គ្រោះថ្នាក់ក្រឡាប់រថយន្ដប្រណាំងពីលើ តែរួចជីវិតទាំងព្រលឹងចុងសក់ (vdo)
ជាការពិតហើយ ជាការភ័យតក់ស្លុតខ្លាំងជាងគេបង្អស់ នៅក្នុងជីវិតរបស់ពួកគេ។ ក្រុមអ្នកទស្សនា ដែលអង្គុយយ៉ាងសុខស្រួល ទស្សនាការប្រកួតឡានប្រណាំង នៅក្នុងកម្មវិធីមួយឈ្មោះ Jolly Rally ក្នុងតំបន់ Val d'Aoste នៃប្រទេសអ៊ីតាលី កាលពីថ្ងៃអាទិត្យ ទី៦ ខែតុលានេះ ស្រាប់តែរថយន្ដប្រណាំងមួយគ្រឿង បានរអិលបោកខ្លួន មកលើកន្លែងដែលពួកគេអង្គុយ ហើយថែមទាំងក្រឡាប់ពីលើថែមទៀត។
វីដេអូដែលទើបនឹងដាក់ផ្សាយនៅលើអ៊ិនធើណែត បានបង្ហាញពីគ្រោះថ្នាក់បោកខ្លួនរបស់រថយន្ដ មានទំហំគួរឲ្យព្រឺព្រួច ជាពិសេសនៅពេលរថយន្ដបោកខ្លួន ទៅលើទស្សនិកជនមួយក្រុមនេះ។ បើតាមសារព័ត៌មានក្នុងស្រុក បានឲ្យដឹងថា អ្នកបើកបររថយន្ដនេះទាំងពីរនាក់ គ្រាន់តែបានទទួលគ្រោះថ្នាក់តែបន្ដិចបន្តួចប៉ុណ្ណោះ [...]
