Posts in ‘សម្រាំងជាខេមរភាសា’ Category

បើគ្រាន់តែលឺឈ្មោះ ម៉ែរី ឃេ និង វីលី ហ្វូឡាអូ លោកអ្នកប្រហែលជា មិនចាប់អារម្មណ៍ទេ។ ប៉ុន្តែសម្រាប់អ្នករស់នៅ ក្នុង​ប្រទេសអាមេរិក ឬនៅទ្វីបអ៊ឹរ៉ុបខាងលិច ប្រាកដជាបានដឹង ពីការចេញផ្សាយ ដ៏ភ្ញាក់ផ្អើល នៅតាមសារព័ត៌មាននានា ក្នុង​​ឆ្នាំ​១៩៩៧ ស្ដីពីហេតុការណ៍ ដ៏ហួសចិត្តមួយ។ នោះគឺអ្នកគ្រូរូបនេះ សាស្ត្រាចារ្យនៃសាលារៀនមួយ ក្នុងក្រុង​សៀតថល (Seattle) សហរដ្ឋអាមេរិក ត្រូវបានផ្តន្ទាទោស ពីបទមានទំនាក់ទំនងផ្លូវភេទ ជាមួយកូនសិស្សខ្លួនឯង ដែល​នៅ​ជា​កុមារ​​ក្មេង​​ខ្ចី​នៅ​ឡើយ។

ប៉ុន្តែ នៅ២០ឆ្នាំក្រោយមក ប្រវត្តិស្នេហ៍ដ៏គួរឲ្យហួសចិត្ត របស់អ្នកទាំងពីរ បានក្លាយជារឿងមួយ ដែលអស្ចារ្យ​រក​ទី​បំផុត​គ្មាន។ នៅក្នុងកញ្ចក់ទូរទស្សន៍ ABC កាលពីពេលថ្មីៗនេះ អ្នកទាំងពីរបានចូលខ្លួន មកផ្ដល់កិច្ចសម្ភាសយ៉ាងលំអិត ពី​ប្រវត្តិ​ស្នេហ៍​នឹក​ស្មានមិនដល់ របស់ពួកគេ។

ពួកគេបានចាប់ផ្ដើមនិយាយសារឡើងវិញ ដោយបានរៀបរាប់ តាំងពីឆ្នាំ១៩៩៦ [...]

ប្រសិនបើ ជនភៀសខ្លួនបានធ្វើចំណាកស្រុក អ្នកទាំងនោះ សុទ្ធតែចង់ស្វែង រកលក្ខខ័ណ្ឌជីវិតដ៏ល្អ នៅប្រទេស​ណា​មួយ ដែលរីកចម្រើន ឬប្រសើរជាប្រទេសកំណើតខ្លួន។ ប៉ុន្តែសម្រាប់ប្រទេសអូស្ត្រាលី ដែលល្បីល្បាញ ខាងការ​គោរព​សិទ្ធិមនុស្ស និងសម្បូរទៅដោយជនភៀសខ្លួន ទៅសុំការជ្រកកោននោះ មិនបានគិតដូច្នោះទេ។ តែផ្ទុយទៅវិញ ប្រទេស​ដែលរីកចម្រើនមួយនេះ បានបញ្ជូនជនភៀសខ្លួនទាំងនោះ ឲ្យមកចាប់ផ្ដើមជីវភាពថ្មី (អ្វីក៏ថ្មី) នៅក្នុងប្រទេសកម្ពុជា ដែល​ល្បីល្បាញ ខាងការរំលោភសិទ្ធិមនុស្ស និងជាប្រទេស ដែលក្រីក្រជាងគេ នៅក្នុងតំបន់។

ហើយដើម្បីបញ្ចុះបញ្ចូល ជនភៀសខ្លួនទាំងនោះ ឲ្យមកតាំងទីលំនៅ«ថ្មី» នៅក្នុងប្រទេសកម្ពុជា ក្រសួងអន្តោរប្រវេសន៍​របស់ប្រទេសអូស្ត្រាលី មានវិធីសាស្ត្រដ៏ពិសេស របស់ខ្លួន។ នេះបើតាមសេចក្ដីរាយការណ៍ របស់បណ្ដាញវិទ្យុ និង​ទូរទស្សន៍ អេប៊ីស៊ី (ABC) របស់ប្រទេសអូស្ត្រាលី ដាកផ្សាយនៅលើគេហទំព័ររបស់ខ្លួន។ នៅក្នុងចំណោមវិធីសាស្ត្រ [...]

