ត្រាំង អ៊ីតឹក៖ ក្នុង​ម៉ូតូ​មួយ​អនុញ្ញាត​ឲ្យ​ជិះ​បាន​បី​នាក់ ម្នាក់​ជា​កូន​ក្មេង

សេចក្តីព្រាងច្បាប់ថ្មី ស្តីពីច្បាប់ចរាចរណ៍ផ្លូវគោក បានអនុញ្ញាតឲ្យពលរដ្ឋជិះម៉ូតូមួយគ្រឿង អាច​ដាក់​ចំណុះ​បាន​មនុស្ស​បី​នាក់ ដោយមានពាក់មួកសុវត្ថភាព ហើយម្នាក់ពីក្នុងនោះ ជាកូនក្មេង។
Loading...
  • ដោយ: ក. វិច្ចនី អត្ថបទ៖ ក.វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី០១ ធ្នូ ២០១៤
  • កែប្រែចុងក្រោយ: December 02, 2014
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

តាមមើលទៅ អ្នក​ចង់​បំបែក​ឯកត្តកម្ម​ខាង​ជិះ​ម៉ូតូ ដាក់​គ្នា​ឲ្យ​ច្រើន​នៅ​កម្ពុជា ទំនង​ជា​លែង​មាន​ឱកាស​ទៀត​ហើយ។ នេះ​បើ​តាម​ច្បាប់​ចរាចរណ៍​ថ្មី ដែល​កំពុង​ដាក់​ឲ្យ​ពិភាក្សា​នៅ​រដ្ឋសភា​ជាតិ។

លោក ត្រាំង អ៊ីតឹក រដ្ឋមន្ត្រី​ក្រសួង​សាធារណៈការ និង​ដឹក​ជញ្ជូន បាន​ថ្លែង​ប្រាប់​អ្នក​សារព័ត៌មាន បន្ទាប់​ពី​កិច្ច​ប្រជុំ​ពិភាក្សា ស្តី​ពី​សេចក្តី​ព្រាង​ច្បាប់​ចរាចរណ៍​ផ្លូវ​គោក នៅ​មន្ទីរ​រដ្ឋសភា​ថា ច្បាប់​ដែល​កំពុង​ដាក់ ឲ្យ​ធ្វើការ​ពិភាក្សា​នេះ បាន​អនុញ្ញាត​ឲ្យ​អ្នក​ដំណើរ អាច​ជិះ​ម៉ូតូ​មួយ​ដែល​មាន​គ្នា​បី​នាក់​បាន និង​មាន​ពាក់​មួក​សុវត្ថិភាព​គ្រប់ៗ​គ្នា។ ប៉ុន្តែ​អ្នក​ដំណើរ​ម្នាក់​ក្នុង​ចំនោម​បី​នាក់​នោះ ត្រូវ​តែ​ជា​កូន​ក្មេង ទើប​អនុញ្ញាត​​ឲ្យ​​ជិះ។

ការលើកឡើងរបស់លោករដ្ឋមន្ត្រី បង្កឲ្យមានការអបអរពីពលរដ្ឋជាទូទៅ។ ព្រោះកន្លងមក គ្រោះថ្នាក់​ចរាចរណ៍​​បានកើតឡើងមួយភាគ ដោយសារតែអ្នកបើកបរម៉ូតូ ជិះម៉ូតូឌុបគ្នាមានរហូតដល់បួននាក់ ឬប្រាំ​នាក់​ក៏មាន។ ពលរដ្ឋមួយរូប បានលើកឡើងពីការយល់ស្រប់របស់គាត់ ទៅនឹងការបង្កើតបញ្ញត្តិថ្មីនៅក្នុងច្បាប់នេះ ដោយសារតែវាអាចបង្ការ នូវរាល់គ្រោះថ្នាក់ចរាចរណ៍ និងកាត់បន្ថយការឆក់ប្លន់ ដែលតែងតែកើត​មានជា​ញឹកញាប់។

និស្សិតផ្នែកសេដ្នកិច្ចមួយរូប កញ្ញា ឡុង សុខឃៀង បានយល់ស្របទៅនឹងច្បាប់ខាងលើ ដែលអនុញ្ញាត​ឲ្យ​ជិះបីនាក់ និងម្នាក់ពីក្នុងចំណោមនេះ ជាកូនក្មេង។ កញ្ញាបានពន្យល់ថា ប្រសិនបើច្បាប់អនុញ្ញាតិ ឲ្យជិះគ្នាបី​នាក់​ហើយ សុទ្ធតែជាមនុស្សធំនោះ នឹងមានផលលំបាកដែរ ចំពោះការពាក់មួក។ សុខឃៀង បាន​សំណូមពរ​ថា ប្រសិនបើមានការអនុម័តច្បាប់នេះមែន រដ្ឋាភិបាលត្រូវកំណត់ការពិន័យ ដល់អ្នកដែលមិនគោរពច្បាប់​ចរាចរណ៍ ឲ្យបានត្រឹមត្រូវ ជៀសវាងការយកប្រាក់ពិន័យពីប្រជាពលរដ្ឋ លើសពីច្បាប់ដែលបានកំណត់។

លោក ត្រាំង អ៊ីតឹក បានថ្លែងបញ្ជាក់ទៀតថា មុននឹងធ្វើការអនុវត្តនូវច្បាប់ខាងលើ រដ្ឋាភិបាលនឹងធ្វើការ​ផ្សព្វផ្សាយជាមុនសិន ដោយមិនធ្វើការចាប់ ឫពិន័យភ្លាមៗនោះទេ។ យ៉ាងណាក៏ដោយ សេចក្តីព្រាងច្បាប់នេះ ទើបនឹងត្រូវបានរដ្ឋសភា លើកមកពិភាក្សានៅក្នុងថ្ងៃពុធទី ០៣ ខែធ្នូ នេះបន្តទៀត៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...