កីឡាករ គ្រីស្ទៀណូ រ៉ូណាល់ដូ (Cristiano Ronaldo) បានក្លាយជាកីឡាករទី៤ នៅក្នុងប្រវត្តិបាល់ទាត់ពិភពលោក បួនជំនាន់ជាប់ៗគ្នា (មិនមែន៤ជំនាន់ចុងក្រោយទេ) បន្ទាប់ពីរកគ្រាប់បាន ៣គ្រាប់តែឯង នៅក្នុងការប្រកួតរវាង ក្រុមជម្រើសជាតិ ព័រទុយហ្គាល់ និងក្រុម អេស្ប៉ាញ ក្នុងយប់ថ្ងៃសុក្រ ទី១៥ ខែមិថុនា ឆ្នាំ២០១៨នេះ ដែលជាការប្រកួតមួយ ដែលត្រូវបានចាត់ទុក ថាជាការប្រកួត រវាងក្រុមយក្សទាំងពីរ (ក្រុម ព័រទុយហ្គាល់ ទើបនឹងឈ្នះជាជើងឯកអ៊ឺរ៉ុប ឆ្នាំ២០១៦ ខណៈក្រុមអេស្ប៉ាញ បានឈ្នះ ជាជើងឯកពិភពលោក ជាច្រើនដង)។

កីឡាករបីរូបទៀត ដែលឈរនៅខាងមុខ កីឡាករ រ៉ូណាល់ដូ មាន

១) កីឡាករអាល្លឺម៉ង់ «Miroslav Klose» រកបាន១៦គ្រាប់ (ក្នុងបាល់ទាត់ពិភពលោក ឆ្នាំ ២០០២ - ២០០៦ - ២០១០ និង ២០១៤)

២) កីឡាករប្រេស៊ីល «Pelé» រកបាន១២គ្រាប់ (ក្នុងបាល់ទាត់ពិភពលោក ឆ្នាំ ១៩៥៨ - ១៩៦២ - ១៩៦៦ និង ១៩៧០)

៣) កីឡាករអាល្លឺម៉ង់ «Uwe Seeler» រកបាន៩គ្រាប់ (ក្នុងបាល់ទាត់ពិភពលោក ឆ្នាំ ១៩៥៨ - ១៩៦២ - ១៩៦៦ និង ១៩៧០)

» វីដេអូសង្ខេប នៃការប្រកួតរវាងក្រុម ព័រទុយហ្គាល់ និងក្រុម អេស្ប៉ាញ៖

ចំពោះកីឡាករ រ៉ូណាល់ដូ វិញ រកបានតែត្រឹមតែ ៦គ្រាប់ប៉ុណ្ណោះ មកទល់ការប្រកួតឆ្នាំនេះ (ឆ្នាំ២០០៦ បាន១គ្រាប់ - ២០១០ បាន១គ្រាប់ - ២០១៤ បាន១គ្រាប់ និងឆ្នាំ២០១៨ បានបីគ្រាប់។ តែព្រឹត្តិការណ៍បាល់ទាត់ពិភពលោក ឆ្នាំ២០១៨នេះ ទើបតែចាប់ផ្ដើមនៅឡើយទេ។ បានសេចក្ដីថា ចំណាត់ថ្នាក់ខាងលើ អាចផ្លាស់ប្ដូរ នៅពេលខាងមុខ ជាពិសេសនៅក្រោយការប្រកួត រវាងក្រុមព័រទុយហ្គាល់ ជាមួយក្រុមណាផ្សេងនោះ។

ខាងក្រោមនេះ ជាចំណាត់ថ្នាក់ របស់ពូល B បន្ទាប់ពីការប្រកួត រវាងក្រុមយកទាំងពីររួច។ ការប្រកួតលើកមុន របស់ក្រុម ម៉ារ៉ុក និងក្រុម អៀរ៉ង់ បានបញ្ចប់ទៅ ដោយក្រុម អៀរ៉ង់ ឈ្នះក្រុម ម៉ារ៉ុក នៅនាទីចុងក្រោយបំផុត។