Posts tagged as "Hun Sen"

«តើលោក (ហ៊ុន សែន) ចង់ឲ្យខ្ញុំធ្វើយ៉ាងម៉េច? ឲ្យមានការប៉ះប៉ូវយ៉ាងម៉េច? (...) ឬក៏លោកចង់យកខ្ញុំ ទៅ​កាត់​ទោស​នៅស្រុកខ្មែរ ចង់ឲ្យខ្ញុំទៅសារភាពទោស ទៅទទួលកំហុស ខ្ញុំអាចទទួលកំហុសណ្នឹង។ បាទ! ព្រោះ​គ្រាន់​តែ​ទោស ក្នុងការស្នើសុំធ្វើតេស្ដ៍ DNA ណ្នឹង ខ្ញុំជឿថា មិនមានទោសដល់ប្រហារជីវិត ដល់កាត់ក ដល់​យក​​ឲ្យ​ក្រពើ​ស៊ីនោះទេ។» នេះជាការដកស្រង់ខ្លីមួយ ពីវីដេអូថ្មីរបស់លោក យ៉ង់ ណុយ ហៅ «Brady N Young» អតីត​សមាជិក​មួយ​រូប របស់គណបក្សសង្គ្រោះជាតិ ​ពីទីក្រុង​ឡុងប៊ិច (Long Beach) រដ្ឋ​កាលីហ្វ័រញ៉ា​ខាង​​​ត្បូង សហរដ្ឋអាមេរិក។

នៅក្នុងវីដេអូថ្មី ដែលត្រូវបានបង្ហោះ​នៅថ្ងៃទី១៥ ខែមិថុនា ឆ្នាំ២០១៦នេះ លោក យ៉ង់ ណុយ បានវិលត្រឡប់​មក​និយាយយ៉ាងលំអិត សារជាថ្មីទៀត នូរដំណើររឿង ដែលទាក់ទងនឹងករណីអ្នកស្រី ប៊ុន រ៉ានី ភរិយា និង​លោក ហ៊ុន ម៉ាណែត កូនប្រុសច្បង របស់លោក ហ៊ុន សែន ដែលបានរងការចោទប្រកាន់ថា ជាភរិយា [...]

នាយករដ្ឋមន្ត្រីកម្ពុជា បានប្រកាសអួតអាង នៅថ្ងៃព្រហស្បត្តិ៍ទី១៦ ខែមិថុនានេះ ពីរបៀបដឹកនាំ​ប្រទេស​របស់​លោក ដែលលោកហៅថា ជារបៀបដឹកនាំ តាមបែប«រដ្ឋាភិបាល​អេឡិចត្រូនិក» ហៅតាមភាសាអង់គ្លេស «E-Government»។ បើស្ដាប់មួយភ្លែត ហាក់ដូចជាសម្បើមបន្តិច តែលោក ហ៊ុន សែន គួរ​ពន្យល់​ឲ្យ​គេឯង​ដឹង​ផង​ថា តើ​«រដ្ឋាភិបាល​អេឡិចត្រូនិក»នេះ មានលក្ខណៈរបៀបម៉េច និងថាតើ វាមានដំណើរការ តាមតែរយៈហ្វេសប៊ុក​របស់​លោក ឬយ៉ាងណា។

ថ្លែងនៅក្នុងពិធីសម្ពោធ ដាក់ឲ្យប្រើប្រាស់អគារមួយ នៃសាកលវិទ្យាល័យ វិទ្យាសាស្ដ្រសុខាភិបាល លោក ហ៊ុន សែន បានសំដែងក្ដីសោមនស្សរបស់លោក ជុំវិញទំនាក់ទំនងរវាងលោក និងបណ្ដាអ្នក​ប្រើប្រាស់​បណ្ដាញ​​សង្គម នៅក្នុងទំព័រហ្វេសប៊ុកផ្លូវការ​ របស់លោក។ លោកនាយករដ្ឋមន្ត្រី បានចាប់ផ្ដើមអះអាងថា៖ «តាំង​​ពី​ខ្ញុំ​លេង​ហ្វេសប៊ុកមក ទទួលសំណូមពរពីគ្រប់ទិស ហើយស្ដាប់បានរឿង រួចហើយពិចារណាយល់ និង​ដោះស្រាយ»។

