វិភាគ៖ តើ«ខ្លាខាងកើត» ប្រាយុទ ចាន់អ៊ូចារ អាចស្រាយបញ្ហាបានឬ?
តាំងពីថ្ងៃព្រហស្បត្តិ៍ទី២២ ខែឧសភា ដែលជាថ្ងៃធ្វើរដ្ឋប្រហារ ទម្លាប់រដ្ឋាភិបាលស្របច្បាប់មួយពីអំណាចមក លោកឧត្ដសេនីយ៍ ប្រាយុទ ចាន់អ៊ូចារ បានក្លាយជាមនុស្សខ្លាំងថ្មីមួយ របស់ប្រទេសថៃ។ មេទ័ពមានឥទ្ធិពលរូបនេះ ដែលគេធ្លាប់ស្គាល់រួចហើយ ពីការចូលរួមបង្ក្រាបយ៉ាងរង្គាល ទៅលើបាតុកម្មរបស់ក្រុមអាវក្រហម កាលពីឆ្នាំ២០១០កន្លងទៅ បានរក្សាការស្ងៀមស្ងាត់រហូត ក្នុងអំឡុងពេលបាតុកម្ម៧ខែចុងក្រោយនេះ។ ប៉ុន្តែនៅទីបំផុត ការអំណត់របស់លោក បានឈានដល់ទីបញ្ចប់។ លោកបានចេញមុខមកធ្វើរដ្ឋប្រហារ ដណ្ដើមកាន់កាប់អំណាចរដ្ឋទាំងអស់ ក្នុងប្រទេសថៃ និងបានព្យាយាមធ្វើជាអ្នកដោះស្រាយបញ្ហា ដែលបានរួមរឹតយ៉ាងស្មុគ្រស្មាញរហូតមកដល់ពេលនេះ។
លោកឧត្ដសេនីយ៍ ប្រាយុទ ចាន់អ៊ូចារ មេទ័ព និងជាមេដឹកនាំធ្វើរដ្ឋប្រហារឆ្នាំ២០១៤ នៅថៃ។ (រូបថត [...]
