្ករចេញ ប្រមាណជាង៣៧ម៉ឺនតោន ទៅកាន់ប្រទេសជាង៥០នៅលើពិភពលោក៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...