នគរបាលបាញ់បាតុករស្លាប់ នៅនេប៉ាល់
ក្រុមបាតុករទាំងនោះ សុទ្ធសឹងជាបណ្ដាជន ម៉ាដេស៊ី (Madhesi) ជនជាតិភាគតិចមួយ ក្នុងចំណោមជនជាតិភាគតិចជាច្រើន ដែលមានការបារម្ភថា ច្បាប់កំពូលដែលបានអនុម័ត្រថ្មី នឹងធ្វើការគៀបសង្កត់ ដោយស្របច្បាប់ទៅលើពួកគេ។ ច្បាប់រដ្ឋធម្មនុញ្ញថ្មី ដែលបានបែងចែកប្រទេសនេប៉ាល់ ទៅជា៧តំបន់ផ្សេងគ្នា ហើយអាចនឹងធ្វើឲ្យចំនួនតំណាងរាស្ត្រ នៅរដ្ឋសភាជាតិ មានការថយចុះ។ នេះបើតាមការផ្សាយឲ្យដឹង របស់ទីភ្នាក់ងារសារព័ត៌មានបារាំង អាអេហ្វប៉េ (AFP)។
រលកបាតុកម្មជាថ្មីនេះ បានធ្វើឡើងប្រឆាំងនឹងច្បាប់អាជ្ញាសិក ដែលបានដាក់ឲ្យដំណើរការ បន្ទាប់ពីអំពើហិង្សាជាច្រើន បានកើតឡើងនៅក្នុងសប្ដាហ៍ចុងក្រោយនេះ រវាងកងកម្លាំងអាជ្ញាធរ និងក្រុមបាតុករ នៃបណ្ដាជនភាគតិច ម៉ាដេស៊ី និង ថារូ (Tharu)។ អំពើហិង្សាក្នុងពេលកន្លងមក បានធ្វើឲ្យមនុស្ស៤០នាក់ បាត់បង់ជីវិត នៅទូទាំងប្រទេស។
នាយនគរបាលប្រចាំតំបន់ បានថ្លែងប្រាប់ទីភ្នាក់ងារ [...]
