ក្នុងការប្រកួតជុំទីមួយ នៃពូល C ក្រុមជម្រើសជាតិបារាំង រកបានជ័យជំនះយ៉ាងពិបាក ទល់នឹងក្រុមអូស្ត្រាលី ដែលផ្ដុំគ្នាការពារ និងវាយសម្រុក ប្រកបដោយវិន័យ និងបច្ចេកទេសដ៏ល្អ។

គ្រាប់បាល់ទាំងពីរគ្រាប់ ដែលក្រុមបារាំងរកបាននោះ មានគ្រាប់ទី១ (នៅនាទីទី៥៨) ជាគ្រាប់បាល់ពិន័យ ១១ម៉ែត្រ របស់កីឡាករ អង់ទ័ន គ្រីស្មាន (Antoine Griezmann) បន្ទាប់ពីអាជ្ញាកណ្ដាលបានទស្សនារូបភាព របស់អាជ្ញាកណ្ដាលវីដេអូរួច ខណៈគ្រាប់ទីពីរ (នៅនាទីទី ៨១) ជាបាល់របស់កីឡាករ ប៉ូល ប៉ូកបា (Paul Pogba) ដែលមិនមែន​ជាគ្រាប់បាល់ច្បាស់លាស់ និងត្រូវបានបង្វែង ដោយខ្សែការពារអូស្ត្រាលី។

រីឯមួយគ្រាប់ (នៅនាទីទី ៦១) របស់ក្រុមអូស្ត្រាលីវិញ ជាបាល់ពិន័យ នៅចំពោះកំហុស​របស់ខ្សែការពារបារាំង កីឡាករ សាម៉ុយអែល អ៊ូមទីទី (Samuel Umtiti) ដែលលោតឡើង ហើយលើកដៃរបស់ខ្លួន ទៅប៉ះបាល់ នៅក្នុងតំបន់គ្រោះថ្នាក់។ កំហុសនេះ បង្ហាញថាក្រុមបារាំង មានខ្សែការពារខ្សោយ មិនស៊ីចង្វាក់ ស្របគ្នានឹងខ្សែប្រយុទ្ធ ដែលនៅស្ទើ...

» វីដេអូសង្ខេប នៃការប្រកួតរវាងក្រុម បារាំង និងក្រុម អូស្ត្រាលី៖

គេត្រូវនិយាយដែរថា កីឡាករភាគច្រើន របស់បារាំង សុទ្ធសឹងមានវ័យក្មេងៗ និងកីឡាករខ្លះ មិនទាំងដែលស្គាល់ បាល់ទាត់ពិភពលោក ពីមុនមកផងទេ បើទោះជាកីឡាករទាំងនោះ កំពុងទាត់ឲ្យក្រុមធំៗ នៅអ៊ឺរ៉ុបក៏ដោយ។​ យ៉ាងណា នៅពេលនេះ ក្រុមជម្រើសជាតិបារាំង ទទួលបានបីពិន្ទុ និងឡើងមកនៅលើកំពូលតារាង នៃពូល C ដោយនៅរង់ចាំការប្រកួតរវាងក្រុម ប៉េរូ និងក្រុម ដាណឺម៉ាក នៅប៉ុន្មានម៉ោងខាងមុខនេះ៕