លោក ថោង សារ៉ាត់ ជនសង្ស័យទីមួយ ក្នុងសំនុំរឿងឃាតកម្ម បាញ់សម្លាប់ឧកញ៉ា អ៊ឹង ម៉េងជឺ យ៉ាងកក្រើកភ្នំពេញ កាល​ពីចុងឆ្នាំ២០១៤ ត្រូវបានតុលាការសាលាដំបូង រាជធានីភ្នំពេញ សម្រេចឲ្យឃុំខ្លួន ទៅពន្ធនាគារព្រៃសរ ក្រោម​បទ​ចោទប្រកាន់ ថាបានផ្តួចផ្តើមគំនិត ក្នុងអំពើឃាតកម្មគិតទុក ជាមុន និងប្រើប្រាស់អាវុធ ដោយគ្មានការអនុញ្ញាត។

ការសម្រេចរបស់តុលាការ ត្រូវបានធ្វើភ្លាមៗ នៅវេលាម៉ោង៥ និង២០នាទី ល្ងាចថ្ងៃសុក្រ ទី១៧ ខែមេសា មួយថ្ងៃក្រោយ បន្ទាប់ពីអាជ្ញាធរនៃប្រទេសវៀតណាម បានចាប់ខ្លួនជនសង្ស័យរូបនេះ កាលពីថ្ងៃព្រហស្បត្តិ៍ និងបញ្ជូនមកឲ្យ​អាជ្ញាធរ​កម្ពុជា នៅយប់ថ្ងៃដដែល។

ការចាប់ឃាត់ខ្លួន លោក ថោង សារ៉ាត់ ដែលមានថានៈ ជាឧត្តមសេនីយ៍ទោ ក្នុងក្រសួងការពារជាតិរូបនេះ ដោយ​យោង​ទៅលើដីការឃាត់ខ្លួន របស់នគរបាលអន្តរជាតិ (Interpol) ដែលបានធ្វើ ទៅតាមការស្នើសុំ របស់អាជ្ញាធរកម្ពុជា ក្នុង​សំនុំ​រឿងឧក្រិដ្ឋកម្មធ្ងន់ធ្ងរ [...]

គូស្នេហ៍មួយនេះ អាចចាត់ទុកថា ជាគូស្នេហ៍វ័យចំណាស់ហើយ ព្រោះបានរៀបការជាមួយគ្នា តាំងពីឆ្នាំ១៩៧២។ បើ​ទោះ​ជាស្វាមី បានត្អូញត្អែរ ពីសភាពគ្មានសុភមង្គលរបស់លោក នៅក្នុងអាពាហ៍ពិពាហ៍នេះក៏ដោយ ប៉ុន្តែប្ដី​ប្រពន្ធ​ទាំង​ពីរ​នាក់ បានរួមគ្នាប្រសូតចេញ នូវកូនបីនាក់រួចមកហើយ និងបានរស់នៅជាមួយគ្នា រាប់មកទល់នឹងពេលនេះ មានរយៈ​ពេល​ជិត​៤០ឆ្នាំហើយ។ ខាងក្រោមនេះ ជាអ្វីដែលបុរសចំណាស់ បានថ្លែងយោង ជាមូលហេតុ នៅក្នុងការ​សុំ​លែង​លះ​របស់គាត់។

បុរសជាស្វាមី បានថ្លែងថា លោកបានរៀបការ នៅឆ្នាំ១៩៧២ ក៏មែនពិ តែលោកទើបនឹងបានឃើញ សុដន់របស់ភរិយា នៅឆ្នាំ១៩៧៤ ពោលគឺ២ឆ្នាំ ក្រោយការរៀបការប៉ុណ្ណោះ។ ភរិយារបស់លោក បានបញ្ជៀសពីការរួមរ័ក្សភិសម័យ ដោយ​ហេតុបណ្ដាលពី សុដន់របស់្លខួន បានប្រែរូបរាង។ លោកបានបញ្ជាក់ថា៖ «បើនាងមិនធ្លាក់ខ្លួន មានទម្ងន់ទេ ខ្ញុំ​ទំនងជា​សុំ​លែង​គ្នា នៅឆ្នាំ១៩៧៥ នោះរួចស្រេច ទៅហើយ»។

ស្វាមីចំណាស់ បានបន្ថែមទៀតថា [...]