Posts tagged as "Hillary Clinton"

ចារកម្ម​អាមេរិក​ថា រ៉ូស្ស៊ី​បាន​ជួយ ដូណាល់ ត្រាំ ឲ្យ​ឈ្នះឆ្នោត

ចារកម្ម​អាមេរិក​ថា រ៉ូស្ស៊ី​បាន​ជួយ ដូណាល់ ត្រាំ ឲ្យ​ឈ្នះឆ្នោត

ការវាយតម្លៃដ៏អាថ៌កំបាំងមួយ របស់ភ្នាក់ងារចារកម្មអាមេរិក ហៅកាត់ថា «CIA» បានឲ្យដឹងថា ប្រទេស​រ៉ូស្ស៊ី​បាន​ជ្រៀត​ជ្រែក ចូលមកក្នុង​ការបោះឆ្នោត​​ប្រធានាធិបតី​អាមេរិក ដើម្បីជួយឲ្យបេក្ខជន មកពី​គណបក្ស​សាធារណរដ្ឋ លោក ដូណាល់ ត្រាំ (Donald Trump) ឈ្នះឆ្នោត។ នេះបើតាម​​របាយការណ៍​លំអិតមួយ ចុះ​ផ្សាយ​​កាល​​ពីថ្ងៃសុក្រនេះ ដោយសារព័ត៌មាន «Washington Post» ដោយបានយកសក្ខីកម្ម ពីការ​វាយ​តម្លៃ​នេះ តាម​រយៈ​អ្នក​​ទទួល​​ខុស​​ត្រូវ​​ច្រើន​​នាក់ នៃស្ថាប័នចារកម្មដ៏ធំ របស់ប្រទេសមហាអំណាច មកបញ្ជាក់។

របាយការណ៍របស់សារព័ត៌មាន ត្រូវបានចេញផ្សាយ បន្ទាប់ពីលោក បារ៉ាក់ អូបាម៉ា (Barack Obama) ប្រធានាធិបតី​​ផុត​តំណែង បានបញ្ជាទៅស្ថាប័ន «CIA» ឲ្យធ្វើរបាយការណ៍​ដ៏ពេញលេញមួយ ទៅលើ​ការ​លួច​ជ្រៀត​ចូល ផ្នែក​ព័ត៌មានវិទ្យា នៅក្នុងអំឡុងពេល ​នៃ​យុទ្ធនាការ​​ឃោសនា​​បោះឆ្នោត ដោយ​សង្កត់ធ្ងន់​​ទៅ​លើ​​ចំងល់​​ធំៗ​ជាច្រើន [...]

ហ៊ីឡារី គ្លីនតុន ត្រឡប់​មក​បកស្រាយ​ព័ត៌មាន​«បំប៉ោង»

ហ៊ីឡារី គ្លីនតុន ត្រឡប់​មក​បកស្រាយ​ព័ត៌មាន​«បំប៉ោង»

អ្នកស្រី ហ៊ីឡារី គ្លីនតុន (Hillary Clinton) បានយកឱកាស នៃការបង្ហាញវត្តមានរបស់អ្នកស្រី នៅក្នុង​កម្មវិធី​ឧទ្ទិស ដល់ការចាកចេញពីតំណែង របស់​សមាជិកព្រឹទ្ធសភា លោក «Harry Reid» ដើម្បីលើកឡើង​ពី​រឿង​រ៉ាវ​មួយ​ចំនួន ដែលអ្នកស្រីអះអាងថា ជាការបំប៉ោង និងបំភ្លៃទាំងស្រុង។ ហើយនេះ គឺការ​បង្ហាញខ្លួន ជា​សាធារណៈ​លើក​ទីពីរ បន្ទាប់ពីអ្នកស្រី បានប្រកាសទទួលស្គាល់បរាជ័យ នៅចំពោះជ័យជំនះរបស់លោក ដូណាល់ ត្រាំ កាល​ពី​ថ្ងៃទី៩ ខែវិច្ឆិកា។

