ព្រីមែលីក៖ «សាខូ» ប្រាប់ប៉ារីសថា គាត់ចង់ផ្ទេរមកលីវើភូល
ក្លិបហង្សក្រហមលីវើភូល (Liverpool) សង្ឃឹមថានឹងអាចទិញខ្សែការពារ ម៉ាម៉ាឌូ សាខូ (Mamadou Sakho) បានសម្រេច បន្ទាប់ពីកីឡាករអន្តរជាតិបារាំងរូបនេះ បានប្រាប់ដល់ក្លិបគាត់ ប៉ារីស ហ្សិនជឺម៉ិន (PSG) ថា គាត់ចង់ផ្ទេរទៅកាន់កីឡាដ្ឋាន អេនហ្វៀល (Anfield) នៅរដូវក្តៅនេះ។
កីឡាករខ្សែការពារ ម៉ាម៉ាឌូ សាខូ នៅពេលទាត់ឲ្យក្រុមរបស់ទីក្រុងប៉ារីស។ (រូបថត ICON SPORT)
គ្រូបង្វឹកលីវើភូល លោកប្រេដិន រ៉ដចឺស (Brendan Rodgers) កំពុងតែសម្លឹងរកមើលខ្សែការពារកណ្តាលម្នាក់ទៀត មុនពេលទីផ្សារដោះដូរកីឡាករត្រូវបិទ នៅថ្ងៃទី០២ ខែកញ្ញា បន្ទាប់ពីខ្សែការពារ សែសបាស្ទែន ខូតែស (Sebastián Coates) នឹងត្រូវអវត្តមានពេញ១រដូវកាល ដោយតែមានបញ្ហារបួសធ្ងន់ធ្ងរ ក្នុងក្រុមជម្រើសជាតិអ៊ុយរ៉ាហ្គាយ។ ហើយពេលនេះ សាខូជាគោលដៅទី១ [...]