ទស្សនិកជនសេណេហ្គាល់ទាំងនេះ បោសសំអាតមុនចាកចេញពីកីឡដ្ឋាន
- ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី២០ មិថុនា ២០១៨
- កែប្រែចុងក្រោយ: June 20, 2018
- ប្រធានបទ: បាល់ទាត់ពិភពលោក
- អត្ថបទ: មានបញ្ហា?
- មតិ-យោបល់
-
ក្រុមកីឡាករ របស់ក្រុមជម្រើសជាតិ សេណេហ្គាល់ មិនទទួលបានចំណាប់អារម្មណ៍តែឯង ដោយសារជ័យជំនះរបស់ក្រុមខ្លួន (២-១) ក្នុងការប្រកួតជុំដំបូង ជាមួយនឹងក្រុម ប៉ូឡូញ កាលពីល្ងាចថ្ងៃអង្គារ ក្នុងកីឡដ្ឋាន «Spartak Stadium» នៃរដ្ឋធានីម៉ូស្គូ នោះទេ។
ប៉ុន្តែ ក្រុមអ្នកគាំទ្រក្រុមជម្រើសជាតិ សេណេហ្គាល់ ដែលហៅខ្លួនឯងថា «Le 12ème Gaïndé» ក៏បានបង្កើតចំណាប់អារម្មណ៍ សម្រាប់ពិភពលោកទាំងមូលដែរ។ នោះ គឺទស្សនិកជន មកពីក្រុម «Le 12ème Gaïndé» បានយកពេលវេលា នៅក្រោយការប្រកួត ដើម្បីបោសសំអាត ទីកន្លែងដែលក្រុមខ្លួន បានអង្គុយ (ឬឈរ) នៅក្នុងកីឡដ្ឋាន ជាជាងការចាកចេញ ដូចទស្សនិកជនផ្សេងទៀត។
កាយវិការនេះ ត្រូវបានកោតសរសើរជាទូទៅ នៅលើបណ្ដាញសង្គម។ អ្នកប្រើប្រាស់បណ្ដាញសង្គមជាច្រើន បានលើកឡើងថា៖ «ជារឿងដ៏ល្អបំផុត ដែលអ្នកឯងបានមើលឃើញ នៅថ្ងៃនេះ»។
This is my favorite thing today - Senegal fans stayed to clean their section after celebrating their #WorldCup win against Poland pic.twitter.com/GSZSpmcH0h
— Brody Logan (@BrodyLogan) 20 juin 2018
អ្នកគាំទ្រក្រុមជប៉ុន ក៏បានធ្វើទង្វើដូចគ្នានេះ នៅក្រោយការប្រកួត រវាងក្រុម ជប៉ុន និងក្រុម កូឡំប៊ី ដែលប្រព្រឹត្តិទៅ មុនការប្រកួតរវាងក្រុម ប៉ូឡូញ និងក្រុម សេណេហ្គាល់ (ពូល H តែមួយ) ដែរ។
— euseandrade (@euseca) 19 juin 2018