អ្នកស្រីបានថ្លែង បែបកំប្លែងថា៖ «នេះ វាមិនមែនជាសុន្ទរកថា ចេញពីវិមានកាពីតូល (Capitole - ចង់​មាន​ន័យ​ថា ជាសុន្ទរកថា ដែលប្រធានាធិបតី ជាប់​ឆ្នោតថ្មី ត្រូវធ្វើទៅកាន់ប្រជាជាតិ ដំបូងគេបង្អស់ នៅថ្ងៃ​ស្បថ​ចូល​កាន់​តំណែង) ដែលខ្ញុំបានសង្ឃឹមថា នឹងធ្វើវា នៅក្រោយពេលបោះឆ្នោត នោះទេ។ ប៉ុន្តែបន្ទាប់ពីបានធ្វើ "Selfies" នៅក្នុងឧទ្យានសាធារណៈ​ក្បែរផ្ទះ (នាក្រុងញ៉ូយក) អស់ប៉ុន្មានសប្ដាហ៍នោះមក [...]

ក្រុម​ឃោសនា​បោះឆ្នោត​របស់ គ្លីនតុន នឹង​រាប់​សន្លឹក​ឆ្នោត​ជា​ថ្មី

ក្រុម​ឃោសនា​បោះឆ្នោត​របស់ គ្លីនតុន នឹង​រាប់​សន្លឹក​ឆ្នោត​ជា​ថ្មី

គណៈកម្មការរៀបចំការបោះឆ្នោត នៃរដ្ឋវីស្កុនស៊ីន (Wisconsin ស្ថិតនៅភាគខាងជើង នៃសហរដ្ឋ​អាមេរិក) បាន​យល់ព្រម​កាលពីថ្ងៃសុក្រ ថាខ្លួននឹង​រៀបចំ​ឡើងវិញ នូវការរាប់សន្លឹកឆ្នោតទាំងអស់ ដែលពលរដ្ឋ​អាមេរិកាំងនៅក្នុងរដ្ឋនេះ បានសម្ដែងឆន្ទៈរបស់ពួកគេ ក្នុងការជ្រើសរើស​ប្រធានាធិបតី​អាមេរិក កាល​ពី​ថ្ងៃ​ទី៨ ខែវិច្ឆិកាកន្លងទៅ។ តែចំណាត់ការទាំងអស់នេះ ត្រូវបានលោក ដូណាល់ ត្រាំ (Donald Trump) ប្រធានាធិបតី​ទើប​​នឹង​​ជាប់​ឆ្នោត វាយ​តម្លៃ​ថា មានលក្ខណៈ«គួរឲ្យអស់សំណើច»។

អ្នកដែលទាមទារ ឲ្យមានការរាប់សន្លឹកឆ្នោតឡើងវិញនេះ គឺអ្នកស្រី ជីល ស្តាំង (Jill Stein) ដែលជា​បេក្ខនារី​ប្រធានាធិបតី​មួយរូបទៀត មកពី​គណបក្ស​បៃតង (បរិស្ថាននិយម)។ អ្នកស្រីបានពន្យល់ថា អ្នកស្រី​មិន​បាន​ដាក់​ការ​សង្ស័យ ទៅលើជ័យជំនះរបស់លោក ដូណាល់ ត្រាំ នោះទេ ប៉ុន្តែអ្នកស្រី​ចង់​ពិនិត្យ​មើល​ឡើង​វិញ ពី​គុណភាព និង​ប្រសិទ្ធិភាព នៃនីតិវិធីទាំងឡាយ [...]

ត្រាំ បង្ហាញ​​​ពី​​«អាទិភាព​នយោបាយ​»​​ និង​ប្រកាស​មិន​យក​បៀវត្សន៍

ត្រាំ បង្ហាញ​​​ពី​​«អាទិភាព​នយោបាយ​»​​ និង​ប្រកាស​មិន​យក​បៀវត្សន៍

ដើម្បីពន្យល់ពីអ្វី ដែលលោកត្រូវធ្វើជាអាទិភាព បន្ទាប់ពីលោកបានចូលស្បថ ឡើងកាន់​តំណែង​ជា​ប្រធានា​ធិបតី​អាមេរិកនោះ លោក ដូណាល់ ត្រាំ (Donald Trump) ដែលទើបនឹង​ជាប់​ឆ្នោត​ថ្មី​ថ្មោង បាន​ជ្រើសរើស​កម្មវិធី «៦០នាទី» របស់ស្ថានីយទូរទស្សន៍ «CBS» អាមេរិក ដើម្បី​ផ្ដល់​កិច្ច​សម្ភាស​ដំបូង​របស់លោក ក្នុង​ការ​បញ្ចាំង​ផ្សាយ តាមកញ្ចក់ទូរទស្សន៍ ជាសាធារណៈ។

