Posts tagged as "Crime"

នាយនគរបាលប្រចាំខេត្ត អ៊ូដុង តានី លោក សានថាន អ៊ីតារ៉ាចាក់ (Sansthan Intarajak) បានថ្លែងប្រាប់ទីភ្នាក់ងារ សារព័ត៌មានបារាំង អាអេហ្វប៉េ (AFP) ឲ្យដឹងថា៖ «ព្រះសង្ឃ អង្គនោះ បានរើរុះបានក្បាលសព ចំនួនប្រាំ ក្នុង​នោះមាន​ក្បាលមួយ ជារបស់បងប្រុស និងមួយទៀត ជារបស់បងស្រី ព្រមទាំងក្បាលសពមួយ របស់ក្មេងស្រីអាយុ៨ឆ្នាំ និង​មួយ​ទៀត របស់ក្មេងប្រុស អាយុ៦ឆ្នាំ ដែលសុទ្ធតែស្លាប់ ដោយលង់ទឹក»។ ព្រះសង្ស និងអ្នករួមគំនិតផ្សេងទៀត បានគាស់​កកាយ​ផ្នូរចំនួនពីរទៀត នៅមិនឆ្ងាយប៉ុន្មាន ពីទីរួមខេត្ត កាលពីថ្ងៃអាទិត្យនេះ។

ក្នុងពេលនេះ ព្រះសង្ឃត្រូវបានសង្ស័យ និងដាក់ទៅក្នុង ការស៊ើបអង្កេត របស់អាជ្ញាធរ ពីបទ«លួច បំផ្លិចបំផ្លាញ​ឆ្អឹង​សាក​សព និងបំពានលើសាកសព»។ ប្រសិនបើតុលាការថៃ រកឃើញថាព្រះសង្ឃ មានកំហុសមែននោះ ព្រះអង្គ​នឹង​អាច​ជាប់ពន្ធនាគារ រហូតដល់៥ឆ្នាំ។

បើតាមមន្ត្រីទទួលខុសត្រូវ របស់នគរបាលដដែល បានថ្លែងឲ្យដឹងទៀតថា [...]

ក្មេងប្រុសជំទង់២នាក់ ដែលបានលង់ទឹកស្លាប់ កាលពីម្សិលម៉ិញនេះ ត្រូវបានគេរកសពឃើញហើយ នាវេលាម៉ោង​ជាង​៨ព្រឹក ថ្ងៃទី២០ ខែមេសានេះ នៅក្នុងទន្លេស្រែពក ដែលជាតំបន់រមណីយដ្ឋាន ទឹកជ្រោះ។ នេះបើតាមការថ្លែងឲ្យដឹង ពី​សកម្មជន របស់សមាគមការពារសិទ្ធិមនុស្ស អាដហុក ប្រចាំខេត្តរតនគីរី លោក ឆាយ ធី។

តាមការស្រង់សម្តី របស់ប្រជាពលរដ្ឋ ដោយមន្ត្រីសិទ្ធិមនុស្សរូបនេះ បានដាក់ការសន្និដ្ឋានថា ការស្លាប់របស់ក្មេង​ប្រុស​ជំទង់ទាំងពីរ អាចបណ្តាលមក ពីពួកគេព្យាយាម ហែលឆ្លងកាត់ទន្លេ ទើបលង់ទឹកបែបនេះ។ ពួកគាត់បានបញ្ជាក់ដែរថា ទឹកជ្រោះនៅក្នុងទន្លេខែនេះ មិនសូវហូរខ្លាំងនោះឡើយ។

លោក ឆាយ ធី បានបញ្ជាក់ទៀតថា មកដល់ពេលនេះ គេទើបតែស្គាល់ឈ្មោះ ក្មេងប្រុសជំទង់តែម្នាក់ប៉ុណ្ណោះ ឈ្មោះ ណាក់ ដែលមានទីលំនៅ នៅក្រុងបានលុង ទីរួមខេត្តរតនគិរី។

ទស្សនាវដ្តីមនោរម្យ.អាំងហ្វូ និនអាចទំនាក់ទំនង មន្រ្តីអាជ្ញាធរតំបន់ នៃខេត្តរតនគីរី [...]

ក្នុងលោកយើងនេះ អ្វីដែលអាចទៅរួច គឺមានទាំងអស់។ ខ្លួនស្រាតឲ្យននលគោក តាំងដើរស្រែកដាក់គេឯង ថាខ្លួន​ជា​អាទិទេព។ មិនត្រឹមតែប៉ុណ្ណឹង ដើរបង្កើតរឿងផ្ដេសផ្ដាស ដ៏គួរឲ្យហួសចិត្តនោះទៀត។

