Posts tagged as "Pentagone"

ចន ឃេរី៖ យន្ដហោះ​ប្រដេញ​រ៉ូស្ស៊ី គួរ​ត្រូវ​«បាញ់​ទម្លាក់»

ចន ឃេរី៖ យន្ដហោះ​ប្រដេញ​រ៉ូស្ស៊ី គួរ​ត្រូវ​«បាញ់​ទម្លាក់»

បើយោងតាមច្បាប់​ដែលនៅជាធរមាន សហរដ្ឋអាមេរិកគួរតែ​បាញ់ទម្លាក់​យន្ដហោះប្រដេញ​ទាំងនោះ របស់​ប្រទេសរ៉ូស្ស៊ី ដែលបានបង្ហោះជាច្រើនដង រំលងពីលើនាវាល្បាត ខាងចម្បាំងលើទឹក របស់កងទ័ពអាមេរិក នៅ​ក្នុងដែនទឹកអន្តរជាតិ នៃសមុទ្របាល់ទិក។ នេះជាការថ្លែងអះអាង របស់រដ្ឋមន្ត្រីការបរទេសអាមេរិក លោក ចន ឃេរី (John Kerry) កាលពីថ្ងៃព្រហស្បត្តិ៍កន្លងទៅនេះ។

ហេតុការណ៍ខាងលើ បានកើតឡើងចាប់តាំងពីថ្ងៃចន្ទ បន្ទាប់ពីនាវាចម្បាំងអាមេរិក បានបង្ហាញវត្តមាន ​នៅ​ចម្ងាយ​​ប្រមាណ​ជា ១៣០គីឡូម៉ែត្រ ពីមូលដ្ឋានយោធា កាលីនីហ្គ្រាត (Kaliningrad) ដែលស្ថិតក្នុងខេត្ត​ដាច់​ដោយ​ឡែកមួយ របស់​ប្រទេស​រ៉ូស្ស៊ី (នៅភាគខាងលិចបំផុត)។ ខេត្តនេះ មានទីតាំងស្ថិតនៅចន្លោះ រវាង​សមុទ្រ​បាល់ទិក ប្រទេស​ប៉ូឡូញ និងប្រទេសលីតួអានី តែមិនជាប់ជាមួយនឹងទឹកដី រ៉ូស្ស៊ី ធំនោះទេ។

យន្ដហោះប្រដេញ ធុន «Su-24» របស់ប្រទេសរ៉ូស្ស៊ី រំលងពីលើនាវាល្បាត សម្រាប់សង្គ្រាមលើទឹក [...]

អាមេរិក​ព្រមាន​ដាក់​ប្រព័ន្ធ​ប្រឆាំង​កាំជ្រួច បន្ទាប់​ពី​កាំជ្រួច​កូរ៉េ​ខាង​ជើង​ផ្ទុះ​លើ​អាកាស

អាមេរិក​ព្រមាន​ដាក់​ប្រព័ន្ធ​ប្រឆាំង​កាំជ្រួច បន្ទាប់​ពី​កាំជ្រួច​កូរ៉េ​ខាង​ជើង​ផ្ទុះ​លើ​អាកាស

ជាការបរាជ័យលើកដំបូង នៅក្នុងការបាញ់សាកល្បង ជាបន្តបន្ទាប់ នៅក្នុងប៉ុន្មានចុងក្រោយនេះ ហើយ​ដែល​តែងត្រូវបានរបបកុម្មុយនីសកូរ៉េខាងជើង ប្រកាសទទួលស្គាល់ និងអួតអាងមិនដាច់ពីមាត់។ ក្រសួង​ការពារ​ជាតិ​អាមេរិក ក៏បានអះអាងដែរថា កាំជ្រួចរយៈមធ្យម​បំពាក់ដោយគ្រាប់បែក បានផ្ទុះឆេះនៅពេលហោះឡើង ទៅដល់លើអាកាស។ អ្នកនាំពាក្យរបស់មន្ទីរប៉ង់តាហ្គោន (Pentagone = ក្រសួងការពារជាតិអាមេរិក) លោក ចេហ្វ ដេវិដ (Jeff Davis) បានថ្លែងឲ្យដឹងថា៖ «វាជាការប៉ុនប៉ង នៃការបាញ់សាកល្បងដ៏គ្រោះថ្នាក់មួយ ដែល​បាន​បញ្ចប់​ទៅ ដោយការផ្ទុះទៅជាភ្លើងមួយដុំ»។

