ផ្ទុះរឿងអាស្រូវប្រកាន់ពូជសាសន៍ នៃអ្នកគាំទ្រក្រុមបាល់ទាត់ ឆែលស៊ី នៅប៉ារីស (vdo)
វីដេអូនេះ ត្រូវបានផ្សាយនៅល្ងាចថ្ងៃអង្គារ ទី១៧ ខែកុម្ភៈ នៅលើគេហទំព័រ នៃសារព័ត៌មានអង់គ្លេស ហ្គាដៀន ហើយបានធ្វើឲ្យផ្ទុះរឿងអាស្រូវ ឡើងព្រោងព្រាត ទាំងនៅក្នុងប្រទេសបារាំង និងប្រទេសអង់គ្លេស។ ទង្វើនេះ បានបង្ខំឲ្យក្រុមបាល់ទាត់ ឆែលស៊ី ដែលបានមកជួបប្រកួតជាមួយក្រុមប៉ារីស (PSG) នៅយប់ថ្ងៃអង្គារដដែលនោះ ឲ្យចេញមកធ្វើសេចក្ដីថ្លែងការណ៍ ថ្កោលទោសយ៉ាងម៉ឺងម៉ាត់ នូវសកម្មភាព របស់ក្រុមអ្នកគាំទ្ររបស់ខ្លួននេះ។
នៅក្នុងវីដេអូខ្លី ដែលថតដោយ ផូល ណូឡេន (Paul Nolan) ជនជាតិអង់គ្លេស ដែលរស់នៅក្នុងរដ្ឋធានីប៉ារីស គេឃើញអ្នកគាំទ្រក្រុមឆែលស៊ី ច្រើនសិបនាក់ បានហ៊ោរកញ្ជៀវ ខណៈពេលដែលពួកគេ បានឡើងយករថភ្លើងក្រោមដី នៃរដ្ឋធានីរបស់ប្រទេសបារាំង ដើម្បីធ្វើដំណើរចេញពីស្ថានីយ Richelieu-Drouot ឆ្ពោះទៅកាន់ពហុកីឡាដ្ឋាន ដែលមានការប្រកួតបាល់ទាត់ រវាងក្រុមដ៏ល្បីទាំងពីរ។
បុរសស្បែកខ្មៅម្នាក់ [...]