គ្រោះថ្នាក់ក្រឡាប់រថយន្ដប្រណាំងពីលើ តែរួចជីវិតទាំងព្រលឹងចុងសក់ (vdo)
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី០៧ តុលា ២០១៤
- កែប្រែចុងក្រោយ: October 08, 2014
- ប្រធានបទ: គ្រោះភ័យ
- អត្ថបទ: មានបញ្ហា?
- មតិ-យោបល់
-
ជាការពិតហើយ ជាការភ័យតក់ស្លុតខ្លាំងជាងគេបង្អស់ នៅក្នុងជីវិតរបស់ពួកគេ។ ក្រុមអ្នកទស្សនា ដែលអង្គុយយ៉ាងសុខស្រួល ទស្សនាការប្រកួតឡានប្រណាំង នៅក្នុងកម្មវិធីមួយឈ្មោះ Jolly Rally ក្នុងតំបន់ Val d'Aoste នៃប្រទេសអ៊ីតាលី កាលពីថ្ងៃអាទិត្យ ទី៦ ខែតុលានេះ ស្រាប់តែរថយន្ដប្រណាំងមួយគ្រឿង បានរអិលបោកខ្លួន មកលើកន្លែងដែលពួកគេអង្គុយ ហើយថែមទាំងក្រឡាប់ពីលើថែមទៀត។
វីដេអូដែលទើបនឹងដាក់ផ្សាយនៅលើអ៊ិនធើណែត បានបង្ហាញពីគ្រោះថ្នាក់បោកខ្លួនរបស់រថយន្ដ មានទំហំគួរឲ្យព្រឺព្រួច ជាពិសេសនៅពេលរថយន្ដបោកខ្លួន ទៅលើទស្សនិកជនមួយក្រុមនេះ។ បើតាមសារព័ត៌មានក្នុងស្រុក បានឲ្យដឹងថា អ្នកបើកបររថយន្ដនេះទាំងពីរនាក់ គ្រាន់តែបានទទួលគ្រោះថ្នាក់តែបន្ដិចបន្តួចប៉ុណ្ណោះ ដោយសារតែរថយន្ដបានរៀបចំប្រព័ន្ធការពារប្រកបដោយសុវត្ថិភាពខ្ពស់។
ចំណែកឯក្រុមទស្សនិកជនវិញ ក៏មិនមានគ្រោះថ្នាក់អ្វីគួរឲ្យកត់សម្គាល់ដែរ ប៉ុន្តែពីក្នុងចំណោមនោះ យុវតីវ័យក្មេងមួយរូប មិនអាចទប់ទល់បាននឹងទិដ្ឋភាពជាក់ស្ដែងនេះ បានក្អួតចង្អោរ ដែលតម្រូវឲ្យមានការជួយសង្គ្រោះ នៅពេលបន្តិចក្រោយមក៕
វីដេអូ៖