ធនាគារពិភពលោកឲ្យកម្ពុជាខ្ចីប្រាក់ជាថ្មី ចំនួន១៣០លានដុល្លារ
ទឹកប្រាក់ចំនួន ១៣០លានដុល្លារ សម្រាប់គម្រោងចំនួនបួន ត្រូវបានធនាគារពិភពលោក (The World Bank) យល់ព្រមឲ្យកម្ពុជាខ្ចីជាថ្មី កាលពីយប់ថ្ងៃព្រហស្បត្តិ៍ បន្ទាប់ពីស្ថាប័នពិភពលោកមួយនេះ បានបង្កករាលកម្ចីទាំងឡាយ សម្រាប់ប្រទេសកម្ពុជា រាប់តាំងពីឆ្នាំ២០១១មក ដោយហេតុការបណ្ដេញពលរដ្ឋច្រើនពាន់គ្រួសារ ឲ្យចេញពីទីលំនៅដីធ្លីរបស់ពួកគេ ពីសំណាក់អាជ្ញាធរកម្ពុជា។
នៅឆ្នាំ២០១១ ស្ថាប័នពិភពលោកមួយនេះ បានបែរខ្នងដាក់រដ្ឋាភិបាលលោក ហ៊ុន សែន និងបានបង្កករាល់កម្ចីទាំងអស់ ដើម្បីជំទាស់ទៅនឹងវិធានការទាំងឡាយរបស់រដ្ឋាភិបាល ដែលបានបណ្ដេញពលរដ្ឋប្រមាណជា ៣០០០គ្រួសារ ចេញពីតំបន់បឹងកក់ កណ្ដាលរាជធានីភ្នំពេញ។
សេចក្ដីប្រកាសព័ត៌មានមួយ ពីធនាគារពិភពលោក ដែលមានមូលដ្ឋានកណ្ដាល នៅរដ្ឋធានីវ៉ាស៊ីនតោន បានសរសេរថា ទឹកប្រាក់ទាំង១៣០លានដុល្លារនោះ មាននៅក្នុងបួនគម្រោង ដែលជាគម្រោង [...]