ទិដ្ឋភាពមួយផ្នែក ដែលអាជ្ញាធរ​រដ្ឋាភិបាល គ្រប់គ្រងដោយ​គណបក្ស​ប្រជាជនកម្ពុជា តែងតែលើកឡើង​មិន​ដាច់​ពីមាត់ ទាក់ទងនឹងការចាប់ចង ផ្ទុះរឿងរ៉ាវថ្មីៗ​ជាបន្តបន្ទាប់នោះ គឺជាករណីរបស់តុលាការ «សុទ្ធសាធ» ហើយ​មិន​ពាក់ព័ន្ធ​នឹងនយោបាយទេ។ ប៉ុន្តែសម្រាប់​ប្រធានគណបក្សសង្គ្រោះជាតិ លោក សម រង្ស៊ី ដែល​កំពុង​និរទេស​ខ្លួន​​​នៅក្រៅប្រទេស ដើម្បីគេចពីការចាប់ចងនោះ បានលើកឡើង ថាវិបត្តិនយោបាយសព្វថ្ងៃនេះ ត្រូវ​បាន​បង្ក​ឡើង ក្នុងផលប្រយោជន៍ចំនួនពីរ។

«បរទេសឈ្លានពាន បញ្ជា(មក)អ្នកស៊ីឈ្នួលគេ ដើម្បីបង្កវិបត្តិ...»

ថ្លែងនៅក្នុងកម្មវិធី «វេទិការអ្នកស្ដាប់» វិទ្យុអាស៊ីសេរី កាលពីយប់ថ្ងៃពុធ ទី១៥ ខែមិថុនានេះ លោក សម រង្ស៊ី បាន​ពន្យល់ចំពោះផលប្រយោជន៍ទីមួយថា គឺដើម្បីបិតបាំងបញ្ហាជាតិធំៗ និងបញ្ហាអាយុជីវិតប្រទេសជាតិ ដោយ​យកតែរឿងកំប៉ិចកំប៉ុក រឿងផ្ទាល់ខ្លួន រឿងបុគ្គល យកមកលាតត្រដាង។ លោក រង្ស៊ី បានរៀបរាប់ថា៖ [...]

«ខ្ញុំមិនជឿថា អ្នកដែលប្រតិកម្មបែបនេះ (ជាមនុស្ស)ល្ងង់ គិតស្រាល ចោទប្រកាន់គេ​គ្មានមូលដ្ឋាន​បែបនេះ មាន​បំណងអាក្រក់ គ្រាន់តែយករឿងបុគ្គល យកមកបាំងមុខ យកមកបង្វែរអារម្មណ៍ កុំឲ្យ​ប្រជា​ពលរដ្ឋ​គិត​ពី​រឿង​ជាតិ» នេះជាការលើកឡើង របស់លោក សម រង្ស៊ី ប្រធានគណបក្សសង្គ្រោះជាតិ ដើម្បីជាប្រតិកម្ម​ទៅ​នឹង​ការ​​បដិសេធ​​មួយ ពីសំណាក់ (មនុស្សដែលស្និតនឹង) នាយករដ្ឋមន្ត្រីកម្ពុជា ទាក់ទងនឹងសំនុំរឿង​ចោទ​ប្រកាន់ ដ៏​អាស្រូវ​​មួយ ទៅ​លើ​ភរិយា និងកូនច្បង របស់លោក ហុន សែន។

ក្រុមអ្នកប្រើប្រាស់បណ្ដាញសង្គម និងប្លូក (Blog) បានបង្ហោះផ្សាយ​ជាច្រើនដង នូវការចោទប្រកាន់ភរិយា និង​កូនច្បងរបស់លោក ហ៊ុន សែន គឺអ្នកស្រី ប៊ុន រ៉ានី និងលោក ហ៊ុន ម៉ាណែត ថាជាភរិយា និងជាកូន​លួចលាក់ របស់អតីតមេទ័ពវៀតណាមម្នាក់ ឈ្មោះ​ ឡេ ឌឹកថូ (Lê [...]