ការចុះបញ្ជីគណបក្សអំណាចខ្មែរ នៅចំពោះពិរុទ្ធភាពនៃ សួន សេរីរដ្ឋា...
តើគណបក្សអំណាចខ្មែររបស់លោក សួន សេរីរដ្ឋា អាចទទួលបានភ្លើងខៀវ ដើម្បីបើកការិយល័យរបស់ខ្លួន នៅក្នុងប្រទេសកម្ពុជាដែរឬទេ បើពេលនេះលោកត្រូវបានតុលាការកម្ពុជាសម្រេចឲ្យមានទោសទៅហើយនោះ?
បើទោះជា ក្នុងពេលកន្លងមកថ្មីៗនេះ សេចក្ដីប្រកាសព័ត៌មានមួយ របស់អគ្គលលេខាធិការរបស់គណបក្សអំណាចខ្មែរ លោក សៀង សុភារក្ស បាននិយាយពីផ្លូវច្បាប់ និងក្ដីសង្ឃឹម ក្នុងការចុះបញ្ជីគណបក្សខ្លួន នៅក្រសួងមហាផ្ទៃកម្ពុជានោះក៏ដោយ តែដើម្បីទទួលបានភ្លើងខៀវទាំងស្រុង ឬយ៉ាងណានោះ គេត្រូវពិនិត្យទៅលើទិដ្ឋភាពពីរយ៉ាង។
ទីមួយ៖ ទិដ្ឋភាពនយោបាយចាស់
អនុលោមទៅតាមច្បាប់កម្ពុជា ជាពិសេសទៅតាមច្បាប់រដ្ឋធម្មនុញ្ញរបស់ប្រទេសនេះ គ្រប់ពលរដ្ឋកម្ពុជាសុទ្ធតែមានលទ្ធភាពប្រមូលគ្នាជាក្រុម ដើម្បីបើកគណបក្សនយោបាយ សំដៅចូលប្រឡូកក្នុងការបោះឆ្នោត [...]
