Posts in ‘សម្រាំងជាខេមរភាសា’ Category

គ្រាន់តែផ្លុំខ្យល់ ចូលទៅក្នុងម៉ាស៊ីនមួយ ដែលដាក់តាមដងផ្លូវ ក្នុងពេលឥឡូវនេះ គេអាចហៅរថយន្ដតាក់ស៊ី ឲ្យ​មក​ទទួល យកទៅផ្ទះបាន នៅក្រុង តូរ៉ុងតូ ប្រទេសកាណាដា។ សេវាកម្មនេះ ទើបនឹងដាក់ឲ្យដំណើរការ នៅក្នុងរយៈពេល​ចុងក្រោយនេះ ដើម្បីធានាដល់សុវត្ថិភាព ចរាចរណ៍ជើងគោង និងដើម្បីឲ្យក្រុមអ្នកស្រវឹង ឈប់កាន់ចង្កូតរថយន្ដ ដោយ​ខ្លួន​ឯង ត្រឡប់ទៅផ្ទះវិញ។

ប្រអប់សម្រាប់ធ្វើការត្រួតពិនិត្យដោយស្វ័យប្រវត្តិនោះ មានឈ្មោះថា Uber safe ហើយត្រូវបានយកមកដាក់ នៅក្បែរ​នឹង​រង្គសាល ឬកន្លែងកំសាន្ដសំខាន់ៗ សម្រាប់ឲ្យមនុស្ស ដែលចេញពីទីនោះ ធ្វើការផ្លុំសាកល្បង ពីជាតិអាល់កុល នៅ​ក្នុង​ខ្លួន។ ដើម្បីដឹងពីលទ្ធផល គេត្រូវផ្លុំឲ្យបានយូរ ក្នុងរយៈពេល៦នាទី ហើយបើលទ្ធផលចេញមក បង្ហាញថា កម្រិត​ជាតិ​សុរា នៅក្នុងខ្លួន មានហួសកំណត់នោះ រថយន្ដតាក់ស៊ីមួយ នឹងត្រូវបានហៅ ដោយស្វ័យប្រវត្តិ ដើម្បីមកដឹក​អ្នក​ស្រវឹង​នោះ ទៅផ្ទះ។

លោកអ្នក ចង់ហែលទឹក ជាមួយត្រីឆ្លាមឬទេ?  ទោះជាភ័យខ្លាចយ៉ាងណា ក៏ក្រុមអ្នកងូតទឹកទាំងនេះ និងអ្នកចែកទូកតូចៗ ជាច្រើន បានធ្វើរួចហើយ នៅលើកោះ ខាប់ក្លៀរ (Cape Clear) នៅផ្នែកខាងត្បូង នៃប្រទេសអៀឡង់។

តាមពិតទៅ រឿងនេះ មិនមែនកើតឡើង ជារៀងរាល់ថ្ងៃនោះទេ ក្រាន់តែថា មិនមានរឿងត្រូវភ័យអ្វីខ្លាំងនោះដែរ ព្រោះ​ត្រី​ឆ្លាមត្រាច់ចរ ប្រភេទដូចត្រីបាឡែននេះ នឹងមិនធ្វើការវាយប្រហារ ទៅលើមនុស្ស ភ្លាមៗដោយមិនដឹងរឿងទេ។

តែយ៉ាងម៉េចក៏ដោយ គេគួរតែជៀសវាង ប្រសើរជាង... រង់ចាំឲ្យត្រីឆ្លាម វានប្ដូរចិត្ត!

គេរកគិតមិនយល់ថា ហេតុអ្វីក៏យន្ដហោះ ប៊ូអីង (Boeing 777) មួយទាំងមូល ដែលមានបណ្ដោយដល់ទៅ ជិត១០០ម៉ែត្រ (ប្រវែងពិត ពី៦៣ ទៅ៧៤ម៉ែត្រ) របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ ត្រូវបានបាត់ខ្លួនទៅ ដោយមិនបាន​ទុក ស្លាកស្នាមអ្វីសោះអញ្ចឹង? នេះហើយជាចំងល់ របស់បណ្ដាលអ្នកស្រាវជ្រាវ ខាងសុវត្ថិភាពអាកាសចរណ៍ នានា​ក្នុង​ពិភពលោក ហើយខិតខំធ្វើយ៉ាងណា ដើម្បីរកឲ្យបាននូវដំណោះស្រាយដ៏ប្រសើរមួយ។

ក្រុមហ៊ុន ស៊ីតា (Sita) ដែលជំនាញខាងការផ្គត់ផ្គង់ និងបំពាក់ ផ្នែកបច្ចេកវិទ្យា បានចេញផ្សាយនៅសប្ដាហ៍មុន ពីប្រព័ន្ធ​ចាប់រលក របស់យន្ដហោះ មួយប្រភេទ ដែលអាចតាមដាមយន្ដហោះ នៅរៀងរាល់១៥នាទីម្ដង។ ប្រព័ន្ធនេះ មាន​ឈ្មោះ​ហៅ​ថា៖ AIRCOM® FlightTracker។

តាមពិតទៅ ប្រព័ន្ធនេះ មិនមានអ្វីត្រូវមកបំពាក់បន្ថែម ឲ្យតួយន្ដហោះ នោះទេ ព្រោះវាបានប្រើប្រាស់ សម្ភារៈ​ដែល​មាន​រួច​ជាស្រេច នៅក្នុងយន្ដហោះ។ ប៉ុន្តែផ្ទុយទៅវិញ ប្រព័ន្ធ AIRCOM® [...]