សម្រាប់អង្គការសហប្រជាជាតិវិញ បានបង្ហាញនូវក្ដីបារម្ភរបស់ខ្លួន ជុំវិញការសាកល្បងជាថ្មីនេះ និងបាន​អំពាវនាវ​ឲ្យក្រុង ព្យុងយ៉ាង ឲ្យត្រឡប់មកធ្វើការត្រិះរិះឡើងវិញ។ នេះបើតាមលោក ហ្វារ៉ង់ ហាក (Farhan Haq) អ្នក​នាំ​ពាក្យ របស់អង្គការពិភពលោក ដ៏កំពូលមួយនេះ។

[...]
យន្ដហោះ​ប្រដេញ​រ៉ូស្ស៊ី​ហោះ​រំលង​ជិត​បំផុត ពី​លើ​នាវា​សង្គ្រាម​អាមេរិក

យន្ដហោះ​ប្រដេញ​រ៉ូស្ស៊ី​ហោះ​រំលង​ជិត​បំផុត ពី​លើ​នាវា​សង្គ្រាម​អាមេរិក

យន្ដហោះជាច្រើនគ្រឿង របស់កងទ័ពរ៉ូស្ស៊ី បានធ្វើការហោះហើរ «យ៉ាងព្រហើន» នៅពីលើនាវាសង្គ្រាម របស់​កងទ័ពអាមេរិក ក្នុងខណ:ដែលនាវានេះ  ស្ថិតក្នុងដែនទឹកអន្តរជាតិ នៃសមុទ្របាល់ទិក (Baltique)។ នេះ​បើតាម​ការប្រកាសឱ្យដឹង របស់អ្នកទទួលខុសត្រូវមួយរូប មកពីក្រសួងការពារជាតិអាមេរិក ដែល​បាន​ថ្លែង ក្នុងលក្ខខណ្ឌមិនបញ្ចេញឈ្មោះ។

ហេតុការណ៍ នៃករណីហោះហើរ របស់យន្ដហោះរ៉ូស្ស៊ី រំលងពីលើនាវាសង្គ្រាម ធុន «USS Donald Cook» របស់​អាមេរិក បានកើតឡើងជាច្រើនដង នៅថ្ងៃចន្ទ និងថ្ងៃអង្គារ។ អ្នកទទួលខុសត្រូវអាមេរិកដដែល បាន​បញ្ជាក់​បន្ថែមថា ជាពិសេសនៅថ្ងៃពុធ យន្ដហោះប្រដេញរ៉ូស្ស៊ី ធុន «Su-24» បានហោះរំលង នៅកំពស់​ប្រមាណ ជា៩ម៉ែត្រ ពីលើនាវាចម្បាំងអាមេរិកប៉ុណ្ណោះ។ មន្ត្រីរូបនេះបានហៅទង្វើខាងលើ ថាមាន​សណ្ឋាន​ដូច ជា​ផែនការ​វាយប្រហារមួយ។

មន្ត្រីក្រសួងការពារជាតិអាមេរិក បានឲ្យដឹងទៀតថា៖ «គឺជាការបំពាន​ដ៏ខ្លាំងបំផុតមួយ [...]

