Posts in ‘សម្រាំងជាខេមរភាសា’ Category

ជន​រង​គ្រោះ​ដែល​បាន​ស្លាប់​បាត់បង់​ជីវិត​ឈ្មោះ សៅ ផានិត ភេទ​ប្រុស​អាយុ ២៧ រស់​នៅ​ភូមិ ប៉ប្រក់ សង្កាត់​កាកាប ខណ្ឌ​ពោធ៍​សែន​ជ័យ រាជធានី​ភ្នំពេញ។ ហេតុការណ៍​បុក​គ្នា​នេះ បាន​កើត​ឡើង​រវាង​ម៉ូតូ​និង​ឡាន នៅ​វេលា​ម៉ោង​១១​និង​១៥​នាទី យប់​ថ្ងៃ​ទី១៣ ឈាន​ចូល​ថ្ងៃ​ទី១៤ ខែ​មករា ឆ្នាំ​២០១៥ នៅ​ត្រង់​ចំនុច​ផ្សារ​ដើម​គ ស្ថិត​ក្នុង សង្កាត់​ផ្សារ​ដើម​គ ខណ្ឌ​ទួលគោក រាជធានី​ភ្នំពេញ។

សាក្សី​នៅ​កន្លែង​កើត​ហេតុ លោក ធៀម អ្នក​រត់​ម៉ូតូ​ឌុប​នៅ​ម្តុំ​ផ្សារ​ដើម​គ​នោះ បាន​និយាយ​ថា លោក​បាន​ឃើញ​ឡាន​ស៊ិនទ្រី គ្មាន​ផ្លាក​លេខ​តែ​មាន​លេខ​រៀង​សម្គាល់​១៣៨ បើក​បរ​ពី​កើត​ទៅ​លិច ក្នុង​ល្បឿន​លឿន ឯ​ម៉ូតូ​ជន​រង​គ្រោះ​ម៉ាក​ស៊ុយសាគីវីវា ពណ៌ស លាយ​ខ្មៅ ផ្លាក​លេខ​ភ្នំពេញ AC-៩៩៦៧ បើក​បរ​ពី​ជើង​ទៅ​ត្បូង ក្នុង​ល្បឿន​លឿន​ដូច​គ្នា មក​ដល់​ស្តុប​ផ្សារ​ដើម​គ​បាន​បុក​គ្នា​ពេញ​ទំហឹង ដោយ​ម៉ូតូ​ជន​រង​គ្រោះ​បាន​ចូល​នៅ​ក្រោម​ឡាន។ [...]

តារា​សម្តែង​ម៉ិចស៊ិចកូ ដែល​គេ​ទើប​នឹង​ប្រទះ​ឃើញ​សាក​សព​នៅ​ក្នុង​ទឹក មាន​ឈ្មោះ​ថា កាមិន យ៉ារីរ៉ា ណូរីកា អេស្ពាហ្សា (Carmen Yarira Noriega Esparza) អាយុ ២៧ ឆ្នាំ។ នាង​បាន​បាត់​ខ្លួន​ចុង​ក្រោយ​នៅ​ខែ​កុម្ភៈ កាល​ពី​ឆ្នាំ​មុន។ នាង អេស្ពាហ្សា ធ្លាប់​ជា​និស្សិត ដែល​បាន​​បញ្ចប់​ការ​សិក្សា​ផ្នែក​ចិត្ត​វិទ្យា​រួច​ហើយ។

