វិបត្តិនៅស៊ីរី៖ អន្តរាគមន៍យោធារបស់បស្ចឹមលោកត្រៀមបើកធ្វើ តែដាម៉ាសត្រៀមតបវិញ
អន្តរាគមន៍យោធារបស់បស្ចឹមលោក ប្រឆាំងនឹងរបបក្រុងដាម៉ាស ដែលរងការចោទប្រកាន់ ពីការប្រើប្រាស់អាវុធគីមីដាក់ក្រុមអ្នកងើបបះបោរ ទំនងជានឺងអាចធ្វើក្នុងពេលឆាប់ៗនេះ។ សហរដ្ឋអាមេរិកនិងសម្ព័ន្ធភាពរបស់ខ្លួន បានត្រៀមលក្ខណៈរួចជាស្រេច ដើម្បីបើកការវាយប្រហារទៅលើចំណុចសំខាន់មួយចំនួន ដែលក្រុងដាម៉ាស បានឆ្លើយតបវិញថា ខ្លួនក៏បានត្រៀមការពារខ្លួនចាំទប់ទល់ដែរ។
នាវាយក្សផ្ទុកយន្ដហោះចម្បាំង ឆាល ឌឺហ្គោល របស់បារាំងត្រៀមខ្លួនចេញទៅស៊ីរី។ (រូបថត ឯកសារមនោរម្យព័ងអាំងហ្វូ)
អ្នកនាំពាក្យសេតវិមាន លោក ជេ កាណី (Jay Carney) បានថ្លែងនៅថ្ងៃអង្គារទី២៧ខែសីហានេះថា នឹងមានការផ្សព្វផ្សាយនូវរបាយការណ៍ពត៌មានមួយ ដែលបញ្ជាក់ឲ្យដឹង ពីរបបដឹកនាំប្រទេសស៊ីរីសព្វថ្ងៃ ជាអ្នកទទួលខុសត្រូវ ក្នុងការប្រើប្រាស់អាវុធគីមី [...]