អាមេរិក​ជឿ​ជាក់​ពី​ការ​តាម​ប្រមាញ់​ប្រមុខ ISIS ថា​នឹង​សម្រេច​

អាមេរិក​ជឿ​ជាក់​ពី​ការ​តាម​ប្រមាញ់​ប្រមុខ ISIS ថា​នឹង​សម្រេច​

មន្ទីរប៉ង់តាហ្គោន (ក្រសួងការពារជាតិ របស់អាមេរិក) បានអះអាងជាថ្មីទៀតថា នៅថ្ងៃណាមួយ ប្រមុខ​ដឹកនាំ​របស់ក្រុមសកម្មប្រយុទ្ធ រដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​​បារាំង​ហៅ EI ពាក្យ​កាត់​​អង់គ្លេស​​ហៅ ISIS) ដែលមានឈ្មោះ អាប៊ូ បាក្រ អាល់បាងដាឌី (Abou Bakr al-Baghdadi) នឹងត្រូវទទួលផល​កម្ម សម​ស្រប​តាមអំពើឧក្រិដ្ឋជាច្រើន ដែលមេដឹកនាំរូបនេះ បានបង្កឡើង។ ការអះអាងនេះ បានធ្វើឡើង​បន្ទាប់ពី​កងទ័ព​អាមេរិក បានតាមប្រមាញ់ជាបន្តបន្ទាប់ នូវបណ្ដាអ្នកទទួលខុសត្រូវ របស់អង្គការភេរវនិយម​ រដ្ឋអ៊ីស្លាម ក្នុង​នោះ​មានមនុស្សខ្លាំងទីពីរ របស់ក្រុមនេះផង។

លោក ស្តេវ វ៉ារ៉េន (Steve Warren) អ្នកនាំពាក្យឲ្យមន្ទីរប៉ង់តាហ្គោន បានថ្លែងឲ្យដឹង កាល​ពី​ថ្ងៃ​សុក្រ​កន្លង​មក​ថា៖ «យើងកំពុងតាមប្រមាញ់ជននេះ ហើយយើងនឹងរកឃើញ ក្នុងថ្ងៃណាមួយ។ វាដូចគ្នាទៅនឹងវាសនា នៃ​ទីប្រឹក្សាជាន់ខ្ពស់ម្នាក់ របស់ជននេះ ឈ្មោះ អាប៊ូ ម៉ូស្សាប [...]

យន្ដហោះ​ប្រដេញ F-16 មួយ​គ្រឿង​របស់​អាមេរិក ធ្លាក់​បោក​ខ្លួន​ពេល​ហោះ​ឡើង

យន្ដហោះ​ប្រដេញ F-16 មួយ​គ្រឿង​របស់​អាមេរិក ធ្លាក់​បោក​ខ្លួន​ពេល​ហោះ​ឡើង

«អ្នកបើកបរយន្ដហោះប្រដេញមួយនេះ បានចុចបំប៉ើងខ្លួនឡើង ដោយគ្មានបញ្ហាអ្វីទាំងអស់ ហើយបន្ទាប់មក ត្រូវ​បាន​ជួយ​សង្គ្រោះ ដោយកងកម្លាំង របស់អង្គការ "OTAN" ដែលស្ថិតនៅនឹងកន្លែង» នេះជាការថ្លែងឲ្យដឹង នៅក្នុងសន្និសីទ​ការសែត របស់លោក ភីធើរ ឃុក (Peter Cook) អ្នកនាំពាក្យរបស់មន្ទីរប៉ង់តាហ្គោន (Pentagone - ក្រសួង​ការពារជាតិ របស់​អាមេរិក)។

ហេតុការណ៍បានកើតឡើង នៅវេលាម៉ោង ២០ និង៣០នាទីយប់ (ម៉ោងក្នុងស្រុក) ថ្ងៃអង្គារទី២៩ ខែមីនា​ម្សិល​ម៉ិញ។ អ្នក​នាំ​ពាក្យបានបញ្ជាក់ទៀតថា ការស៊ើបអង្កេតមួយ នឹងត្រូវបើកធ្វើ ដើម្បីស្វែងយល់ ពី​មូលហេតុ​នៃ​គ្រោះថ្នាក់​នេះ។

គ្រោះថ្នាក់យន្ដហោះប្រមាញ់ ត្រូវបានក្រុមតាលីបង់ទទួលស្គាល់...

ក្រុមតាលីបង់ ដែលមានវត្តមាន​នៅក្នុងតំបន់ បានប្រកាសទទួលស្គាល់ថា គឺក្រុមយុទ្ធជនរបស់ពួកគេ ជាអ្នក​បាញ់​យន្ដហោះ​ប្រដេញ​ខាងលើនេះ ឲ្យធ្លាក់ និងបានអះអាងទៀតថា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]oroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...