សម រង្ស៊ី៖ បរទេសឈ្មានពានឲ្យខ្មែរស៊ីឈ្នួល បង្កវិបត្តិនយោបាយនៅកម្ពុជា
ទិដ្ឋភាពមួយផ្នែក ដែលអាជ្ញាធររដ្ឋាភិបាល គ្រប់គ្រងដោយគណបក្សប្រជាជនកម្ពុជា តែងតែលើកឡើងមិនដាច់ពីមាត់ ទាក់ទងនឹងការចាប់ចង ផ្ទុះរឿងរ៉ាវថ្មីៗជាបន្តបន្ទាប់នោះ គឺជាករណីរបស់តុលាការ «សុទ្ធសាធ» ហើយមិនពាក់ព័ន្ធនឹងនយោបាយទេ។ ប៉ុន្តែសម្រាប់ប្រធានគណបក្សសង្គ្រោះជាតិ លោក សម រង្ស៊ី ដែលកំពុងនិរទេសខ្លួននៅក្រៅប្រទេស ដើម្បីគេចពីការចាប់ចងនោះ បានលើកឡើង ថាវិបត្តិនយោបាយសព្វថ្ងៃនេះ ត្រូវបានបង្កឡើង ក្នុងផលប្រយោជន៍ចំនួនពីរ។
«បរទេសឈ្លានពាន បញ្ជា(មក)អ្នកស៊ីឈ្នួលគេ ដើម្បីបង្កវិបត្តិ...»
ថ្លែងនៅក្នុងកម្មវិធី «វេទិការអ្នកស្ដាប់» វិទ្យុអាស៊ីសេរី កាលពីយប់ថ្ងៃពុធ ទី១៥ ខែមិថុនានេះ លោក សម រង្ស៊ី បានពន្យល់ចំពោះផលប្រយោជន៍ទីមួយថា គឺដើម្បីបិតបាំងបញ្ហាជាតិធំៗ និងបញ្ហាអាយុជីវិតប្រទេសជាតិ ដោយយកតែរឿងកំប៉ិចកំប៉ុក រឿងផ្ទាល់ខ្លួន រឿងបុគ្គល យកមកលាតត្រដាង។ លោក រង្ស៊ី បានរៀបរាប់ថា៖ [...]
