ឥណ្ឌូនេស៊ី៖ រញ្ជួយដីនៅអាសេហ៍ ស្លាប់៥នាក់ និងរបួសច្រើននាក់
ការរញ្ជួយដីដែលមានកម្រិតខ្លាំងគួរសមដល់ទៅ ៦,១ បានកើតឡើងនៅថ្ងៃអង្គារនេះ ក្នុងខេត្តអាសេហ៍ (Aceh) របស់ប្រទេសឥណ្ឌូនេស៊ី ធ្វើឲ្យមានជនរងគ្រោះ៥នាក់ស្លាប់ និងច្រើនជាង៥០នាក់ររបួស។ ខេត្តនេះធ្លាប់រងគ្រោះ កាលពីឆ្នាំ២០០៤រួចហើយ នូវការរញ្ជួយដី និងរលកយកយក្សដ៏រង្គាល ដែលបានធ្វើឲ្យខូតខាតដ៏ធ្ងន់ធរ។
បណ្ដាជនរត់ចេញមកក្រៅ ក្នុងអំឡុងពេលរញ្ជួយដី។
គ្រូពេទ្រម្នាក់ នៅខេត្តឡាប៉ាហាន (Lampahan) ភាគខាងជើងនៃប្រទេស បានថ្លែងប្រាប់ទីភ្នាក់ងារសារព័ត៌មានបារាំង អាអេហ្វប៉េ (AFP) ថា «យើងបានទទួលអ្នករបួស ប្រមាណជា៥០នាក់ ដែលរងនឹងការបាក់ស្រុតជញ្ជាំង នៃលំនៅដ្ឋាន របស់ពួកគាត់។ ភាគច្រើន ជារបួសរហែកសាច់ និងបាក់ឆ្អឹង»។ គ្រូពេទ្រស្រីរូបនោះ បានបន្ថែមថា «អ្នករបួស៣០នាក់ មានស្ថានភាពធ្ងន់ធ្ងរ [...]
