រូប​ចម្លាក់ គ្រឹស្ទៀណូ រ៉ូណាល់ដូ បង្ហាញ​តែ​«លិង្គ»?

បន្ទាប់ពីត្រូវបានសម្ភោធរួច រូបចម្លាក់កំពស់បីម៉ែត្រ របស់កីឡាករអន្តរជាតិ គ្រឹស្ទៀណូ រ៉ូណាល់ដូ (Cristiano Ronaldo) បានបង្កឲ្យមានប្រតិកម្មពេញទាំងបណ្ដាញសង្គម ថារូបចម្លាក់នេះ ចង់បង្ហាញពីលិង្គរបស់កីឡាករ ជៀសជាង​ទេព​កោសល្យ​ក្នុង​កីឡា​បាល់ទាត់។
Loading...
  • ដោយ: ឈូករ័ត្ន អត្ថបទ៖ ឈូករ័ត្ន ( [email protected]) - ប៉ារីស ថ្ងៃទី២២ ធ្នូ ២០១៤
  • កែប្រែចុងក្រោយ: December 22, 2014
  • ប្រធានបទ: តារាបាល់ទាត់
  • អត្ថបទ: មានបញ្ហា?
  • មតិ-យោបល់

ដើម្បីប្រណាំង​ជា​មួយ​កីឡាករ​រៀម​ច្បង ដូច​យ៉ាង អ៊ឺសឺប៊ីយ៉ូ (Eusebio) និង ជ្យែរី ហង់រី (Thierry Henry) ពី​ពេល​នេះ​ត​ទៅ កីឡាករ​ជាតិ​ព័រទុយហ្គាល់ គ្រឹស្ទៀណូ រ៉ូណាល់ដូ ក៏​មាន​រូប​ចម្លាក់​របស់​ខ្លួន​មួយ​ដែរ ធ្វើ​ពី​ស្ពាន់ ដាក់​តាំង​នៅ​លើ​កោះ​ម៉ាដែរ (Madère) ទឹក​ដី​កំណើត​របស់​កីឡាករ ចំ​ពី​មុខ​ពហុ​កីឡាដ្ឋាន Luz du Benfica។

កីឡាករ រ៉ូណាល់ដូ ដែល​មាន​អាយុ​មិន​ទាន់​ទាំង​បាន ៣០​ឆ្នាំ​ស្រួល​បួល​ផង បាន​ទៅ​សម្ភោធ​រូប​ចម្លាក់​របស់​ខ្លួន កាល​ពី​ថ្ងៃ​អាទិត្យ​កន្លង​ទៅ ជា​មួយ​នឹង​សារមន្ទីរ​មួយ ដែល​ឧទ្ទិស​ឲ្យ​កីឡាករ​ដូច​គ្នា។ រូប​ចម្លាក់​នោះ មាន​កំពស់​៣,៤​ម៉ែត្រ មាន​ទំងន់​៨០០​គីឡូក្រាម និង​បាន​បង្ហាញ​ពី​កាយវិការ​របស់​កីឡាករ រ៉ូណាល់ដូ នៅ​ពេល​រៀប​ទាត់​បាល់​ពិន័យ ដែល​កីឡាករ​មិន​សូវ​ជា​ខក​ខាន​ប៉ុន្មាន​ឡើយ។

ប៉ុន្តែកាយវិការឈរជំទែង របស់រួបចម្លាក់នោះ មិនដូចជាកាយវិការទូទៅ សម្រាប់កីឡាបាល់ទាត់ទេ។ ​វិចិត្រករ ដែលសូន្យរូបចម្លាក់នេះ ដូចជាចង់បង្ហាញពីរូបរាងដ៏សង្ហា ប្រកបដោយសាច់ដុំ និងជាពិសេស«លិង្គ»​របស់​កីឡាករ ដែលទល់មកមុខ ខ្លាំងជាងអ្វីផ្សេងទៀត។ ចង់មិនចង់ ប្រតិកម្មបានលេចចេញមកព្រោងព្រាត នៅ​តាម​បណ្ដាសង្គម ទ្វីសធើរ (twitter)។

ប្រិយមិត្តម្នាក់បានសរសេរថា៖ «លិង្គរបស់កីឡាករ គ្រឹស្ទៀណូ រ៉ូណាល់ដូ ក៏មានសិទ្ធិមានរូបចម្លាក់របស់វា ដូចម្ចាស់វាអញ្ចឹងដែរ» ខណៈម្នាក់ទៀតថាសរសេរថា៖ «កីឡាករអន្តរជាតិសប្បាយចិត្តណាស់ ព្រោះរូប​ចម្លាក់​ខ្លួន បានបង្ហាញពីធម្មជាតិជាបុរសដ៏ស៊ិចស៊ីជាងគេ ក្នុងពិភពលោក»។

រីឯកាសែត ឌឺសាន់ (The Sun) របស់​អង់គ្លេសបានសរសេរថា៖ «រ៉ូណាល់ដូ មានមោទនភាពនឹងឈរ​ជិតរូប​ចម្លាក់របស់ខ្លួន ដែលបង្ហាញពីប្រដាប់ដ៏ធំមួយ នៅក្នុងខោខ្លី» ខណៈអ្នកសារព័ត៌មានម្នាក់ទៀត បានសរសេរ​ថា៖ «រូបចម្លាក់របស់ រ៉ូណាល់ដូ បាញ់ចំកណ្ដាលមុខ អ្នកមើលតែម្ដង»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...