រន្ទះ​បាញ់​កីឡាករ​បាល់​ទាត់​មួយ​រូប ពេល​កំពុង​ប្រកួត នៅ​ប៉េរូ

ពាក់កណ្ដាលម៉ោងលើកទីពីរ នៃការប្រកួតដំណ្ដើមពានរង្វាន់ជើងឯក នៅប្រទេសប៉េរូ ហៀបនឹងចាប់ផ្ដើម ស្រាប់​តែ​ងាក​ទៅ​ម្ខាង គេឃើញកីឡាករ ចូអៅ កុងត្រេរ៉ាស (Joao Contreras) ដួលបះជើងច្រូង។ កីឡាករបានត្រូវរន្ទះបាញ់ នៅនឹង​កណ្ដាល​ទីលាន​ប្រកួត។
កីឡាករ ចូអៅ ត្រូវបានក្រុមអ្នកជួយសង្គ្រោះ បញ្ជូនចេញពីទីលាន។ (រូបថតទ្វីសធើរ)
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី១០ ធ្នូ ២០១៤
  • កែប្រែចុងក្រោយ: December 10, 2014
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

រូបភាពដែលត្រូវ​បាន​បង្ហោះ​តាម​បណ្ដាញ​សង្កម និង​បណ្ដាញ​ចែក​ផ្សាយ​វីដេអូ យូធូប បាន​ធ្វើ​ឲ្យ​«ព្រឺ»​ដល់​ឆ្អឹង​ខ្នង ទៅ​គ្រប់​កីឡាករ​ទាំង​ឡាយ​ដែល​ប្រកប​វិជ្ជា​ជីវះ​របស់​ខ្លួន នៅ​កណ្ដាល​វាល​ដូច្នេះ។ កីឡាករ ចូអៅ កុងត្រេរ៉ាស ដែល​រង​គ្រោះ​នឹង​រន្ទះ​បាញ់​នេះ នៅ​រួច​រស់​មាន​ជីវិត តែ​ស្ថិត​ក្នុង​សភាព​ធ្ងន់ធ្ងរ​នៅ​ឡើយ។

នៅពេលដែលកីឡាករ​ទាំង​អស់​នៃ ក្រុម Sport Aguila និង Union Fuerza ត្រឡប់​ចូល​មក​បើក​ការ​ប្រកួត នៅ​វគ្គ​ពាក់​កណ្ដាល​ម៉ោង​ទី​ពីរ ហើយ​អាជ្ញា​កណ្ដាល​ហៀប​នឹង​ផ្លុំ​កញ្ចែ​បើក​ការ​ប្រកួត​ទៅ​ហើយ ស្រាប់​តែ​រន្ទះ​បាន​បាញ់​ផាំង នៅ​កណ្ដាល​ទីលាន ចំ​កីឡាករ ចូអៅ កុងត្រេរ៉ាស អាយុ​២១​ឆ្នាំ បណ្ដាល​ឲ្យ​កីឡាករ​រូប​នេះ ដួល​សន្លប់​ភ្លាមៗ​នៅ​នឹង​កន្លែង។

នៅក្នុងវីដេអូខាងក្រោម ដែលត្រូវបានបង្ហោះនៅថ្ងៃទី ០៩ ខែធ្នូ ឆ្នាំ២០១៤នេះ ជាដំបូងយើងឭសូរសម្លេង​រន្ទះ​បានផ្ទុះឡើង បន្ទាប់មកនៅផ្នែកខាងឆ្វេងនៃវីដេអូ យើងឃើញមានផ្សែងបានហុយឡើង ខណៈពេលដែល​កីឡាករ ចូអៅ បានដួលដេកនៅលើដី។

កីឡាករទាំងអស់ បានរត់សំដៅរកកន្លែងសុវត្ថិភាព តែកីឡាករមួយចំនួន បានរត់ទៅរក ចូអៅ ដើម្បីជួយ​សង្គ្រោះ។ កីឡាកររងគ្រោះ ត្រូវបានក្រុមគ្រូពេទ្យដឹកទៅមន្ទីរពេទ្យជាបន្ទាន់។ នៅយប់ថ្ងៃនោះ ពាក្យចចាម​អារាម បានទម្លាយឲ្យដឹងថា កីឡាករបានលាចាកលោកទៅហើយ តែក្រុមគ្រួសារបានចេញមកបដិសេធ។ គេហទំព័រ លីបេរ៉ូ (Libero) បានរាយការណ៍ថា កុងត្រេរ៉ាស នៅមានជីវិតនៅឡើយ តែបានរងរបួសយ៉ាង​ធ្ងន់ធ្ងរ នៅលើជើងទាំងគូរ ជាមួយនឹងស្ថានភាពនឹងនរ មិនចុះខ្សោយ។

ក្នុងពេលជាមួយគ្នានោះ រន្ទះមិនត្រឹមតែបានបាញ់ ចូអៅ កុងត្រេរ៉ាស តែម្នាក់ប៉ុណ្ណោះទេ តែបានធ្វើឲ្យរបួស​អាជ្ញាកណ្ដាល នៅស្លាប និងសមាជិកបម្រើការម្នាក់ទៀត ដែលបានស្ថិតនៅក្បែរកីឡាករដែរ។ ប៉ុន្តែអ្នកទាំង​ពីរ មិនមានសភាពធ្ងន់ធ្ងរដូច ចូអៅ កុងត្រេរ៉ាស ឡើយ។

កាលពីឆ្នាំ២០១១ ករណីដូចគ្នាធ្លាប់បានកើតម្ដងដែរ នៅក្នុងប្រទេសកូឡំប៊ី ដោយធ្វើឲ្យកីឡាករមិនតិច​ជាង​៧នាក់ បានរងគ្រោះនឹងរន្ទះ នៅកណ្ដាលការប្រកួត៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...