ផ្ទុយពីការសន្យា ដែលលោកបានធ្វើ នៅក្នុងអំឡុងពេល នៃការឃោសនាបោះឆ្នោត លោក ដូណាល់ ត្រាំ បាន​ប្ដូរជំហររបស់លោក នៅក្នុង«អាទិភាពនយោបាយ»របស់លោក នៅពេលនេះ ដូចជា គម្រោង​ថែរក្សា​សុខភាព​សាធារណៈ «Obamacare» របស់​ប្រធានាធិបតី​ផុត​តំណែង លោក បារ៉ាក់ អូបាម៉ា (Barack Obama) និង​មិន​ចាត់​ចំណាត់ការ នៅក្នុងពេលភ្លាមៗនេះ ប្រឆាំង​អ្នកស្រី ហ៊ីឡារី គ្លីនតុន (Hillary Clinton) បេក្ខនារី​គូ​ប្រជែង មកពី​គណបក្ស​ប្រជាធិបតេយ្យ​ទេ។

ច្បាប់ទាក់ទងនឹង «Obamacare» [...]

ហ៊ីឡារី គ្លីនតុន នៅ​មាន​សំណាង​ ដើម្បី​ក្លាយ​ជា​ប្រធានាធិបតី

ហ៊ីឡារី គ្លីនតុន នៅ​មាន​សំណាង​ ដើម្បី​ក្លាយ​ជា​ប្រធានាធិបតី

ប្រសិនជាប្រព័ន្ធបោះឆ្នោតអាមេរិក ឈរនៅលើមូលដ្ឋានសកល បានន័យថា ឈរលើសម្លេង ដែលទទួល​បាន​ដោយ​ផ្ទាល់ ពី​ពលរដ្ឋ​ម្ចាស់ឆ្នោតនោះ អ្នកស្រី ហ៊ីឡារី គ្លីនតុន (Hillary Clinton) នឹងក្លាយជា​ប្រធានាធិបតី​ដោយ​ស្វ័យ​ប្រវត្តិ​ហើយ ព្រោះអ្នកស្រី​ទទួលបាន​សន្លឹកឆ្នោតសរុប នៅទូទាំងប្រទេស ច្រើនជាងលោក ដូណាល់ ត្រាំ (Donald Trump) រហូតដល់ទៅជាង ៥០០ ០០០សម្លេង។

ផ្ទុយទៅវិញ នៅក្នុងលទ្ធផលជាផ្លូវការ លោក ដូណាល់ ត្រាំ មកពីគណបក្សសាធារណរដ្ឋ ទទួលសម្លេងឆ្នោត ដែលគិតជា តំណាង​ម្ចាស់​ឆ្នោត (ឬហៅម្យ៉ាងទៀត តំណាងរាស្ត្រប្រចាំមណ្ឌល) បាន២៩០តំណាងម្ចាស់ឆ្នោត  ទល់នឹងអ្នកស្រី ហ៊ីឡារី គ្លីនតុន ដែល​ទទួល​បាន​ត្រឹមតែ ២២៨តំណាងម្ចាស់ឆ្នោតប៉ុណ្ណោះ។ នោះ ព្រោះ​តែ​ប្រព័ន្ធ​បោះឆ្នោត ជ្រើសតាំងប្រធានាធិបតី របស់ប្រទេសមហាអំណាច ធ្វើឡើង​តាម​មូលដ្ឋាន «អសកល» ឬ​«ដោយ​មិន​ផ្ទាល់»។

យ៉ាងណា បេក្ខនារីមកពីគណបក្សប្រជាធិបតេយ្យ អាចនៅមានសំណាង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...