អ៊ឺរ៉ូ២០១២៖ ព័រទុយហ្គាល់ និងបញ្ហា «អញឯង» ក្នុងក្រុមជំរើសជាតិ
តាំងពីប៉ុន្មានឆ្នាំមកហើយ ដែលក្រុមបាល់ទាត់ជំរើសជាតិ របស់ប្រទេសព័រទុយហ្គាល់ ត្រូវប្រឈមមុខរកដំណោះ - ស្រាយផ្សេង ក្រៅពីភាពអាស្រ័យលើ តារាបាល់ទាត់តែមួយគត់របស់ប្រទេសនេះ គឺលោករ៉ូណាល់ដូ។ ប៉ុន្ដែរាល់ ដំណោះស្រាយ ណាក៏ដោយ ដែលខ្វះភាពជាក់លាក់ វានឹងអាចទាញប្រទេសព័រទុយហ្គាល់ អោយធ្លាក់ចេញពី ការដណ្ដើមយកពានរង្វាន់ អ៊ឺរ៉ូ ២០១២។
ជាក្រុមជំរើសជាតិមួយ ដែលចេះលេងបាល់យ៉ាងល្អ ជាមួយនឹងកីឡាករវ័យក្មេងៗជាច្រើន។ កីឡាករទាំងនោះមានដូចជា គ្រីស្ទីយ៉ាណូ រ៉ូណាល់ដូ (Cristiano Ronaldo) រូល មើរើលេស (Raul Meireles) និងណាណី (Nani) ជាដើម ដែលសុទ្ធសឹង ជាកីឡាករ ដែលអាចបង្កគ្រោះថ្នាក់ ដល់គូប្រជែងបានគ្រប់ពេលវេលា។ ហើយជាក្រុមជំរើសជាតិ [...]