ការរក​ឃើញ​សាក​សព​របស់​នាង អេស្ពាហ្សា បាន​ធ្វើ​មិត្ត​ភក្តិ និង​ក្រុម​គ្រួសារ​របស់​នាង មាន​ការ​ភ្ញាក់​ផ្អើល​យ៉ាង​ខ្លាំង ព្រោះ​កន្លង​មក​ទាំង​មិត្ត​ភក្តិ ក៏​ដូច​ជា​ក្រុម​គ្រួសារ​របស់​នាង មាន​ការ​បារម្ភ​និង​ភ័យ​ខ្លាច​ថា នាង​ត្រូវ​បាន​គេ​ចាប់​ជំរិត ដោយ​ក្រុម​ឈ្មួញ​ជួញ​ដូរ​មនុស្ស យក​នាង​ទៅ​លក់ ធ្វើ​ជា​ទាសករ​ផ្លូវ​ភេទ ហើយ​ពួក​គេ​តែង​តែ​ធ្វើការ​ប្រកាស​រក​នាង។

មិនមែនមានតែញាតិមិត្តរបស់តារាស្ត្រីប៉ុណ្ណោះទេ ប៉ុន្តែការភ្ញាក់ផ្អើល ក៏បានកើតមានយ៉ាងខ្លាំងដែរ [...]

បន្ទាប់​ពី​គណៈកម្មការ​ទី​១ នៃ​រដ្ឋសភា បាន​ស្នើ​ទៅ​សហគមន៍​ឡ​ពាង ដែល​មាន​ជំលោះ​ដី​ធ្លី​សេស​សល់ ជាមួយក្រុមហ៊ុន KDC ឲ្យបញ្ជាក់ពីគោលជំហរ​ឲ្យ​បាន​ច្បាស់​លាស់ ពាក់​ព័ន្ធ​ទៅ​នឹង​ការ​ទាមទារ​សំណង ដែល​ពួក​គេ​ចង់​បាន អ្នក​ស្រី អ៊ំ សុភី តំណាង​សហគមន៍​ខាង​លើ​នេះ បាន​ធ្វើការ​ពិភាក្សា​យ៉ាង​ហ្មត់​ចត់ ជា​មួយ​នឹង​សហគមន៍ដែល​មាន​ប្រមាណ​ជា ១៦គ្រួសារ ថា​នឹង​កំណត់​តម្លៃ​ដី ដែល​ក្រុមហ៊ុន​រំលោភ​យក​នោះ ក្នុង​មួយ​ហិចតា ២ម៉ឺនដុល្លា។

តួរលេខនេះ អ្នក​ស្រី អ៊ុំ សុភី បាន​ប្រាប់​ទស្សនាវដ្តី​មនោរម្យ.អាំងហ្វូថា ប្រសិន​បើ​ក្រុមហ៊ុន​យល់​ព្រម​ផ្តល់​សំណង ជា​លុយ​ឲ្យ​ពួក​គាត់ ដោយ​គ្រាន់​តែ​សុំបញ្ចុះ​ថ្លៃ​សំណង​ក្រោម ២​ម៉ឺន​ដុល្លា​បន្តិច​បន្តួច​នោះ ពួក​គាត់​នឹង​យក​ទៅ​ពិចារណា​គ្នា​បន្ត​ទៀត ពោល​គឺ​តួរ​លេខ​នេះ​នៅ​អាច​ចរចា​គ្នា​បាន។ ប៉ុន្តែ​ប្រសិន​ជា​ក្រុមហ៊ុន​មិន​ព្រម ផ្តល់​ជា​សំណង​នេះ​មក​ឲ្យ​ពួក​គាត់​នោះ​ទេ [...]

ជំនួប​ជា​ថ្មី របស់​គណបក្ស​ទាំង​ពីរ ក្នុង​ការ​បន្ត​ជជែក​ពិភាក្សា​សេចក្តី​ព្រាង​ច្បាប់ ស្តី​ពី​ការ​បោះ​ឆ្នោត​ជ្រើស​តាំង​តំណាង​រាស្រ្ត ហាក់​មាន​ភាព​ប្រទាំង​ប្រទើស​គ្នា កាន់​តែ​ខ្លាំង ព្រោះ​តែ​ភាព​«អវិជ្ជមាន» ច្រើន​ជាង​«វិជ្ជមាន»​នៃ​លទ្ធផល​ក្រោយ​ជំនួប​ម្តងៗ​នោះ។