ហេតុការណ៍នេះ បានកើតឡើង គាលពីថ្ងៃសុក្រ ទី១៧ ខែមេសានេះ នៅក្នុងសង្កាត់ ដ៏ស្ងប់ស្ងាត់មួយ នៃក្រុង មែលប៊ន (Melbourne ភាគខាងកើត នៃរដ្ឋផ្លរីដា សហរដ្ឋអាមេរិក) និងបានបង្កឲ្យបណ្ដាជន នៅក្នុងសង្កាត់នោះ សឹងតែទាំង​អស់​គ្នា ភ្ញាក់ផ្អើលមិនតិចឡើយ។ បុរសម្នាក់ អាយុ៤១ឆ្នាំ គ្មានសម្លៀកបំពាក់នឹងខ្លួន បានរត់ពាសពេញទាំងសង្កាត់ ដោយ​ស្រែក​ឡើងថា ខ្លួនជា«អាទិទេព»។ ទំនងជាស្ថិតក្នុងឥទ្ធិពលនៃគ្រឿងស្រវឹង ជនដែលក្រោយមក ត្រូវបានស្គាល់ឈ្មោះ​ថា កេណេត ក្រវដ័រ (Kenneth Crowder) នេះ ថែមទាំងបាន ទៅចាប់ដើមឈើ មកត្រដុសអង្អែល ហើយធ្វើកាយវិការ ដូច​ជា​កំពុង​សេព​សន្ធវៈ នោះផងទៀត។

សារព័ត៌មានក្នុងតំបន់ «Florida Today» បានរាយការណ៍ ពីហេតុការណ៍នេះទៀតថា [...]

បើគ្រាន់តែលឺឈ្មោះ ម៉ែរី ឃេ និង វីលី ហ្វូឡាអូ លោកអ្នកប្រហែលជា មិនចាប់អារម្មណ៍ទេ។ ប៉ុន្តែសម្រាប់អ្នករស់នៅ ក្នុង​ប្រទេសអាមេរិក ឬនៅទ្វីបអ៊ឹរ៉ុបខាងលិច ប្រាកដជាបានដឹង ពីការចេញផ្សាយ ដ៏ភ្ញាក់ផ្អើល នៅតាមសារព័ត៌មាននានា ក្នុង​​ឆ្នាំ​១៩៩៧ ស្ដីពីហេតុការណ៍ ដ៏ហួសចិត្តមួយ។ នោះគឺអ្នកគ្រូរូបនេះ សាស្ត្រាចារ្យនៃសាលារៀនមួយ ក្នុងក្រុង​សៀតថល (Seattle) សហរដ្ឋអាមេរិក ត្រូវបានផ្តន្ទាទោស ពីបទមានទំនាក់ទំនងផ្លូវភេទ ជាមួយកូនសិស្សខ្លួនឯង ដែល​នៅ​ជា​កុមារ​​ក្មេង​​ខ្ចី​នៅ​ឡើយ។

ប៉ុន្តែ នៅ២០ឆ្នាំក្រោយមក ប្រវត្តិស្នេហ៍ដ៏គួរឲ្យហួសចិត្ត របស់អ្នកទាំងពីរ បានក្លាយជារឿងមួយ ដែលអស្ចារ្យ​រក​ទី​បំផុត​គ្មាន។ នៅក្នុងកញ្ចក់ទូរទស្សន៍ ABC កាលពីពេលថ្មីៗនេះ អ្នកទាំងពីរបានចូលខ្លួន មកផ្ដល់កិច្ចសម្ភាសយ៉ាងលំអិត ពី​ប្រវត្តិ​ស្នេហ៍​នឹក​ស្មានមិនដល់ របស់ពួកគេ។

ពួកគេបានចាប់ផ្ដើមនិយាយសារឡើងវិញ ដោយបានរៀបរាប់ តាំងពីឆ្នាំ១៩៩៦ [...]

លោក ថោង សារ៉ាត់ ជនសង្ស័យទីមួយ ក្នុងសំនុំរឿងឃាតកម្ម បាញ់សម្លាប់ឧកញ៉ា អ៊ឹង ម៉េងជឺ យ៉ាងកក្រើកភ្នំពេញ កាល​ពីចុងឆ្នាំ២០១៤ ត្រូវបានតុលាការសាលាដំបូង រាជធានីភ្នំពេញ សម្រេចឲ្យឃុំខ្លួន ទៅពន្ធនាគារព្រៃសរ ក្រោម​បទ​ចោទប្រកាន់ ថាបានផ្តួចផ្តើមគំនិត ក្នុងអំពើឃាតកម្មគិតទុក ជាមុន និងប្រើប្រាស់អាវុធ ដោយគ្មានការអនុញ្ញាត។

ការសម្រេចរបស់តុលាការ ត្រូវបានធ្វើភ្លាមៗ នៅវេលាម៉ោង៥ និង២០នាទី ល្ងាចថ្ងៃសុក្រ ទី១៧ ខែមេសា មួយថ្ងៃក្រោយ បន្ទាប់ពីអាជ្ញាធរនៃប្រទេសវៀតណាម បានចាប់ខ្លួនជនសង្ស័យរូបនេះ កាលពីថ្ងៃព្រហស្បត្តិ៍ និងបញ្ជូនមកឲ្យ​អាជ្ញាធរ​កម្ពុជា នៅយប់ថ្ងៃដដែល។

ការចាប់ឃាត់ខ្លួន លោក ថោង សារ៉ាត់ ដែលមានថានៈ ជាឧត្តមសេនីយ៍ទោ ក្នុងក្រសួងការពារជាតិរូបនេះ ដោយ​យោង​ទៅលើដីការឃាត់ខ្លួន របស់នគរបាលអន្តរជាតិ (Interpol) ដែលបានធ្វើ ទៅតាមការស្នើសុំ របស់អាជ្ញាធរកម្ពុជា ក្នុង​សំនុំ​រឿងឧក្រិដ្ឋកម្មធ្ងន់ធ្ងរ [...]