តំណាង​ក្រុម​ការងារ​នៃ​គណបក្ស​សង្គ្រោះ​ជាតិ លោក គួយ ប៊ុនរឿន បាន​លើក​ឡើង​ថា លោក​បាន​ស្នើ​ឲ្យ​គណបក្ស​ប្រជាជន​កម្ពុជា ធ្វើការ​ពិចារណា​ឡើង​វិញ ពាក់​ព័ន្ធ​និង​វត្តមាន​នៃ​កង​កម្លាំង​ប្រដាប់​អាវុធ ដែល​អាច​ចូល​រួម​ក្នុង​​ការ​ឃោសនា​នោះ។

ការថ្លែងខាងលើរបស់លោក គួយ ប៊ុនរឿន បានធ្វើឡើង នៅក្នុងកិច្ចសម្ភាសជាមួយនឹងក្រុមអ្នក​សារព័ត៌មាន កាល​ពីរសៀលថ្ងៃទី១២ ខែមករា ឆ្នាំ២០១៥ នាវិមានរដ្ឋសភា។ តំណាងគណបក្សប្រឆាំងរូបនេះ បានពន្យល់​ថា គណបក្សរបស់លោកមិនជំទាស់ នឹងការចូលរួមនៃកងកម្លាំងទាំងនោះទេ តែយ៉ាងណាត្រូវធ្វើការបែងចែក​ឲ្យដាច់ពីគ្នា [...]

ក្រោយ​ពី​ផ្ទុះ​រឿង​អាស្រូវ នៃ​ការ​ធ្វើ​ទារុណ​កម្ម​​ចាប់​ជ្រមុជ​ក្នុង​ពាង​ទឹក​ស្អុយ ស្ទើរ​ស្លាប់​ស្ទើ​រស់ កាល​ពី​ថ្ងៃ​ទី ២៨ ខែ​សីហា ឆ្នាំ២០១៤​នោះ​មក កុមារ ម៉ុន វាសនា ដែល​ជាជន​រង​គ្រោះ​នៅ​ក្នុង​​រឿង​នេះ និង​កើត​ក្នុង​គ្រួសារ​ក្រី​ក្រ មាន​បង​ប្អូន ៦នាក់ និង​មាន​ឪពុក​ម្តាយ ជា​អ្នក​ផ្ទុក​មេរោគ​អេដស៍​ទៀត​ផង​នោះ ត្រូវ​បាន​នាយក​សាលា​អន្តរជាតិ ហ្វ្រេដហ្វត ជួយ​ឧបត្ថម្ភ និង​នាំ​ក្មេង​ប្រុស​ម្នាក់​នេះ មក​រៀន​នៅ​រាជធានី​ភ្នំពេញ និង​ថែម​ទាំង​មាន​បំណង ចង់​ឱ្យ​ទៅ​បន្ត​ការ​សិក្សា​ជំនាញ​វិស្វករ​គ្រឿង​ម៉ាស៊ីន នៅ​ប្រទេស​ចិន និង​ជប៉ុន​ទៀត។

ប៉ុន្តែ​ក្តី​បំណង​របស់​ម្ចាស់​ជំនួយ និង​ការ​រំពឹង​ទុក​របស់​មហាជន​ហាក់​ខក​បំណង ដោយ​សារ​តែ​កុមារា​ដែល​មាន​ស្រុក​កំណើត​នៅ​ស្រុក​ពារាំង ខេត្ត​ព្រៃ​វែង​រូប​នេះ មិន​អាច​ទទួល​យក​ការ​រស់​នៅ​បែប​ថ្មី និង​ការ​សិក្សា​ដែល​ម្ចាស់​ជំនួយ​បាន​រៀបចំ​ទុក​ឱ្យ​បាន។